ماهو الحل لتغيير الزجاج الامامي للكامري 2018

ان شاء الله ترجع زي قبل 
وعندك بعد التشاليح تلقى ان شاء الله 

الصينية فيها تموجات واغلب التجاري فيه
ومتعب للنظر
الحل الوكالة اشتريه من الوكالة وركبه بمحل متخصص ارخص
او ركبه بالوكالة اذا لك قدرة وبالتوفيق

ممكن اللي ركبته سيء
لان فيه صيني كويس وتأكد انه طبقتين او ثلاثة نفس الوكالة

السعودي ممتاز ومركبه لاكثر من سياره 

صح فيه الوطني جيد
وفيه منه درجتين فيه العادي وفيه المموج مدري الملون.
وانت اختار النوع الأول الطبقه العاديه الساده.
طبعا احسن من الصيني ويمشي الحال.
بس ماهو بجودة الوكاله.

مشكورين وماقصرتو وكل عام وانتم بخير

في نوع صيني يعتبر من أفضل الصيني الموجود في السوق شركة اسمها Xyg جدا ممتازه ولا فيها تموجات ورؤية واضحه

اذا أنت بالرياض رح لمحل السويلم للزجاج ، عندهم نوعيات ممتازة نفس جودة الوكالة وعندهم صمغ بدون ريحة عشان ما يكتم داخل السيارة ، اكتب بقوقل ماب السويلم للزجاج

وانت وانتم بصحه وعافيه جميع ي اخوان
وينعاد عليكم انشاء الله أعوام عديده ومديده انشاءالله.

الصينيه لو لاقدر الله صدمت طير او حادث خفيفه يتفتت القزاز 

الوكاله والاصلي فيه ماده صمغيه لو انكسر يطيح مع بعض كانه مضلل

لكن الصيني يتفتت كانه طحين ويدخل بالعين ويقطع الوجه على شكل ذرات صغيره 

شوف لك وحده من التشليح بحدود 800 وركبها محل ثقة 

وفيه الوكالة سعرها 1200 ريال بس تتأخر حول الشهرين 

وبالتوفيق 

تلميع الزجاج قد يحل المشكله مؤقتا وبسعر رخيص
الادوات بولش و سنفره و صاروخ جلخ ذو الريشه .
او اذهب الى ملمعين الاسطبات ..

انصحك تغيره بأصلي خصوصاً لا قدر الله وبالخط تقابل في حصى من سيارة مقابلة يكسر لك الزجاج ويتفتت زي ماقال احد الاخوان هنا يعني الأفضل حق الوكالة وأنصحك تأخذه من التشاليح اوفر لك بالقيمة