أضف سؤال أو موضوع جديد          

محتار بين برادو 6 أو 4 سلندر

up 6 down 3
متعب الشمري 6106 54
قبل سنه و 6 شهر



السلام عليكم
صبحكم الله بكل خير
يالربع الي مجرب يفيدنا
انا باخذ برادو موديل 12 او 13 او 14
معي حوالي 74 الف ريال
بس الي مخوفني البانزين خايف يخسف بميزانيتي ال 6 سرندل، ودي ب 4 سرندل ومتخوف منه وللعلم انا رجال ابيه للسفر بحكم عملي بعيد عن اهلي
يعني كل اسبوعين اروح للحفر
وماني راعي بر يعني دوام وسفر فقط .
ياليت تشورون علي وتفيدوني الله يجزاكم خير , وترا باخذ كلامكم على محمل الجد وبقرر بناءً على كلامكم .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مافيه فرق في الصرفيه اشتري ٦ سلندر وخذلك عزم صدقني إن تكره ام السيارة لو تاخذ ٤ سلندر،، السيارة حجمها كبير الأربعة سلندر مايناسبها ولافيه فرق في الصرفيه بالعكس السته سلندر بيكون مرتاح في الخط اكثر من الاربعه


up 8 down 2
mohammed shareef 1075
قبل سنه و 6 شهر



خذ لك ٦ ويالله تسلم ٤ سلندر يصك الراس مع الخط تقول قلابي والصرفيه مقاربه اذذا ماكان ال٦ افضل


up 9 down 3
راكان443 149
قبل سنه و 6 شهر



الاربع سلندر بالفورشنر و البرادو ثقيل عزمه
و الصرفيه ما تفرق كثير حتى بالموديلات القديمه
الافضل V6


up 7 down 4
مثقف سيارات 1121
قبل سنه و 6 شهر



مافيه فرق ابد

انا كثير خوفوني من سالفة الاربع سرندل خصوصا الفورتشنر . وصدقت لكن انحديت واخذت اربع سلندر
صرفيته ممتازه داخل الديره وبالسفر صرفيته معقوله بسرعة 130 بالخطوط لاني ماني راعي سرعه

لذلك اقترح عليك
اذا رجلك خفيفه وسواقتك راكده خذ 4 سلندر
اذا رجلك حاره على السياره ومقاوم بالخط ودعس خذ 6 سلندر


up 4 down 12
tooty108 59
قبل سنه و 6 شهر



كيف ما فرق؟ انتم تسولفون ك مستخدمين؟ او مستمعين لكلام الناس
على كل حال انا استخدمت ال6 سلندر 7 سنوات واستخدمت ال4 سلندر
تقريبا سنتين ،، السته يشفط شفط بالديرة وبالخط والاربعة اهون بكثير
وبالخط ماقولك ممتاز وعزم لكن يفي بالغرض كنت اسافر عليه مسافات كثيرة
وماشاء الله عليه لكن اذا نطحك هواء قوي يضعف عزمه ، الخلاصة توكل على الله وخذ 4 سلندر


up 7 down 4
شماال 119
قبل سنه و 6 شهر



شوف عن الـ4 سلنلدر اكلمك عن تجربة
موديل 2009 و 2014

السيارة فلها اذا كانت مرررة فاضية وتحت الخط 130 ريال اخضر
يمشيك في المدينة 450 - 500 وعليها على حسب سواقتك
وفي الخطوط من 500 لـ 600 كيلو

السيارة مريحة في الخط و ثابتة وتسارعها يعتبر بطل بالنسبة لحجمها


بس لو تبغى نصيحتي خذ الـ6 سلندر لان الفرق بينهم في صرفية البنزين حول 200 متر بس




up 3 down 5
7ssom 421
قبل سنه و 6 شهر



طيب انت ليش تاخذ جيب أذا منت راعي بر خصوصا ان البنزين بيزيد بدون نقاش. بذا السعر تاخذ سيارة سيدان وممكن جديدة وموفرة الا أذا كنت ما تحب السيارات القريبة من الارض


up 8 down 0
abdulaziz3000 57
قبل سنه و 6 شهر



الله يجزاكم خير
الاربعة سلندر سمعت صرفيته كويسه
السته يبيه ميزانية ويابو عبدالعزيز انا عندي الحمدلله ولد وبنت ولكن ياخوي كرهت السيارات الصغار ، ابي لي سياره كبيره حقت خطوط وديره واذا ربعت الارض اطلع عليه اونس اهلي
البرادو من الكلام الي سمعته انه قوي وممتاز ولا يحتاج قطع غيار بشكل مستمر .



up 5 down 0
متعب الشمري 6106 54
قبل سنه و 6 شهر



ولاهنتم سعة التانكي في 4 تفرق عن ال 6 سلندر .


up 2 down 1
متعب الشمري 6106 54
قبل سنه و 6 شهر



عزيزي انت تبي حق سفر . كنسل البرادو يتعب ظهرك وغير مريح

شوف لك ب70 الف هونداي جديد توسان او مثيلاته اكستريل راحه وصرفية بنزين اوفر
وشكل

واترك تويوتا يكفيك الموديل اللي تبي قديم


up 6 down 3
aboahmed2014 1161
قبل سنه و 6 شهر



مشكلة الهوانداي التكييف خايس ومحد يمدحه .


up 8 down 3
متعب الشمري 6106 54
قبل سنه و 6 شهر



مافيه ذاك الفرق صرفية ال6سلندر في بطاقه الطاقة


9.3والاربعه 9.8


up 6 down 1
faisa8000 37
قبل سنه و 6 شهر



٦ سلندر ياخوي عزم بالخط خصوصا لو كنت محمل الموتر او جاك عج قوي ال ٤ سلندر يطيح عزمها بالخط يلا تجيب ١٦٠ وهي فاضية والصرفية مجنونة 

لذلك ٦ ولا تشاور ابد مواصفات افضل وعزم اقوى 


up 7 down 9
benz lover -77
قبل سنه و 6 شهر



استخدامك سفر ومدينة، ارشح لك الاربعة سلندر 
بتمسك خط وتثبت سرعتك لين توصل ديرتك
سواءاً اربعه سلندر ولا 12 سلندر 
منت محتاج عزم وقوة 

الموضوع الثاني 
70 الف في سيارة لها من الزمن 6 الى 8 سنوات ! 
ذي يبي لك تراجع نفسك فيها شوي
صدقني لو تجرب السيارة الجديدة اللي على يدك تفكها 
ان تكره اي شي مستعمل.. نصيحه اخ 


up 4 down 5
rustic 214
قبل سنه و 6 شهر



rustic يا اخ , عطني موتر وكالة ب 74 الف اقصد موتر عائلي ومرتفع عن الارض شوي ؟


up 0 down 0
متعب الشمري 6106 54
قبل سنه و 6 شهر



متعب شوف اكستريل من نيسان
خذ لك لفه بالوكاله وشوفه شبيه التوسان من هونداي

ومو شرط تطق لك فل كامل


up 2 down 2
aboahmed2014 1161
قبل سنه و 6 شهر



يا متعب .. خذ برادو اربعه سلندر او فورشنر أربعة سلندر .. عن تجربة شي يبيض الوجه ويجمل في البنزين وفي السفر امشي به بسرعة ١٥٠ كم


up 1 down 7
ربيع الأول 354
قبل سنه و 6 شهر