أضف سؤال أو موضوع جديد          

تجربة تأجير الراجحي للفائدة

up 5 down 0
علاوي555 543
قبل شهر



السلام عليكم 
كيفكم ان شاءالله انكم طيبين 
حبيت انقل لكم التجربه ممكن تستفيدون منها 
والي الحمدلله خلصت منها 
كان معي سيارة من الراجحي تأجير 
من نوع كامري فل بريمي ٢٠١٦ 
ولله الحمد تم انهاء العقد بالسداد المبكر 
القسط كان ١٦٠٠ والدفعه الاخيره حول ٢٧
المهم اني سددته مبكر ولا اعرف اي شي بعد هالطريقه 
اتصلت بالبنك وقلت انا رجال ماعرف شي 
قال الموظف تمام اعطيك كلش الان 
وقال اذا انت  حاب تأمن عندنا
اسويلك الان وقلت يالله نبي الخراج
وامنت عندهم والحمدلله كل شي بالجوال
وارسلي التامين ع الايميل
والله وامنت وقال لي بعدها راح ناخذ منك رسوم انهاء عقد 
واصدار تفويض من الغرفه التجارية ٣٥ريال
الي مدري وش دخلها في السياره 
والله وفعلا بعد ٢٤ ساعه بالتمام 
جاتني رساله رقم العضويه ورقم الوثيقه الخاصه بالغرفه
التجارية  من البنك 
وطبعتها من موقع الغرفه التجارة خدمة سند 
تجيك خانتين رقم العضويه من رقم واحد ورقم الوثيقه من ٧ ارقام
تروح للموقع تحط الارقام ويعطيك وثيقه تفويض 
والله وتوكلت ع الله بعد التفويض انا طبعا سبق وسويت فحص ومأمن 
والمفتاح الاحتياط ارسلوه لي قبل ع حسب طلبي  وجهزت الفحص وتفويض نقل البنك والاستماره والتأمين ورحت المعرض بجدة معرض النجاج مافي غيره ينقل ملكيه سيارات الراججي
و٤٠٠ ريال نقل ملكيه في ٥ دقايق 
عطاني صورة الاستماره اطلعها من اي مرور بجدة فقط
وكذا الحمد لله خلصت كل شي 
طبعا السالفه هذي كلها في اقل من ٤٨ ساعه سددت السياره 
يوم الاحد ويوم الاثنين صارت بأسمي 
وصراحه ماكنت متوقع انها سهالات لاني شفت كثير يتضجرون 
من بنك الراجحي ونقل السياره وكنت شايل هم المرمطه 
ولكن الحمدلله اغلب الشغل اونلاين ماعليك الا تروح المعرض 
وحبيت اعلمكم يمكن احد مايعرف شي من هالامور يستفيد 








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ما شاء الله ، كان ودي تكتب تفاصيل اكثر عن السداد المبكر هل فيه خصم مبلغ عشان سداد مبكر ولا لا


up 3 down 1
mr.golden 9
قبل شهر



نظام التاجير المنتهي بالتمليك صحصح انه صلخ 
لكن انا جربت الراجحي ميزته اجراءاته كلها عن طريق الجوال ماتحتاج تمر الفرع نهائيا 


up 1 down 2
مشاااووير 96
قبل شهر



طبعا السداد المبكر من خلال تجربتي فيه خصمين اولا خصم الفوايد حقت المبلغ المتبقي والخصم الثاني خصم التامين الشامل وفالغالب اذا رحت تسدد مبكر مايعلمونك فيها ويمكن يصعبونها عليك لكن اعرف حقك قبل تروحلهم 


حياك الله اخوي  mr.golden
كان باقي حول ٦٨وكسور خصمو ٥ وسددت ٦٣ 


up 3 down 1
علاوي555 543
قبل شهر



ما خصموا لك كثير
شف كم باقي سنه وخذ حق التامين تراه حقك



up 1 down 0
meshal alharbi 275
قبل شهر



حسب حسبتي باقيله سنتين واجمالي المبلغ المدفوع 120 الف في 3 سنوات ....


up 0 down 0
rashidy 393
قبل شهر



باقي سنتين  وكلمتهم قالو التامين هو الي ينخصم وفوقها بعد خصم من
ادارة البنك خرطي يعني ال ٥ الي خصومها حاسبين فيها تامين سنتين 
وع قولهم خصم البنك 


up 1 down 1
علاوي555 543
قبل 4 أسبوع و يوم



طيب وش استفدت من السداد المبكر والبنك ماخصم عليك شيء ..؟؟!!!
تقول انهم خصموا لك خمسة اقساط وكل قسط قلت 1600 يعني مجموع الخصم هو 5*1600= 8000

مبلغ صغير خاصة ان المدة المتبقية سنتين والمفروض يكون الخصم اكثر
كان خليتها على نظام التأجير واعتبرت الخصم هذا 8000 كتأمين على السيارة



up 0 down 0
ناجي 3130 66
قبل أسبوع و 5 يوم



اهلين اخي ناجي 
والله ي اخوك اول شي افتكيت من الاقساط 
وبعدين الدفعه الاخيره تتجدول وينحسب عليها تأمين اضافي 
ع حسب المده يعني بيصير فيها ان 
وفي كل الحالات التامين حقهم مروح قبل فتره صدمني واحد وهرب 
وصلحتها ع حسابي لانهم طالبين ٣ رسوم تحمل
وقيمة التصليح اقل من كذا 
وفالنهايه سياره لك متى ماتبي تغير تبيع 


up 0 down 0
علاوي555 543
قبل 4 يوم و 22 ساعه