استفسار عن جيب تايوتا FG

الي اعرفه انه يشرب بنزين شرب 
كم يمشي على حسب سواقتك فيه واحد منزل مقطع يقول من الرياض للطايف على تانكي واحد 

اسمع ترى أي جيب راح يكون سعره غالي لان ثقافة مجتمع للأسف والشريطي يصده منتهي ويبيعه غالي وبعدين ترى السيارة ذي بالذات تحصل راعيها فاقع ام المكينه في الطعوس للاسف الا ان كنت تعرفة وترى يصرف بانزين هادي ولا مسرع والسعر دور في الحراج والمعارض والموقع اسعاره خرافية

عليكم السلام 
ماعرف وش الفرق بين 1 و 2 

لكن اتوقع الايتراك والنظام الصوتي مايجي على 1 
بجاوبك بحكم انه مع اخوي اف جي 2 2014 

التانكي كبير  159 لتر  سعر التعبيه ياخذ من 230 الى 240 بنزين 91 اذا كان مره مصفر 

داخل الديره سواقه راكده يمشيك 900 وممكن زود بالحدود هذي 

بالخط 
يمشيك 1200 الى 1300 سرعة 140 

السيارة جدا اقتصادية على جيب كبير دفع رباعي 

اذا ناوي عليه انا اول من ينصحك به

لكن دور النظيف اللي ماجاه حوادث ومشيه قليل 

الله يعطيكم الف عافيه ما قصرتو 

بالنسبه للي يقولون يصرف بنزين ماعندهم سالفه .

هو الافضل من ناحية صرفية البنزين بين منافسينه ( فتك ربع ، باجيرو ربع ، اكستيرا ، جيب ربع ) 
اما اذا بتقعد تقارن صرفيته بصرفيه كامري ولا سوناتا اكيد يصرف !! الجيب مايتقارت بالسيارات ذي انت كأنك تقارن صرفية يوكن بصرفية يارس !