شباب سويت حادث والطرف الثاني ..

وين تبلغ يالحبيب ههههههههههه وينك من أول ماصار الحادث ليه مابلغت ؟؟؟؟؟؟؟؟؟

مالك إلا تراكض وراه وتسايسه لين يسددك ومن طيب خاطره بعد هههههههههههههه . . . والله يعينك . . . .

وعليكم السلام
اعانك الله ، هذي غلطه ولا تكررها نصيحه
للاسف اذا مافي اثباتات ما راح تستفيد شيء الا اذا اعترف هو لهم غيرها انسى ، وانصحك انت وغيرك لا تصدق احد ابدا ، ارتفعت اسعار قطع غيار واكسسورات البودي بسبب التامين والله يعينك بتدفع مبلغ وقدره

للأسف وقعت في الفخ

المفروض تطلب المرور وتثبت حقك وبعدها تراعي ظرفه وتتعاون معه لكن أنت تعاملت معه بطيبة

أنصحك تمر المرور وتعرض عليهم الموضوع وتشوف إذا تقدر تشتكيه أو لا

وإذا عندك صور للحادث وضعك بيكون أقوى

وتقدر تتصل عليه وتهدده لو ما دفع تتصل على المرور وتقول لهم صدمني وهرب

اعانك الله ووفقك
هذا ما انادي به دائما
طيبتنا ورطتنا ....
طيبتنا ضيعت حقوقنا ...
طيبتنا الزائده ضدنا وليست من صالحنا
لو انه جا نجم او المرور ووثقت
كل شي وبعدها تنزل له ف المبلغ
تصير انت اللي تتحكم فيه ....
اشور عليك بشور ............
ارسل له رساله
( اذا تماطلني الله لا يسامحك ...
واشكيك للله رب العالمين)
واذا عندك معلوماته
اسمه وجواله وعمله
قدم شكوى لاقرب مركز شرطه
وتاخذ اجراءات .......
وامورك ان شا الله طيبه

اتصل به قل اذا ما حضرت الان ومعك الدراهم ترا بوقف بنفس مكان الحادث واتصل على المرور واقولهم صدمني وهرب

وفهمه انك اذا بلغت عليه صدم وهروب بيدفع قيمة التصليح + غرامة هروب

شباب انا مسجل له مقطع وهو يقول بدفع لك الفلوس ورسايل الوتس تثبت

ممنوع تسجيل المقاطع صوت وصورة والله لتدخل في مصيبة أكبر لو اشتكاك بتهمة ( التصوير والتسجيل بدون إذن ) . . .

فيها غرامة 500 ألف وسجن سنة ( جرائم معلوماتية ) . . . . سلامات . . . . وين عقلك أنت !!!!!!!!!!!!

رسائل الواتس آب . . . . . وش يضمن لك إنه الرقم بإسمه . . . يمكن بإسم واحد ثاني أو بإسم كفيله أو بدون إسم ؟؟؟؟؟؟؟؟

جبته للتحقيق وانكر وقال هذا مو رقمي ولا هو بإسمي وطالب برد إعتبار وش تسوي هنا ؟؟؟؟؟؟

خذ نصيحتي من الآخر . . . سايس الرجال وأحمد ربك إنه لهالحين يرد عليك يعني فيه أمل يسددك ولو طال الزمن . . .

سايسه ثم سايسه ثم سايسه . . . . لين يسددك . . . . والله يعينك . . . . .

حياك
رح للمرور وشاور الضابط واسرد القصة للضابط المسؤل 
ولاتنسى يطلع للتسجيل ورسايل الواتس اب
واذا لك طريقة تاخذ حقك 
هو بيوجهك باالطريقة

رح للمرور استفسر غن وضعك. و اتمنى تكون عارف معلوماته
مثل اسمه و رقم هويته و رقم لوحة سيارته و نوعها كل هذي المعلومات
بتدعمك و لو عندك صور للحادث بتدعمك بشكل اكبر. اذا للمرور دعموك فان شاء
الله تنتهي امورك باتصال واحد منهم يطلبون حضوره و حضورك. و يعيطه مهله يومين يجيب
المبلغ و الا يقفل خدماته و احتمال حجز.

دق على نجم وخله يسجل لك تقرير بالحادث وسجله على الطرف الثاني وبعدها عاد طالبه عن طريق المرور اذا ما جاء تتوقف خدماته

انتبه انتبه انتبه
تسجل حادث جديد او تتصل بنجم لو المرور
لانه اتوقع صلح سيارته الرجال بدون اوراق
ومافي شي يثبت عليه وان ادعائك باطل
والسبب شهرين بهالفتره يقدر حتى يبيع سيارته
.
الحل روح المرور وان شاء الله حقك بيطلع
المرور صار متفهم اكثر من زمان والحق مايضيع ابدا

ذكرتني بقصه حادثي زمان مع سوداني كنت واقف وابي ارجع جاء صدمني
ونزلت اشوف الحادث الا حطه بالصدام الخلفي قلت حجيب المرور
قام يتمسكن ويقول الرقاب طارت بالسودان وانت تبي فلوس حادث قلت وش دخلني بالرقاب تطير ولا ما تطير
جت الدورية وجلس يبربر ويقول للعسكري انا مسكين والرقاب طارت وعندنا حرب دارفور وحالتي حاله
ولابس عمامه دورين العسكري قال سامحه سامحه
ومشيت وقلت سامحتك وانا ماشي واسمعه يقول يا زول لا تنسى الرقاب طارت
ضحكت ومشيت وقلت بنفسي وش هالبلشه بالسوداني