كامري او التيما او مازدا .
2
0
إضغط هنا للإخفاء
السلام عليكم ياخوان
اليوم رحت اكثر من وكاله طبعاً و رحت اشيك على اسعار السيارات و اشوفها لاني كنت ناوي على سيارة خصوصاً المازدا ، ما اخفيكم انبهرت بالالتيما كثير و صراحه كان فيه فرق كبير عن المازدا بكل شيء تقريباً طبعاً حسيت بالجوده و الراحه من ركبت السيارة لاكن صدمني سعرها في بترومين الستاندر ب 88 الف !!!
بعدها رحت شفت المازدا مره ثانيه و اقتنعت انه الالتيما افضل علماً اني شفت الفل من المازدا بس السعر مخوفني .
بالاخير قلت اشوف الكامري و بصراحه الجوده جيدة مره و قريبة من الالتيما و الي اعجبني صرفيتها جدا حلوه الهايبرد .
الالتيما سعرها في بترومين ستاندر : 88700 الف
المازدا : 78 الف .
الكامري : 88 الف و الهايبرد 93 الف .
بالنهاية كل وحده لها مميزاتها لاكن فعلياً محتار بينهم و اتوقع الالتيما سعرها بينزل او ممكن بالمعارض القاها اقل ف اتمنى تفيدوني ..
إبلاغ
الردود
فخد اللي يهواه قلبك ولا ترده
عشان لا تندم
كلهم ممتازين.. وكلهم راح يعيشون معاك ويخدمون بدون مشاكل.. اهم شيء المحافظه على السياره.. وبتعمر معاك ١٠ سنين لو هي صينيه
الالتيما الشكل الجديد جميل.. ومميزه.. ونادره جدا بالشوارع.. فراح تكون مميزه اذا شريتها.. لان الكثير مايعرفها
وبالمعارض نعم ارخص
اسعارها حوالي 77_78 الف استاندر بدون ضريبه
والنص فل SV سعرها حوالي 89 الف بدون الضريبه
والصراحه انصحك تاخذ النص فل SV لك وللعمر
زيدها ١٠ الاف واستمتع بالمواصفات
العمر عايشنه مره.. فعيشه وانت مبسوط ودلع نفسك
النص فل مواصفاته جباره.. فتحة سقف.. جنوط كبيره شكلها جدا جميل مثل الفل كامل.. وشاشه كبيره بالوسط و كاميرا خلفيه.. و رادار.. وغيرها
والله يكتب لك ويختار لك مافيه الخير
كل التوفيق
3
0
من ناحية الاسعار في فرق ممكن كبير
بين الوكالات و المعارض
انصحك تتابع اعلاتات المعارض بالموقع
و اذا عندك كاش المعارض ينزلون لك و ممكن يوفرون اللون اللي تبيه بسعر اقل
و شوف بعد جيوب الكروس اوفر اللي على اساس كل سيارة
الاسعار و الصرفيه قريبة
التيما = اكس تريل
مازدا 6 = CX5
الكامري = راف فور
ان كان في فرق مكينه كورولا 2.0 و قير CVT
قبل 4 سنه و 6 شهر