أضف سؤال أو موضوع جديد          

كيف اتأكد إذا سيارتي مناسبة للسفر او لا؟ كامري 2009 - 295000

up 3 down 1
mhaaad 21
قبل سنه



السلام عليكم ورحمة الله وبركاته،

معي كامري 2009 تحت يدي من 11 سنة ماشية 295 ألف كيلو
صار لي سنتين ما اطلع بها خارج الرياض خوفاً انها تتعطل بي في نص الخط،
ما شفت عليها مشاكل واضحة ولكن عمر السيارة خلاني اخاف عليها،

- ابي اطلع بها خط الشرقية (مقطعة)، كيف اتأكد ان سيارتي مناسبة لمسك الخطوط او غير مناسبة؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


غير السير وتوكل على ربك


up 4 down 1
rustic 194
قبل سنه



و عليكم السلام و الرحمة
العمر و الممشى ماله دخل اذا سيارتك و تعرفها من سنوات
و كامري تنفع للخط و المشوار قريب للشرقيه
توكل على الله شيك على الكفرات اذا قديمه لازم تتغير
عمر المطاط بالكثير ٣ الى ٤ سنوات ركب صيني سعره معقولة جودته طيبة
البطاريه افحصها و سير المكينه
اذا تشتغل من اول مرة ما في تأخير يعني البواجي سليمه
و شيك على ماء الرديتر و سائل الفرامل و القماشات اذا من وقت طويل ما شيكت
و امش على مهلك بوقت مناسب و انت نشيط الله معك


up 6 down 1



يارجل سيارات ماشية ٥٠٠ الف ويسافرون فيها عادي
حالة السيارة مالها علاقة بالممشى

اذا المكينة مافيها مشاكل حرارة وعكوسها سليمة مافيها شيء
توكل على الله وغير مايلزم


up 7 down 1
سلطان4040 1237
قبل سنه



إذا المكينه مافيها أصوات والقير تبديلاته زينه والمويه ماتنقص وكفراتك جديده والسير سليم شيك علئ زيوتها وتوكل علئ الله يارجل مسافر من الرياض الئ حائل علئ ددسن مديل ٩٢ ماشاءالله وصلني ماتعطل علئ وممشاه طبق المليون كيلو


up 2 down 0
zl1.v8 108
قبل سنه



تأكد من البطارية والكفرات وغير الزيت وشيك على العكوس وتوكل على الله

معي نفس سيارتك ماشية 400 وشوي واروح بها للدمام ولمكة وللطايف ولا قالت لا

اهم شي العكوس شيك عليها عشان ماتخرب عليك بنص الخط وماتمشي بعدها


up 1 down 2
0abo_waleed0 126
قبل سنه



ي حليلك .. موترك ٢٠٠٩ ووممشاه قليل وتقول كذا ؟؟ 


والله كانت معي اكورد ٢٠٠٧ ماشيه ٥٠٠ الف وكسور ورب الكعبه من حايل لخميس مشيط والعكس 
بالسنه اسافر ٤ مرات رايح جاي 

اللهم اني مشيك على عضلاتها كامله مغيرها قبل فتره والرديتر والزيت والسيفون 




up 1 down 2
مشاااووير 13
قبل سنه



اذا سيارتك سليمة قير ومكينة وتغير زيوتها وفلاترها ومافيها مشاكل ميكانيكية مافي شي يخوف توكل على الله وسافر

عندي سوناتا 2007 وللحين ما اثق الا فيها ماشية 400 وعليها


up 1 down 2
7amood1930 181
قبل سنه



مساعدات
سيور مكينه
بواجي
كفرات كفرات كفرات اهم شيء .
عكوس
كراسي مكينه
دينمو كهرباء
بطارية
ماء الرديتير
وليات وخراطيش تاكد منها
ولمبات الاضاءة الامامية والخلفيه
وشاحن جوال
وتوكل ع الله .