حادث طرف واحد سيارة مستأجرة

وعليكم السلام

ليتك صلحتها دام الضربة بسيطة حاول معاهم انك تصلحها على حسابك واذا مانفع الله يعينك انت موقع على المبلغ

الافضل اتفق مع صاحب المكتب يخفض لك من المبلغ لان حصل معي نفس مشكلتك
ودفعت للمكتب ١٥٠٠ وانا كنت موقع على نسبة تحمل ٢٥٠٠ بعد ماكلمت
صاحب المكتب نزلي ١٠٠٠ حتى لو صلحت بيكلفك اقل شي ١٠٠٠ واحتمال
يشيك عليها ويعرف انك مصلحها وبتخل بمشكله ثانيه
واغلب مكاتب التاجير عندهم ورش خاصه فيهم ومبلغ التحمل يروح لحسابهم

طيب والمرور اللي قال خلص مايلحقك شي
راجع المرور 
تدفع 3500 عشان كسر باالصدام بسيط

المرور ما قرأ العقد ولا يدري عن الشروط

المفروض شريت صدام تجاري وصلحتها بخمسمية ريال

عموما الان كلم التأجير بالهدوء وحلها بالتراضي لأنهم ناس فاضية للمشاكل

احمد ربك على السلامة اول شيء

الوضع الحاصل (بعيد عن العواطف) هو انه صار حادث بينك وبين الكفر، برأيك الخطأ على من؟

لازم تفهم وتقتنع ان الخطأ عليك 100% ومن حق المكتب انك تدفع 3500 هذا حقهم مالك فضل عليهم وانت عندك علم مسبق وموقع على هالكلام

التصرف الصحيح انك تتفاهم مع المكتب ينزلون لك جزء من 3500

كلم صاحب المكتب يا انه يخفضلك المبلغ او تاخذ السياره وتصلحها على حسابك ويا دار ما دخلك شر
الى بالمكتب مجرد موظف ما عنده صلاحيه فلا تزعل منه مدام انك موقع على اوراق

صارلتلي سالفه بمكتب الايجار قبل 8 سنوات استاجرت وسافرت عليها وانفقع الكفر
غيرت كفر جديد بمبلغ وقدره لان كنت على سفر
رجعت المكتب وقلت هذي الفاتورة كفركم تعبان
قال مافي تعويض عطيناك سياره كفرها سليم وانت وقعت على استلام السياره وكل شي سليم
وكلت امري لله ومشيت وعرفت اني غلطان اني ما شيكت على الكفرات لو محبل او ممسوح
وفعلا كان الكفر ممسوح ومع الحراره انفقع

هالدنيا تجارب ولازم نتعلم منها

صدم الجسم الثابت الخطأ عليك ١٠٠٪؜ 

تصدم بلكه طايحه من شاحنه او اي شي طايح بالطريق تتحمله انت 

الله يعطيكم العافية جميع
اللي فهمته اني اكلم راعي المكتب واحاول فيه

وش رايك تستاجر السياره بحالتها الحاليه
وتصلح الصدام على حسابك وترجعها

الله يكون بعونك ،، سيارات الاجار صرنا نسوقها بخوف اكثر من مواترنا بسبب الانظمه حقتهم والتكاليف .. 

في فكره ممكن تضبط معك ،، 

جيب تسعيره من قطع الغيار بقيمة الصدام ( اصلي )
+ فاتوره ورشه كويسه بصبغ وتركيب الصدام .. 
وروح للمكت واطلب المدير المسؤول ووريه التسعيرات ، وقوله انا تضررت معي السياره وهذا قيمة التصليح حسب الفواتير ، يمكن يقول لا وكذا 
قولها + بدفع لك قيمة اجارها يومين فترة التصليح عشان مايقولك بتعطل السياره بالورشه .. 
ف الناتجج احتمال كبير يكون اوفر لك من ٣٥٠٠ والله يعوضك خير