بغير مكينة وابي نصايحكم

اكيد الصوف غيرها وشيك على كراسي المكينة وتركيب المكينة عند نفس المحل الي تشتريها منه

الله يعطيك العافيه ،، ومشكور ماقصرت .. 

ننتظر باقي الردود ''

وعليكم السلام ورحمه والله وبركاته نفس كلام اخوي فلان الفلاني وازيد على كلامه اهم شي تاخذ على المكينه ضمان اقل شي ثلاث شهور خاصه المستورده 

ودي بالضمان ٣ شهور بس كل الي سالتهم يقولون شهر كحد اقصى اذا ماكان ١٠ ايام 

هو المكان الي بروح له ثقه مغيرين عنده من قبل 

عموما ان شاء الله تقزر معي السياره فتره لين اخذ بدالها وابيعها بحالتها واخبر المشتري بالمشكله 
لان جربت من اول اغير مكينه احس تفرق معي السياره واكرهها خخخخ 

الله يرزقنا اجمعين 

وشكرا على تفاعلكم 

اشرط الضمان وخذه مكتوب علاقل شهرين لا حراره ولا تهريب زيوت ولا دخان ولا اهتزاز واشرط تغير الصوف جميعها وجب الصوف الاصلي وليس الصيني

واشرط نفس مكينة شد البلد

تحرق زيت بمعنى الزيت يسود. او يطلع دخان ابيض ؟
اذا الزيت يقلب اسود بدون دخان ابيض فهذا طبيعي.
فقط جرب تحط زيت 10w-30 نوعية كويسه و غيره كل 3 او 4 الف.
اما نقص الزيت جرب تغير بلف التبخير و اتأكد انه المكينة مافيها تهاريب.

اذا المكينه فعلا منتهية فعليك بمكينة مستوردة بنفس حجم مكينتك القديمة
2500 سي سي.

مكاين الكامري تحت ١١
نادر تلقى نظيف
وظب افضل

يعطيك العافيه يافهد عالنصايح الطيبه 

اخوي عامر تحرق زيت ويقلب اسود 
طلع لي دخان مره وحده وبعدها ماجاء 
وكل فتره يضرب بوجي عندي ، عكلام الفلبيني يقول المكينه فيها ضغط 
جربت غيرت نوع الزيت ونفس الفيلم 
ومافيها تهريب زيت 
وبلف التبخير مغيره من كم شهر هو والاهواز الي حوله 
وبعدها زاد النقص والحرق 
الموتر ماشاء الله ماشي ٤٨٠ الف 
كثر الله خيره على هالممشى ويستاهل يتركب له .. 

ابو علي انا معك ان ماحصل نظيف لكن ما اثق بالتوضيب واحتمال يكلفك اكثر من التغيير 
حتى لو حصلت ميكانيكي شاطر وسعره طيب وموجود (( لكن بياخذ وقت كثير )) وانا مافيني عالانتظار 
حصلت المكاين بالكويت ب ٣٢٠٠ وصورها لي نظيفه مستورده بس ماعندي وقت اروح لمها .. 

الله يعطيكم العافيه جميعاً وكثر الله خيركم 
يعني شوركم اغير الصوف + كراسي المكينه ان كانت خربانه 

انا صراحة أفضل التوظيب على تغير المكينة بس شرط انها ماوظبت قبل وعند واحد فنان ،

ومستحيل يرجع الموتر مثل حط في بالك ، العام وظبت كامري ٢٠٠٤ وشغلة كويس وقطع اصلي بس تغير على الموتر 

وانت إذا بتغير المكينة دور ولا تستعجل وغير الكراسي إذا تحتاج تغغير

ادا ناوي تبدل تقدر تسقط مكينه اريون او افالون ،، تركب ومجرب

اخوي فيصل يعطيك العافيه 
انا ماحب التوضيب حتى للقيور فما بالك مكينه وخاصه الياباني 
يعني لو جمس قديم مو مشكله حديد 
بس مكاين الالمنيوم عله شوي 

اخوي ايدج متاكد انها تركب حقت الاوريون 
اكيد في شغلات ثانيه تحتاج تغيير 
مثلا كمبيوتر ولا قير ولا حتى شكمان اضافي ولا ولا 
عطنا تجربتك لا عدمناك

عن هالامور و ضفيره والله ما عندي خبره فيها بس لو تسال اصحاب الورش ، وخاصه السعودين المشرفين عليها
بضبطك ما يقصر

بس اعتقد تركب مايحتاج اي تعديل عليها ،

الله يجزاك خير 
اذا كانت التكلفه مقاربه بسويها لكن اذا بتكلف كثير بلاها 

اذا اتأكدت انه المكينة لازم تتغير فخذ مكينة مستورده للأسباب التاليه:

1- سعرها مناسب و ارخص بكثير من قطع غيار التوضيب الأصليه + شغل يد الميكانيكي.
2- مكاين شد بلد بدون توضيب سابق و لا فك.
3- عليها ضمان شهر على الاقل ، اذا فيها اي خلل تستطيع تردها و ما حيمانع راعي المكاين لانه
عنده غيرها كثير.
4- تركيب يحتاج يوم واحد فقط ، و تغييرها ب 500 ريال عادتا، و يفضل تغير الصوف.
5- التوضيب ياخذ وقت طويل جدا، و قطع غياره غاليه جدا، و قليل المهندسين اللي عندهم عدة مناسبة
بمعايير معينه.
6- التوضيب اذا حصل فيه مشكله ، صعب جدا تعديلها و حيصرفك اللي وضبها.
اهم شيء التأكد من حجم المكينة مطابق للحجم اللي عندك، لانه فيه مكاين تجي من دول مكاين
سيارتهم احجامها اصغر من السيارات هنا و حيسبب لك ضعف في العزم و صرفية زياده اذا اختلف حجم المكينة.

الله يبيض وجهك كلامك وافي وانت وافي 

اجل ع شورك ، لكن بخليها لين تطق مره وحده لان قاعد اجمع لها