أضف سؤال أو موضوع جديد          

مشكلة في اللاندكروزر

up 1 down 1
kh.otb 5
قبل 2 أسبوع و 4 يوم



يالربع عندي جكسار ٦ سلندر قير عادي قبل اسوي فيه شي كان الموتر ورده مافيه ولا شي و طلع عندي تنديه بسيييطه مره في صوفة المكينه الخلفيه و قلت بايرها و بغير صوف القير وكذا من باب المحافظه وديته لورشة سوري نزلو القير و الدبل و العامود وغيرو جميع الصوف و رجعو طبقو كل شي جربت التعشيقات مافيه ولاشي مره مشيت من عنده الموتر زي الحلاوه ومشيت ١١٠ طلع عندي صوت مثل صوت ونة الكارونه بالضبط ولكن اذا شلت رجلي زاد الصوت و اذا ضغطت كلتش يختفي مره الصوت و هديت و جيت برجع له و رديت الموتر ٣ وانا مهدي اسمع صوت قره اول ما ادعس و تروح اذا شد الموتر يعني مايطلع صوت القره الا اذا الموتر مريح توقعت انه من الدبل وفصلت عامود الدبل وجربت الموتر ونفس السالفه ماتغير شي و رجعت ركبت عامود الدبل ويشتغل مافيه شي مررره مع العلم وانا واقف مافيه اي صوت الموتر ياليت تخدموني لاني والله كرهت الموتر عقب ما كان ورده في يدي وهذا العلم وعفاكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما عندك الا حل واااحد
ترجع له وتقول كلمتين
( السياره بعد ما غيرت الصوفه فيها
كذا وكذا وكذا وتوصف الاعطال)
حبيبي تركنا لبعض الجاهلين ف الورش
معناه اننا نقويهم ع اللعب والشغل اي
كلام وبدون حرفيه ... ترجع له ويسويه
وهو ابن حلال .. ما ضبط شي تروح
لشيخ الصناعيه وتشكيه ..ومعك اثباتاتك

موفق ... وجميع القارئين


up 1 down 0
لا للغلاء 766
قبل 2 أسبوع و 4 يوم



شوف صوت شبيه بالصرصرة إذا ضغطت الكلتش راح وإذا رفعت رجلك عن الكلتش رجع ... هذي فحمه بالجربكس أغلب جيوب التويوتا القير العادي يطلع فيها وموديلات حديثه بعد ..أحيان كثيرة تأخذ وقت طويل ممكن ثلاث سنين اربع وزيادة تسمعها ولاتضر السيارة ولكن راح يجي لها وقت وتنحرق وتقطعك .. واذا حاب تصلحها آلان يحتاج تفك القير وتركب الفحمه ودزق وصحن ..... أن طلعت معي بجيب شاص ٢٠١٠ سنتين مطنشها لحد مابعته


up 0 down 0
راضي بقربك 105
قبل 2 أسبوع و 4 يوم



احتمال انه فحمة كلتش 


up 0 down 0
راكان443 121
قبل 2 أسبوع و 4 يوم



حياك
نصيحة لك وللجميع
اذا جيت تغير صوفة القير بدل معها الدزقات والكلتش والفحمة
ثاني شي قبل تبدل اي شي وخصوصا القير خل صاحب الورشة
يسوق الموتر عشان توثق ان موترك تعشيقاته سليمه 
هاالحين مالك الاترجع له ويصلحة لاتخليه 


up 0 down 0
باترول 2020 2620
قبل 2 أسبوع و 4 يوم



يا ريجيل نشدته عن الكلتش و الفحمه قالي والله كلتشك باقي نظيف و الفحمه نظيفه قلت طيب يمكن يبيله وزن قال ما ينوزن لان كلتشك مو ضعيف و الكلتش الضعيف هو الي بينوزن عشان يكون قوي و يعشق القير والله معاد ادري وش الحل


up 0 down 0
kh.otb 5
قبل 2 أسبوع و 4 يوم



شبك عند غيره ورشه خبير يثنون علبه وشوف وش يقولك

وتالي ارجع له و قل سوا الشيء الفلاني كذا وكذا


up 0 down 0
هاوي707 214
قبل 2 أسبوع