أضف سؤال أو موضوع جديد          

صوت صفير مثل الاحتكاك عند التسارع

up 2 down 1
مشاري557 236
قبل شهر و أسبوع



السلام عليكم وكل عام وانتم بخير

انا جتني مشكلة قبل العيد باسبوع وهي لم اضغط على الفرامل اسمع صوت صفير مثل الاحتكاك واستغربت لاني مغير الفحمات قبل 3 شهور والهوبات زينة والفرامل تمسك لكن تركتها كم يوم والصوت قام يطنطن براسي وتسمع الصوت من الداخل اعلى من لما تفتح الشباك..

المهم يا جماعة الخير رحت لم ورشة اعرفها بشرق الرياض اتعامل معها رفعلي السيارة وقام الفني يشيك وجاب مسدس الهوى وقام ينفخ من خلف الكفرات واحد واحدعلى الكاليبر والهوبات وكمية الهوى اسود بشكل كثيف انا قلت وش السالفة معقولة سواد الفرامل لها الدرجة ( واكيد سمعتم بسواد الجنوط من الفحمات وخاصة في سيارات تويوتا القديمة) وبعد التنظيف قالي الفحمات شبه الجديدة 80% والخلفية نص والهوبات تمام.

واكتشف الفني ان مشكلة السواد بسبب الصواميل واللي مركبه عليها حقت جنوط حديد السيارة عليها جنوط كروم (وانا راح عن بالي اشتري طقم صواميل للجنوط زمان) وصار فيها فراغ يدخل منه الهوى واخذت السيارة ومشيت وراح الصوت وحسيت الفرامل بعد التنظيف صار افضل.

طلعت من عنده واختفى صوت الفرامل لكن بعد العيد جاني صوت الصفير مره ثاني لكن من طراز ثاني هالمرة بدون ضغطة فرامل هههههههه مع المشي يصفر معي وتسمعه بشكل ملحوظ من داخل السيارة عند التسارع واذا عشقت ريوس ومشيت للخلف يختفي الصوت.

والصوت ضل معاي الى اليوم وحصلت فيديو لسيارة بنفس الصوت واللي مرت عليه الحاله هذي يفيدنا جزاكم الله خير:

https://www.youtube.com/watch?v=DvmjV8HT4sU

من الثانية 00:06 الى 00:12 نفس الصوت بالضبط.








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك على البطانات لا يصير شي منها حاك في الكفرات او الارض


up 0 down 0
ابراهيم ابو جابر 71
قبل شهر و أسبوع



اخوي الفحمات ترا فيه نوع تجاري يجيك اذا مسكت فرامل يطلع صوت قد ركبت عندي فى سيارتي نوع فحمات والله كرهني فى السياره يطلع صوت حتى مسكت فرامله مهي مثل الاصلي 
ثاني حاجه فيه مسامسر تجيك راكبه فى الكليبر كثير ميكانيكيه اشوفهم اذا غيرو فحمات مايشيكون عليها 
هذي يكون داخلها شحم بعض الاحيان تكون مافيها شحم ويقوم يركب لك الميكانيكي بدون مايشيك عليها وهذا اكبر غلط 
مشاكل مسمار الكليبر تمسك فرامل بعض الاحيان تسمع صوت تكه وبعض الاحيان يكون الكليبر معلق ماسك خفيف بسبه المسمار هذا 



up 2 down 0
fhody44 899
قبل شهر و أسبوع



فيه احتمالات مثل ماقال اخونا ابراهيم
او تربيط الاقمشة على الهوب قوية
ترا فيه مثل السستة تربط اتجاهين في الكليبرات اذا ضاعت او ماركبها
اللي ركب الاقمشة ممكن تكون منها وتحصل السيارة عزمها تعبان ايضا
لانها تمسك بالهوب وتسخنه زيادة
شيك عليها مضبوط الله يعينك وتنحل معك ان شاءالله


up 1 down 0
ابو عبدالله احمد 3454
قبل شهر و أسبوع



حياك
القمشات الااصليه نوعين نوع يجي معه نحاس تلاحظة ع القماش 
كنه حبات رمل واضحة هذا يضيفونه كا تسليح للقماش
ويصبر ويتحمل
بس من عيوبه يطلع هاالصوت 
النوع الثاني بدون اضافةً نحاس اطلبه
وركبه وجرب
بس قبل لزم تتاكد القماش اللي انت مركبه هل هو فعلا بنحاس
عشان ماتتخسر
والصوت احيانا من حامي الكليبر 


up 0 down 0
باترول 2020 2615
قبل شهر و أسبوع



يعطيكم العافية
القماشات اللي عندي اصلية ابرجع للفني واشوف مسألة التشحيم


up 0 down 0
مشاري557 236
قبل شهر و أسبوع



اخوي صاجة الفرامل الخلفي اللي اللي ورا الهوب تاكد انها ماتحتك رجعها ورا بمطرقةً


up 0 down 0
benz lover 69
قبل شهر