ماهي الاجراءات الازمة لضمان استمرار عمر المركبة

اهم شي ااكفرات يكون تاريخها موب قديم ودعستها زينة والهواء يكون مضبوط

اهتم بزيت الماكينة وغيره على ٥٠٠٠ اقصى شي مع السيفون 

وشيك على زيت القير وغيره كل ٤٠٠٠٠ كلم مع الفلتر حقه

فلتر هواء الماكينة اذا وسخ مرة غيره لا تنضفه الخطوط كلها عج تعدمه 

فلتر المكيف تاكد منه بعد عشان لا يقفل من الاتربة ويضعف اداء التبريد ويخرب الثلاجة الداخلية 

حط عازل للانوار عشان لا تنعدم وغيره كل فترة حتى لو تجاري مايمديه يخرب لو غيرته كل ٣ شهور 

ولا ازيد على كلام اخوي بنز لوفر

الا انك ماتشد على الموتر بالسرعات العاليه بما انك راعي خطوط

والله يعطيك من خيرها ويكفيك شرها

يا سمي
اتفق مع ورشة وخلك صاحبه وبخششه
كل فتره ودها عنده يشيك وتنفضها اول باول

مشكلتنا الاهمال يعدم السياره
اعرفلك شايب عندنا بالحاره معاه شبح قديم بس تشوفه وكاله
سئلته لو للبيع رفض قلت وش سر نظافته
قال انا متقاعد وكل شهر اشيك وانفضه مع اني ما استخدمه كثير
يقول لا تهملها عشان لا تهملك
اي شي شايف ان عمرها الافتراضي انتهى غيره لا تقول لا خله يمشي الحال

المكينه والزيوت اهم شي
وتابع قنوات اليوتوب خصوصا عبدالحق وراح تستفيد

تغيير موية الرديتر كل مية الف كيلو 

عمل صيانه دوريه كما هو موضح في الكتيب الخاص بالسياره

أيضا ماتوقفها بالشمس،،،،

كتيب المالك في كل شئ ... جدول مفصل للصيانه و اغلب الامور الي تحتاج تغيرها من زيوت او سوائل على حسب الممشى و ظروف الاستعمال

وعليكم السلام

سيارات الخط غالبا تكون نظيفة اكثر من سيارات المدينة بشرط

١-تغير الزيت اول باول حسب نوع زيتك
٢-لاتهمل فلتر ماكينة -فلتر هواء-فلتر مكيف
٣-استخدم نوع كفرات جيد وشيك على ضغط الهواء كل فترة 
٤-شمع السيارة بمحلات التلميع لتفادي احتكاك الرمل بالبودي
٥-ضع حماية للشمعات الامامية
٦-شيك على السيور وانتظام مواعيد التغير
٧- لاتسرع وتشد على الموتر

وعليكم السلام




سيارات الخط غالبا تكون نظيفة اكثر من سيارات المدينة بشرط




١-تغير الزيت اول باول حسب نوع زيتك
٢-لاتهمل فلتر ماكينة -فلتر هواء-فلتر مكيف
٣-استخدم نوع كفرات جيد وشيك على ضغط الهواء كل فترة 
٤-شمع السيارة بمحلات التلميع لتفادي احتكاك الرمل بالبودي
٥-ضع حماية للشمعات الامامية
٦-شيك على السيور وانتظام مواعيد التغير
٧- لاتسرع وتشد على الموتر


لاتنسى دعاء السفر وبامان الكريم

الله يسلمكم الصراحة ماقصرتو وشرح كافي ووافي