أضف سؤال أو موضوع جديد          

مشكلة في الكامري 2009 احيان تدق سلف وما تشتغل

up 2 down 1
سبحان_الله_العظيم20 212
قبل 3 أسبوع و 2 يوم



بسم الله الرحمن الرحيم 
السلام عليكم ورحمة الله وبركاته 
اخواني الله يسعدكم عندي مشكلة بالكامري ٢٠٠٩ 
وهي السيارة احيان ادق سلف ويدور السلف ولا تشتغل السيارة ابد اتركها كم ساعة ثم ارجع اشغله وتشتغل 
وعلى هالحال مدري وش اللي فيها 
ياليت اللي عنده خبره يفيدنا لعل تكون عندنا معلومة قبل اروح السباكين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وعليكم السلام

تأكد من الطبلون اذا فيه علامة مفتاح يعني المشكلة من المفتاح

او شيك على طرمبة البنزين اذا المشكلة تصير والسيارة ساخنة


up 0 down 0
yahya alajlani 659
قبل 3 أسبوع و 2 يوم



حساس الكرنك او طرمبة البنزين


up 0 down 0
abdulss 262
قبل 3 أسبوع و يوم



 حصلت معي نفس مشكلتك سيارتي مكسيما 2006 اذا سخنت شوي بعد مشوار خفيف ماعد تشتغل اتركها
ساعة كذا وترجع تشتغل ووديتها ورش كثير ماحد عرف السبب حتا فحص الكمبيوتر مايطلع شي

وانحلت المشكله الحمدلله بعد ماغيرت طرمبة البنزين والفلتر تبع الطرمبة   والسلف

انت بعد شيك على حساس الكرنك وحساس الكام شفت بعض الاحيان يكون هو السبب  
 



up 0 down 0
abosaad702 8
قبل 3 أسبوع و يوم



السيارة اذا توي جاي عليها مشوار تشتغل عادي 
لكن اذا تركتها بالساعات وجيت ب اشغل تصير نفس الحركة ومو كل مره لا يوم تجي ويومين لا 


up 0 down 0
سبحان_الله_العظيم20 212
قبل 3 أسبوع و يوم



اتبع هذي الخطوات اذا مافادت الخطوة انتقل للخطوة اللي بعدها




١- شيك على البطارية لان عمرها الافتراضي سنة او 11شهر واذا البطارية جديدة شيك على الاصابع ونظفها ببخاخ WD40




٢- تاكد من البواجي والكويلات وسو تنظيف للبخاخات 




٣- افحص كمبيوتر قيمة الفحص ماتتعدا 100 ريال




٤- غير حساس الكرنك وحساس الكام شفت 




٥- غير مسمار حساس الحراره انا سيارتي يجي فيها حساسين  تكون راكبه في خرطوم ماء الرديتر 




٦- ركب سلف جديد نوع ياباني بعد الاصلي يجي ممتاز واذا في نوع تجاري ثاني ركب بس اهم شي لاتركب قطع صيني




٧- غير طرمبة البنزين مع الفلتر تبعها 




جرب ورد لي خبر 



up 0 down 0
abosaad702 8
قبل 3 أسبوع و يوم



تم حل المشكلة ولله الحمد قبل فترة وانشغلت وما كتبت الرد
والمشكلة كانت طرمبة البنزين والحمدلله تم حلها 
طبعا كتبت الإجابة للفائدة والله يوفق الجميع 
ويعطيكم العافية على تجاوبكم 


up 0 down 0
سبحان_الله_العظيم20 212
قبل 6 يوم و 12 ساعه