اليارس تشرب البنزين شرب

رحت سويت فحص وقالو لي حساس الأوكسجين غيرت الحساس وما في فايده

شيك على الكويلات والبخاخات ونظافة بوابة الهواء وفلتر الهواء وفلتر البنزين وضغط طرمبة البنزين سليم ولا لا
وشوف الأهواز حقت الهواء اللي حول المكينة هل فيه قطع أو تنسيم ولا لا

اذا الكويل ما يطلع كهرباء او اذا شلته ما يتغير صوت السيارة غيره
اذا كانت البخاخات وصخة اعمل تنظيف واذا البخاخ ما ينفع تنظيف غيره
فك بوابة الهواء وشوف وصخ ولا لا وبالاغلب اسود سواد الليل
فلتر الهواء اذا ما غيرته غيره
فلتر البنزين أكيد وصخ وما يجيك البنزين كامل غيره
اذا ضغط طرمبة البنزين ممتاز غير فلتر البنزين فقط واذا كان ضعيف غير الطرمبة مع فلتر البنزين أو السفلية كما يسمى
في اهواز حول المكينة غير الانتيك ممكن فيه تنسيم ويصرف معك زيادة
ومتى آخر مرة غيرت زيت القير ووش زيت المكينة اللي تستعمله وهل تغيره بانتظام ولا تسحب عليه وهل تغير السيفون مع كل تغييرة زيت مكينة

زين القير آخر مره غيرته على ١٠٠الف الآن السيارة ١٧٠

استخدم زيت بترومين 5w30

اغير مره ايوة مره لا السيفون ،تغير الزيت بانتظام كل ٥٠٠٠

دامك تحافظ على الزيوت شيك على اللي كتبتهم

الله يحفظك

كانت عندي يارس وفيها نفس مشكلة سيارتك تصرف بنزين زيادة .... ونظفت بوابة الثروتل بنفسي وبعدها قل استهلاكها للبنزين بشكل واضح جد .... بس نصيحة لاتنظف بوابة الثروتل بنفسك اذا لم تكن لديك الخبرة الكافية .... وافضل طريقة لتنظيف بوابة الثروتل هي بواسطة قماش مبلول بالبنزين فقط ولاتستخدم البخاخ نهائيا لانة يسبب لك تلف جلد البلوف واذا كنت في المدينة المنورة ممكن اساعدك

بكم ينضفون بوابة الثروتل

حول 50 ريال التنظيف او اقل

واي ورشة تقلك الخراب مثلا طرمبة قله لو غيرتها وما زبطت ماتدفع ولا شي وبخصوص البنزين اكيد تعبي 91 وهو الانسب لسيارتك لكن جرب تعبي ب 15 احمر و 20 اخضر وماراح يضر لكن السبب هو ان الاحمر افضل للسيارة ومرة وحده كل شهر لو خلطت مايضر وحاول تعبي ف محطات معروفة لان النلاعب بالبنزين صار زي الحلاوة ،،، واخر شي اذا دقيت السلف على الدقة الثانية هل تسمع صوت الطرمبة وغاليا يكون صوت تسسسسس مثل التنسيم من جهة التانكي ،،، اذا الصوت موجود اتوقع الطرمبة سليمة والافضل تكشف بأكثر من طريقة وتأكد عالورشة ما حتدفع شي لو السيارة مازبطت 

ان شاء بقول له ماراح ادفع لك شيء لو كان الخراب مو من الطرمبه

https://twitter.com/f_alabdulkarim/status/1171670409093271552?s=21