أضف سؤال أو موضوع جديد          

السياره تطفي فجأة

up 1 down 0
القيض 3
قبل شهر



السلام عليكم

أسعد الله أوقاتكم بكل خير

عندي السياره طلعت معي بمشكله لها اسبوع من الان وما عرفت وين الخلل

وهي ان السياره تطفي فجأة
اذا وقفت عند الإشارات
او اذا هديت عند المنعطفات
او وانا أسير على سرعه من ١٠٠ الى ١٢٠

لكن اذا دقيت سلف اشتغل معي على طول
واذا طفى يطفي بهدوء
واذا كان واقف وشغال لو يجلس ساعتين ما يطفى

غيرت صفاية البنزين وغيرت فلتر الهواء وفللت بنزين مع منظف وتغير معي بنسبه بسيطه

علما ان كمبيوتر السياره ما اعطاني تنبيه بوجود خلل
ولاحظت أيضا أن المشكلة تزيد في نهاية المشوار
اذا كان عندي مشوار مدته ساعه ونص
فأول نص ساعه تمام وثاني نص ساعه يطفي عند الإشارات والمنعطفات واخر نص ساعه وانا ماشي على سرعات عاليه

قبل لا تظهر لي المشكله كنت عن البنشر

غيرت زيت وفك قربة الهواء وطلع الفلتر نظفه ورجعه محله
وقال لي الفلتر يحتاج تغير
وقلت له خله زي ما هو
وانا متعود امشي على السياره وهي مصفره بنزين

والله يجزاكم خير مقدما







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انت تلف وتدور تبي تبعد عن طرمبة البنزين وانت تقول انك متعود تمشي عليها وهي فاضية موضوعك طرمبة ١٠٠٠٠٪؜ 

يبيلك غسيل تانكي وتغيير طرمبة وصفاية جديدة كلها اوساخ الحين 

هذي ماتطلع بكومبيوتر اافحص 


up 1 down 3
benz lover -36
قبل شهر



اذكر المهندس مصمم السيارات المشهور محمد الشبيبي قال كلام حطيته براسي 

يقول اذا كانت السياره تطفي اذا كانت مسخنه وترجع تشغلها تشتغل بصعوبه هذي طرمبة بنزين 

لكن اذا تطفي واذا جيت تشغل تشتغل بسهوله هذا الانتيك او اللي اللي يوصل الهواء من الفلتر الى البوابه فيه قطع او شرخ بسيط انت يمكن ماتشوفه 


up 1 down 0
مشاااووير 96
قبل شهر



أسباب محتملة
تهريب هواء من الانتيك
تهريب هواء من باكم الفرامل
أصابع البطارية غير مشدودة


up 1 down 0
abdulss 284
قبل شهر



هذا كلامك ( قبل لا تظهر لي المشكله كنت عن البنشر غيرت زيت وفك قربة الهواء وطلع الفلتر نظفه ورجعه محله )

نفس كلام الاخ مشاوير و abdulss لازم تشيك على ليات الهواء حول المكان اللي فكه البنشري قد يكون انشعر او حصل شرخ مو واضح بليات الهواء او نفسه مكان فلتر الهواء مو مركب كويس ،،،
اما اللي يقولك طرمبة بنزين ما عنده سالفه دامها تشتغل علطول بعد ما تطفي السياره الطرمبة سليمة.


up 1 down 0
ابو-سعود 148
قبل شهر



تأكد من قربة الهواء وغيو فلتر هواء اصلي من الموزع يمكن البنشري ماركبه تمام ويهرب هواء


up 1 down 0
yasser alyasser 561
قبل شهر



قد يكون البنشري نسى قطعة القماش داخل فلتر الهواء
لن حدث مرة كذا 
قد يكون قلب فلتر الهواء
قد يكون فصل لك لي من ليات الهواء
تاكد بنفسك من هالااشياء
بعدين ابداء شيك عند كهربائي
وياليت اذا حصلت حل للمشكله تنزل موضوع


up 0 down 1



شيك على شغل البنشري يمكن نسى فيش ماركبه اذا كل شي تمام
ننتقل للخطوه الثانيه وهي طرمبه البنزين


up 0 down 0
qoowoop 128
قبل شهر



من حساس الكرنك غالبا


up 0 down 0
amer ahmed 523
قبل شهر



نعم شيك ع حساس الكرنك يسويها
وايضا شيك ع المروحه اذا كانت تطفي معك في الضهر او ساعات الحر
في الليل اتوقع ماتطفي كثير في النهار تطفي اكثر اذا الوضع معاك مثل ماقولك شيك ع المروحه
واذا في الليل او النهار. نفس الشي
غير حساس الكرنك


up 0 down 0
ابو وليد 4020
قبل 4 أسبوع و يوم



نفس المشكله بالظبط سبحان الله
وما زالت للحين ولا لقنا حل للان




up 0 down 0
mesh3al991
قبل 2 أسبوع