أضف سؤال أو موضوع جديد          

ماهو افضل كشافات للكامري

up 2 down 0
ابراهيم330 7
قبل سنه و 2 شهر



السلام عليكم يا اخوان 




يالربع انا معي كامري 2012 الكشافات حقت الضباب تشهبت وترملت 
وانا كل مامسكت خط حطيت البخاخ الشفااف حقت الترميل المهم مع الايام
ماصرت تكون واضح وانا اسوق رحت لمحلات التمليع قالوا عشان قزاز ماينفع لها 
قالي ركب تيواني وانا خايف ان يكون انتشاره بالارض موب زين ويجهر الي قدامي 
ويدعي علي والوكاله الصراحه مادري بكم يبعونها 
الي عنده معلومه ياشباب لا يبخل علينا سوا كان قيمتها بالوكاله او التيواني او تلميعها عايدي دلوني على محل بالراياض اروح له 
ولكم جزيل الشكر







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


ياحبيبي ركب كشاف لكزس اللي لونه ابيض يركب عالكامري وبدون توليف ونفس المقاس اتوقع سعره من ٣٠٠ الى ٦٠٠ لان فيه درجة اولى وفيه وكالة وفيه مقاطع باليوتيوب ناس مركبينها شوفها 


up 0 down 0
abdulmohsen 8760 119
قبل سنه و 2 شهر



وابحث عنها بحراج وبتلقاها


up 0 down 0
abdulmohsen 8760 119
قبل سنه و 2 شهر



عايز اضاءه قويه - ركب عدسات في الشمعات مع محولات لكزس وحمايه الشمعات وبكده تستغني عن كشافات الضباب


up 0 down 3
عمده33 1664
قبل سنه و 2 شهر



وعليكم السلام ورحمة الله وبركاته 

فيه محل تلميع في معارض النسيم م شاء الله تبارك الله يرجعها لك وكاله

بعد التلميع ركب عليها حمايه وغيرها كل 6 شهور وبتعيش معك 

جربت شغل المحل ع بلاستيك وقزاز وكلها فرقت م شاء الله تبارك الله 
رجعت وكاله يلمعها من سعر 50 - 70 ريال للكشافات 
والشمعات ب100 


up 0 down 0
خالد الامير 190
قبل سنه و 2 شهر



الله يعافيكم جميعاً 

عطني اسم المحل ياخالد لو تكرمت


up 0 down 0
ابراهيم330 7
قبل سنه و 2 شهر



فيه كشافات ليد صيني ركبتها مثل اللكزس بالتمام سعرها ١٥٠ او اقل كمان
لها معاي سنتين او اكثر عالكامري نسيت الكشافات ومشاكلها بعد ماركبتها وياربي لك الحمد



up 0 down 0
ابو عبدالله احمد 3492
قبل سنه و 2 شهر



بجيك ع الخاص وارسلي رقمك برسلك اللوكيشن تبعهم 


up 0 down 0
خالد الامير 190
قبل سنه و 2 شهر



سو مثلي اخذت تايواني وفكيت زجاجه وركبته في حقت الوكاله
ورجعت حقت الوكاله جديده بزجاج التايواني


up 0 down 0
qoowoop 129
قبل سنه و 2 شهر



شكراً ياخالد بيض الله وجهك 

يامشرفين عطوه لكزس حل لي ازمتي


up 1 down 0
ابراهيم330 7
قبل سنه و 2 شهر



هههههههه العفو طال عمرك - ووجهك ابيض

م سويت ولاشيء اللهم دليتك فقط
واعتبر اللكزس وصل 


up 0 down 1
خالد الامير 190
قبل سنه و 2 شهر