أضف سؤال أو موضوع جديد          

بغير مكينة وابي نصايحكم

up 0 down 0
m7md 33 1151
قبل 11 شهر و 2 أسبوع



السلام عليكم 

يعطيكم العافيه ي اخواني ،، 

سيارتي كامري ٢٠١٠ مكينتها على نهايتها تصرف زيت كل ٥٠٠ كيلو نص علبه غير انها تحرق الزيت .. 

ف بخليها لين تطق مره وحده وبغيرها ب ثانيه باذن الله 

ف اذا عندكم نصايح افيدوني فيها 

مثلاً تغيير الصوف لاغيرت المكينه ،، 

ويعطيكم العافيه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اكيد الصوف غيرها وشيك على كراسي المكينة وتركيب المكينة عند نفس المحل الي تشتريها منه


up 1 down 0
فلان الفلاني 508 500
قبل 11 شهر و 2 أسبوع



الله يعطيك العافيه ،، ومشكور ماقصرت .. 

ننتظر باقي الردود ''


up 0 down 0
m7md 33 1151
قبل 11 شهر و 2 أسبوع



وعليكم السلام ورحمه والله وبركاته نفس كلام اخوي فلان الفلاني وازيد على كلامه اهم شي تاخذ على المكينه ضمان اقل شي ثلاث شهور خاصه المستورده 


up 1 down 0
الخور قريبه 425
قبل 11 شهر و 2 أسبوع



ودي بالضمان ٣ شهور بس كل الي سالتهم يقولون شهر كحد اقصى اذا ماكان ١٠ ايام 

هو المكان الي بروح له ثقه مغيرين عنده من قبل 

عموما ان شاء الله تقزر معي السياره فتره لين اخذ بدالها وابيعها بحالتها واخبر المشتري بالمشكله 
لان جربت من اول اغير مكينه احس تفرق معي السياره واكرهها خخخخ 

الله يرزقنا اجمعين 

وشكرا على تفاعلكم 


up 0 down 0
m7md 33 1151
قبل 11 شهر و 2 أسبوع



اشرط الضمان وخذه مكتوب علاقل شهرين لا حراره ولا تهريب زيوت ولا دخان ولا اهتزاز واشرط تغير الصوف جميعها وجب الصوف الاصلي وليس الصيني


up 1 down 0
فهد1426 363
قبل 11 شهر و 2 أسبوع



واشرط نفس مكينة شد البلد


up 0 down 0
فهد1426 363
قبل 11 شهر و 2 أسبوع



تحرق زيت بمعنى الزيت يسود. او يطلع دخان ابيض ؟
اذا الزيت يقلب اسود بدون دخان ابيض فهذا طبيعي.
فقط جرب تحط زيت 10w-30 نوعية كويسه و غيره كل 3 او 4 الف.
اما نقص الزيت جرب تغير بلف التبخير و اتأكد انه المكينة مافيها تهاريب.

اذا المكينه فعلا منتهية فعليك بمكينة مستوردة بنفس حجم مكينتك القديمة
2500 سي سي.


up 2 down 0
amer ahmed 558
قبل 11 شهر و 2 أسبوع



مكاين الكامري تحت ١١
نادر تلقى نظيف
وظب افضل


up 1 down 0
abo ali28 288
قبل 11 شهر و 2 أسبوع



يعطيك العافيه يافهد عالنصايح الطيبه 

اخوي عامر تحرق زيت ويقلب اسود 
طلع لي دخان مره وحده وبعدها ماجاء 
وكل فتره يضرب بوجي عندي ، عكلام الفلبيني يقول المكينه فيها ضغط 
جربت غيرت نوع الزيت ونفس الفيلم 
ومافيها تهريب زيت 
وبلف التبخير مغيره من كم شهر هو والاهواز الي حوله 
وبعدها زاد النقص والحرق 
الموتر ماشاء الله ماشي ٤٨٠ الف 
كثر الله خيره على هالممشى ويستاهل يتركب له .. 

ابو علي انا معك ان ماحصل نظيف لكن ما اثق بالتوضيب واحتمال يكلفك اكثر من التغيير 
حتى لو حصلت ميكانيكي شاطر وسعره طيب وموجود (( لكن بياخذ وقت كثير )) وانا مافيني عالانتظار 
حصلت المكاين بالكويت ب ٣٢٠٠ وصورها لي نظيفه مستورده بس ماعندي وقت اروح لمها .. 

الله يعطيكم العافيه جميعاً وكثر الله خيركم 
يعني شوركم اغير الصوف + كراسي المكينه ان كانت خربانه 




up 0 down 0
m7md 33 1151
قبل 11 شهر و أسبوع



انا صراحة أفضل التوظيب على تغير المكينة بس شرط انها ماوظبت قبل وعند واحد فنان ،

ومستحيل يرجع الموتر مثل حط في بالك ، العام وظبت كامري ٢٠٠٤ وشغلة كويس وقطع اصلي بس تغير على الموتر 

وانت إذا بتغير المكينة دور ولا تستعجل وغير الكراسي إذا تحتاج تغغير


up 1 down 0
فيصل المغيري 556
قبل 11 شهر و أسبوع



ادا ناوي تبدل تقدر تسقط مكينه اريون او افالون ،، تركب ومجرب


up 1 down 1
ايدج14 -3
قبل 11 شهر و أسبوع



اخوي فيصل يعطيك العافيه 
انا ماحب التوضيب حتى للقيور فما بالك مكينه وخاصه الياباني 
يعني لو جمس قديم مو مشكله حديد 
بس مكاين الالمنيوم عله شوي 

اخوي ايدج متاكد انها تركب حقت الاوريون 
اكيد في شغلات ثانيه تحتاج تغيير 
مثلا كمبيوتر ولا قير ولا حتى شكمان اضافي ولا ولا 
عطنا تجربتك لا عدمناك


up 0 down 0
m7md 33 1151
قبل 11 شهر و أسبوع



عن هالامور و ضفيره والله ما عندي خبره فيها بس لو تسال اصحاب الورش ، وخاصه السعودين المشرفين عليها
بضبطك ما يقصر

بس اعتقد تركب مايحتاج اي تعديل عليها ،


up 0 down 0
ايدج14 -3
قبل 11 شهر و أسبوع



الله يجزاك خير 
اذا كانت التكلفه مقاربه بسويها لكن اذا بتكلف كثير بلاها 


up 0 down 0
m7md 33 1151
قبل 11 شهر و أسبوع



اذا اتأكدت انه المكينة لازم تتغير فخذ مكينة مستورده للأسباب التاليه:

1- سعرها مناسب و ارخص بكثير من قطع غيار التوضيب الأصليه + شغل يد الميكانيكي.
2- مكاين شد بلد بدون توضيب سابق و لا فك.
3- عليها ضمان شهر على الاقل ، اذا فيها اي خلل تستطيع تردها و ما حيمانع راعي المكاين لانه
عنده غيرها كثير.
4- تركيب يحتاج يوم واحد فقط ، و تغييرها ب 500 ريال عادتا، و يفضل تغير الصوف.
5- التوضيب ياخذ وقت طويل جدا، و قطع غياره غاليه جدا، و قليل المهندسين اللي عندهم عدة مناسبة
بمعايير معينه.
6- التوضيب اذا حصل فيه مشكله ، صعب جدا تعديلها و حيصرفك اللي وضبها.
اهم شيء التأكد من حجم المكينة مطابق للحجم اللي عندك، لانه فيه مكاين تجي من دول مكاين
سيارتهم احجامها اصغر من السيارات هنا و حيسبب لك ضعف في العزم و صرفية زياده اذا اختلف حجم المكينة.


up 0 down 0
amer ahmed 558
قبل 11 شهر و أسبوع



الله يبيض وجهك كلامك وافي وانت وافي 

اجل ع شورك ، لكن بخليها لين تطق مره وحده لان قاعد اجمع لها 


up 0 down 0
m7md 33 1151
قبل 11 شهر و أسبوع