أضف سؤال أو موضوع جديد          

زيت القيراسود وتم تغييره بدون مشاكل

up 11 down 1
qoowoop 127
قبل 2 سنه و 3 شهر



اخواني اشتريت سياره كرولا 2011 قير اوتماتيك ماشيه 250 الف ولم يتغير زيت القير للاسف
مريت على البناشر كلهم قالو نغيره على مسؤليتك والبعض قال نسحب علبه ونحط علبه وتمشي عليه فتره ونسحب علبه وعلى كذا لين يصفى الزيت
العجيب في الامر مريت محل كبير وعليه زحمه وكلمت العامل بالمشكله
قالي انا ازبط لك كل شي قلتله كيف قالي اسوي غسيل للقير 3 مرات بمتنج خاص فيهم وبعدين يضع زيت الماني قيمه العلبه 85 ريال قلتله واذا خرب القير قال انا اتحمل المسئوليه واصلا الشركه هي تتحمل ومسجله هذا في وزاره التجاره اي عطل قير بسبب الزيت هذا الشركه تتحمل قيمه قير جديد على حسابها
قلتله ممتاز تكتب هذا بالفاتوره قالي نعم اكتب واوقع عليها وقبل كل شي نجرب سيارتك اذا التعاشيق تمام نسويلك الضمان بالفعل سوى الفاتوره والضمان
وسوى غسيل للمحرك مرتين وبعدين عبى الزيت الالماني هذا الموضوع للفائده فقط وصورت لكم علب الغسيل والزيت الالماني
وفاتوره الضمان للفائده
اسم الزيت الالماني DM AX
يقول الشركه المصنعه تقول يصلح من موديل 2005 الى 2020 سواء قير تماتيك او CVT
اسم محلول التنظيف بتروسناد
((((ملاحظه)))
لم يتم تغيير فلتر القير يقول يتنظف مع عمليه التنظيف
بعد التجربه السياره ممتازه وسلسه في تغيير النمر
موقع المحل نجران
دبوس مثبّت
بالقرب من هاي كلاس، نجران 66256
https://maps.app.goo.gl/DRH1wV3nEARrn8N26

اسم العامل عبد الغني
جوال 0537117305


هذا التعليق في تاريخ 7/3/2020
هذا التعليق في تاريخ 7/3/2020
هذا التعليق في تاريخ 7/3/2020
السياره عال العال مافيه اي مشكله
ولكن الافضل لك تسحب لتر واحد وتضيف لتر
تاخذ هوز شفاف حق المكيف الصحراوي
يدخل بفتحه العيار تشفط بفمك لين تشوف الزيت طلع وتاخذ علبه فيها معيار وتنقص لتر وتضيف لتر
وتمشي 1000 كيلو وتسوي نفس الطريقه
لين يصفى الزيت وبعدين تفك فلتر القير وتغير الزيت كامل ممكن تاخذ معك المساله اشهر على حسب مشيك














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بإذن الله تعالى ما يصير إلا كل خير
لكن عطنا الوضع بعد شهر
كان ودي ختمت الفاتورة


up 2 down 0
مجرد مشاركة 277
قبل 2 سنه و 3 شهر



سألت مهندس قبل فتره يقول اذا الزيت القديم راحت لزوجته وسود لازم تغير نص الكميه وبعد فتره تغيره كامل لان القير متعود على لفة الترس بالزيت القديم اذا حطيت جديد تكون لفة الترس سريعه ويسبب لك مشكله فالقير بس هاذي الفكره


up 1 down 1
wd-alharbi 638
قبل 2 سنه و 3 شهر



بيض الله وجهك على طرح تجربتك
بس ياليت تذكر لنا وين المركز هذا ووش اسمه وش العماله 
الله يوفقك 


up 1 down 0
yasser alyasser 595
قبل 2 سنه و 3 شهر



اهم شي لا تتحمس وتمغط الموتر خله ١٥٠٠ كيلو مشي هادي 


up 1 down 1
benz lover -79
قبل 2 سنه و 3 شهر



مثل كلام أخوي ياسر ( ياليت تذكر لنا وين المركز هذا ووش اسمه وش العماله )

في أي مدينه وإسم الورشه وأهم شي تعطينا خبر أيش صار معاك بعد فتره ليتضح الأمر

ولا تنسانا من الإفاده وتسحب علينا ههههههههههههههه


up 1 down 1
jakwar2004 437
قبل 2 سنه و 3 شهر



ابشرو راح اعطيكم كيف اصبحت بعد مرور شهر
تم اضافه موقع المحل ورقم اللي غيرلي الزيت
يقول جته افالون ماشيه 400 وغير الزيت بنفس الطريقه
ماشاء الله عليه من كلامه تحس انه فاهم وش يسوي
وعلى فكره قبل مااجيهم اشتريت علبه زيت تويوتا الاصلي الفضي وقالي هذا مايصلح خفيف رجعه


up 1 down 1
qoowoop 127
قبل 2 سنه و 3 شهر



بالتوفيق ان شاءالله


up 1 down 0
طالب الله1 88
قبل 2 سنه و 3 شهر



هل يعطيك ضمان أن القير ما يخبط ؟ وكم مدة الضمان ؟


up 1 down 0
abdulss 355
قبل 2 سنه و 3 شهر



والله ممتاز انه يعطيك ضمان وفاتوره محد يسويها لك اتوقع حتى الوكاله


up 1 down 0
mr.golden 11
قبل 2 سنه و 3 شهر



سبق وغيرت زيت القير لاكثر من سياره والزيت منتهي اسوود لفورد وشفر ولاواجهت مشاكل نهائيا

عكس اللي اسمعه ان فيه ضرر مدري هل الامريكي يختلف لان ماسبق وغيرت لسيارة ياباني او كوري


up 2 down 0
المنطق يقول 728
قبل 2 سنه و 3 شهر



احلى موضوع بالمنتدى مدعم بالصور والمعلومات
اشكرك من صميم القلب


up 1 down 0
فـهـــــد الفهد 449
قبل 2 سنه و 3 شهر



انا اشوف ان السيارة اذا كان استخدامها خفيف فعادي يتغير زيت القير حتى لومشت  على الزيت القديم اكثر من 200 الف ، اما اذا كان الاستخدام عنيف فلا 
مثل سرعات عالية -قومات - طلوع عقاب - تحميل  ، فلا انصح بتغيير زيت القير ، لأن القير مليان رايش ولو حط زيت جديد القير على طول بيجاوب. 
هذا والله اعلم التفسير ان البعض يغير الزيت واموره تمام والثاني يغير ويضرب عليه القير 


up 0 down 0
صدى الصمت85 72
قبل 2 سنه و 3 شهر



ماعندهم فرع بجدة


up 0 down 0
ابو احمد الرويثي 5
قبل 2 سنه و 2 شهر



بشر كيف القير معك بعد هذي المدة ؟ 


up 0 down 0
صدى الصمت85 72
قبل سنه و 8 شهر



القير عال العال ممتاز مافيه اي ملاحظات



up 0 down 0
qoowoop 127
قبل سنه و 7 شهر



جميع زيوت الشركة ممتازة وانت خلاص لو بيصير شي بسبب الزيت كان صار من  اول مامشيت 10كيلو وللمعلومية اي شخص يغير زيت قير اول 80 كيلو ماتسرع ولا تضغط على السيارة وتكون تمشي اقل من 100


up 0 down 0
aa1080801895
قبل 6 شهر و أسبوع