أضف سؤال أو موضوع جديد          

رايكم في الجنوط الصينيه للجيب

up 1 down 0
هاوي707 229
قبل سنه و 11 شهر



السلام عليكم ورحمة الله

سعر الجنط الجديد لاندكروزر وكاله كم سعره؟

والصيني الي يتكلمو عنه ياشباب هل فيه تصنيع معين من شركة معينه تنصحوا فيه والا اي صيني من اي محل جنوط؟

وهل ممكن يتكسر لاسمح الله اذا اكلت حفرة او في البر ترج عليك ويبيلها ترصيص بعد كل كشته او على سرعات عاليه تشوف فيها رجة او مع الحرارة العاليه يصير فيها شيء وتنطعج تعرفوا مثل هالامور في سيارة عايله تخوف ويبيلك تتاكد وتحرص ولاتساوم ع حياتك وحياة اهلك

نبي تجربتكم يا اهل الخبرة







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام ... 

الجنوط الصينيه مركبها من ٦ سنوات مشاء الله شبه جديده لا عفطات ولا شي للعلم أخذت فيها حفر ومطبات كثر شعر الرأس 

وضرب علي كفر ولا حصل للجنط شي 

لكن ملاحظه في جنوط تجي مخصصه لسياره معينه هذي ماجربتها ولا ادري عنها 

الي انا مركبه يجي له اعتقد ١٠ مسامير بعيث يركب على اي سياره كانت 
 
يعيب الجنوط هذي من تجربه بعد ١٠٠ الطاره تهز زي لمن تمشي على بطناج خفيف. 
 
هذي تجربتي 

وبتوفيق للجميع 


up 2 down 0
المتوكل 777 462
قبل سنه و 11 شهر



شف اخوي اناكنت مثلك خايف من للجنوط الصيني ركبتها عندي فى موتري واسافر عليها واروح واجي الحمدلله لارجه ولاتكسرت ولاشي مثل مايقلون الناس حتى الكفرات الصيني الحين صارت تنافس الكوري والياباني وسعرها رخيص
عيب الجنوط الصينيه البويه حقتها بعد فتره تشهب تروح لمعتها وحلها ودها ورشه رشها فرن وترجع وكاله الجنوط الاصليه اسعارها مبالغ فيها يعني مثلا عندي كابرس دورت عن جنوط اصليه حقه 2015 حصلت اسعارها ماتقل عن 3000 رحت شريت صيني طقم جديد 1300 ؟ فرق كبير


up 1 down 0
k 6 4 i 1225
قبل سنه و 11 شهر



كلام جميل اخوي المتوكل ومطمان

لكن الرجه هذا الشيء الي ما ابيه والي ما احب اسمعه

مع ان ياليت لو تجرب ترصص يمكن الموتر يبيله بس ترصيص وتروح الرجه وياليت تخبرنا وش يصير معك


up 1 down 0
هاوي707 229
قبل سنه و 11 شهر



كلام سليم اخ فهود ولا يهمني موضوع البويه لان مثل ماقلت حلها سهل

الاهم عندي مايكون فيها رجه ولا تتكسر او تتاثر بالحفر والمطبات

ومثل عارف وزن الموتر ثقيل وودك بشيء يتحمل وبسعر معقول


up 1 down 0
هاوي707 229
قبل سنه و 11 شهر



شوف اذا تبي شي ماتشيل همه ولك ولزمان ومعاك السيوله الي تساعدك تشتري جنوط وكالة عز الله لا تبعد عن الأصلي وارتاح من وجع الراس


up 2 down 1
ابو تميم 585 16
قبل سنه و 11 شهر



والله صادق الاصلي مامثله لكن سمعت ولا ادري عن صحة المعلومه ان سعره يتحاوز ٢٥٠٠ ريال للجنط الواحد ياليت ان كنت غلطان احد يصححلي


up 0 down 0
هاوي707 229
قبل سنه و 11 شهر



الاصلي ينعوج وينطعج اذا حفرة قوية ،،،، انا مركب جنوط صيني ل لكزس gs 2013 وما اشتكيت منها اما الجيوب ما عندي علم عن الجنط الصيني بحكم انه الجيب يمشي في ظروف اقسى 


up 0 down 0
zax_makkah 247
قبل سنه و 11 شهر



ونسيت اقلك ان الصيني وزنه اخف من الاصلي


up 0 down 0
zax_makkah 247
قبل سنه و 11 شهر



الاصلي الي ينطعج والا قصدك الصيني؟


up 0 down 0
هاوي707 229
قبل سنه و 11 شهر



المقصد ان الاصلي لو اكلت حفره قوية بيتضرر وحتوديه مخرطة وفلم طويل وفالنهاية ماراح يزبط 


up 0 down 0
zax_makkah 247
قبل سنه و 11 شهر



اهاا

طيب افهم من كلامك ان الصيني ماينطعج يعني او وش وضعه؟

كذلك في جنوط من شركة لزوف صينيه بس يمدحونها ما ادري هل لاحد معها تجربة ياليت يفيدنا


up 0 down 0
هاوي707 229
قبل سنه و 11 شهر



جربت الصيني ... جنوط هلل على جي اكس ار ... لابأس فيها لكن فيها رجة خفيفة تحس فيها عند المشي بسرعة متوسطة ورصصت عادي وليزر ومافيه فائدة... لكن مقبولة وخفيفة.


up 0 down 0
fsam 255
قبل سنه و 9 شهر