أضف سؤال أو موضوع جديد          

استفسار عن شراء سياره جديده أقساط او قرض كاش

up 0 down 0
عبدالله 1151
قبل 2 أسبوع و 4 يوم



السلام عليكم
يأخوان انا محتار بشتري سياره أخذها عن طريق التقسيط
او اخذ قرض من البنك واشتريها كاش واذا مثلا اخذتها عن طريق البنك قرض اقدر اطلع
قرض غيره لانه لمدة خمس سنوات " مافهم فالأمور هاذي
ايش الأحسن
ويعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام

كاش أفضل 

اذا اخذت تأجير نعم يؤثر على اعلى مبلغ ممكن تاخذه من البنك وفي حالات يمنعك اذا القسط التأجيري  يوصل ثلث الراتب 


up 1 down 0
abdulss 272
قبل 2 أسبوع و 4 يوم



اذا انت مفكر في قرض عقاري او غيره وراتبك متوسط يبي لك اقساط لان القرض راح يكون عائق لك واذا ماتفكر بقرض بعد السيارة انصحك تاخذ قرض من البنك وتشتري كاش وعلى كذا راح تكون الفائدة قليلة والموتر حر لك متى مادعت الحاجة الى مبلغ او غيره تنزله وتبيعه 


up 1 down 0
abdulmohsen 8760 70
قبل 2 أسبوع و 4 يوم



اعتذر تسرعت بالرد عليك ولكن الاقساط اذا اخذتها وانت مفكر تاخذ قرض راح تكون عائق لك ( اعتذر )


up 1 down 0
abdulmohsen 8760 70
قبل 2 أسبوع و 4 يوم



تاخذ قرض افضلك لك وتشنري كاش
لان نسبة القرض اقل بكثير


up 1 down 0
bander03 218
قبل 2 أسبوع و 4 يوم



عندك ٣٥ بالمئة من راتبك هذي للإلتزامات الشخصية أي ممون مايقدر يتجاوز هالنسبة
إلا اذا حقين الصابون فهم تحصل فوائدهم عاليه لانه مايجيهم الا المضطر

يعني راتبك ١٠الاف عندك ٣٥٠٠ تقسطها فقط تاخذ سيارة تاجير منتهي بالتمليك يحسبون القسط ٢٠٠٠
باقي من راتبك ١٥٠٠ ولو تاخذ جوال اقساط من الاتصالات بمبلغ ٢٠٠ مثلا يحسبونها
ولو تمر جرير او اكسترا وتاخذ اي جهاز عندهم بالتقسيط تراه داخل في الحسبة
واي موظف في اي جهة تمويلية يقدر يدخل على اسمك في سمة ويشوف عدد أقساطك

وأما القرض العقاري يعطونك الا ٦٥ بالمئة من راتبك

لذلك إذا كنت ناوي تاخذ قرض تمويل شخصي لزواج او شراء ارض
انصحك لا تاخذ سيارة اقساط
عندك خيارين ياتشتري بالكاش المتوفر معك وتجمع مبلغ بسيط وتاخذ سيارة
تعبرك كم سنة
او تاخذ التمويل الشخصي وتاخذ سيارة نظيفة مستعملة بجزء من مبلغ التمويل
والباقي تتصرف فية

وترى القرض والدين عمى عين إذا ما أنت بماخذة علشان زواج ولا عقار فتراك أكبر غلطان


up 2 down 0
خالدkhaled. 72
قبل 2 أسبوع و 4 يوم



أعلى نسبة مسموح تقسمها تمويل شخصي وكذلك تأجير
هي 45%
لذلك لو راتبك 10 آلاف
راح يكون أعلى قسط ممكن 4500 شخصي + تأجير
راح يكون أعلى حد للتمويل الشخصي بقسط 3300
واما السيارة راح يكون قسطها 1200 فأقل
وراح تدفع دفعه كبيرة اذا مبلغ السيارة عالي


up 1 down 0
مدرس عاطل 26
قبل 2 أسبوع و 4 يوم



خذ لك مبلغ من البنك بنظام المرابحه
ثم طلع السياره ترتاح من:
--الاقساط للسياره
--السياره تكون باسمك وتتصرف فيها
-- بدون دفعه اخيره وبتكون مكلفه
-- بدون زيادة في الاقساط بسبب التامين الشامل
--حرية التنقل لو بتسافر فيها
وفقك الله ..ولاحظ انك طول فترة تمويل البنك ما
راح تقدر تطلع اقسط لاي غرض. .. فأجّل الامور الثانيه
بعد ما تخلص السياره


up 2 down 1
لا للغلاء 726
قبل 2 أسبوع و 4 يوم



كاش كاش ااو قرض وتعطيهم كاش ابعد عن التأجير المنتهي بالتمليك كله مشاكل ابعد الها اول مالها اخر ولو كانت اي نوع واي حجم افضل مية مرة من الدين وبلاويه.


up 0 down 0
جبال معانيق 270
قبل 2 أسبوع و 4 يوم



كاش افضل شيء


عيوب اقساط و مميزات الكاش هي
الاسباب سعر سيارة بيكون اقل بدون فوائد و بدون دفعه أخيرة

وهي بها اقساط انك كل سنه تامين


..دفع مبلغ اقل شيء الف ريال ضد الغير و اكثر من الفين اذا شامل
الاقساط


مميزاتها و هي نفس عيوب الكاش


تامين شامل انت ما اضطر تنتظر وقت تامين و تأمن

ومميزات السيارة بعد

اذا ما قدرت تدفع الاقساط يسحبون السيارة

يعني ادا انت راعي سفر و مشاوير و. و صلت 100الف

حتا لو سحبو سيارة وما قدرت تدفع تعتبر مو خسارة


بحكم انك مشيت عليها مسافه و حتا صيانه ممكن ما سويت لها


لان معروف سياره اول سنه و بعضهم سنتين ما تحتاج غير تغيير


زيت مكينه مع فلتر

و بريك فحماات ادا رجلك ع سرعه و بريك

وادا صار حادث وطلعت تالف يعوضك بسيارة بديله


هدا هي مميزاتها








up 0 down 0
silverdiamond 347
قبل 2 أسبوع و 2 يوم