ماذا بعد إيقاف الخدمات من المرور

سبق وصدمني واحد واوقفت عنه الخدمات
وقعدت سنه و 11 شهر وبعدها جاء وسدد ومشى ماكان شي صار
اذا تم ايقاف خدماته بعد ماتتاكد من الحاسب الالي عن طريقهم صلح سيارتك ولاتشغل بالك ماراح يرفع اسمه من الجهاز الا اذا دقو عليك ووقعت ورقة المخالصه بعدها يرفقون الورقه وترفع للحاسب لاجل يشيل اسمه من الايقاف يعني تطمن حقك ماراح يضيع
لكن الوقت على حسب اللي صدمك انا جاء لما جاء يضيف مولود وبعضهم اذا بيطلع بطاقه لولده او يتزوج او يتوظف بعض الناس ماادري شلون عايش

لا اخوي خالد هو مقيم غير سعودي

النظام الجديد شهر ايقاف خدمات واذا مادفع خلال شهر تتحول لوزارة العدل على طول ويحضر غصب عليه 

اخ مشااووير
هل تقصد من محكمة التنفيذ بالقوة الجبرية

ياحبيبي وزارة العدل فيها محضرين خصوم 

إذا مقيم فعنده كفيل وعنوان وممكن الوصول له بسهولة

وفي كل الأحوال عنده تجديد إقامة وبدون تجديدها تتوقف كل أموره مثل أرصدة البنوك واضافة مولود وخروج وعودة ومدارس لكن حاول تعرف مقر عمله وتتواصل معهم وتخلص الموضوع

اذكر اخوي صدم مصري وصار الخطأ على اخوي بنسبة ٧٥ وعلى المصري ٢٥ اخوي معه تأمين وسددها التأمين والمصري سجنوه لين سدد المفروض يسجن هذا 

انا نفس شي صدم وهروب قبل سنة ونص ووقفوا خدماته وراجعتهم قبل شهر قالوا بيجيك منا اتصال اذا صار اي شي 

خوينا صدمه شايب وقاله المحفظة بالبيت من حسن النية صدقه واعطاه رقم خطا وانحاش وخوينا دفع 2000 ريال اصلاح لموتره وتحسب عليه دارت الايام حوالي 5 سنين ونسى السالفة يجي اتصال من المرور ضابط يقوله نبيك تحضر لو سمحت راح لهم قالوله والدنا في حالة حرجة ونبي نسفره للخارج للعلاج ولا قدرنا عليه ايقاف خدمات كم تبي بس منعطيك 1000 خوينا حقد قالهم اقل من 5000 لا تكلموني الضابط ماتدخل بينهم ابد والله ما فكهم لين ماسحب له 5000 من الصرافة زي الشاطر الشاهد حقك مايضييييع لا تشيل هم

المفروض يتوقف بعد الحادث لان ماعنده تأمين ومايخرج الين تتنازل او يدفع 

للأسف اخويzax_makkah
هذا كان أول يتوقف الان النظام اذا مامعه تأمين يمشي بعد الحادث والطرف الآخر يروح يقدر اضرار سيارته ويراجع المرور ويتصلون عليه 3 مرات في ايام مختلفة ولو ما تجاوب يتم إيقاف خدماته