مكيف اللاندكروزر يطلع من فوق ؟

تأكد من الفلتر انه راكب زين، الشي الثاني تأكد بعد من البوابة حقت الفلتر ماهي منكسره

اخي الفاضل.

ارجوا التأكد وفحص صلاحية ......موزع هواء المكيف ( AC CONTROL AIR )
.....و هو بداخل ( الطبلون ) وبالمنتصف تحديدأ.

وان شاء الله بسيطة ولاتشيل هم .

حياك
اذا مويله من 2008 وفوق
تضغط ع زر موزع الهواء وعلى زر AC لمدة عشر ثواني ويتبرمج
وفي شرح بااليوتيوب 
كثير ناس انضحك عليهم باالصناعيه عشان هاالبرمجة
وباالتوفيق

جرب كلام اخوي باترول 

وفي باليوتيوب شروحات عن البرمجه للمكيف خاصه وللند كروزر 

وبخصوص درجة برودة المكيف لو شغلته ولقيته 25 نزله الين lo وخليك ضاغط على الازرار اللي ينزل البرودة 10 ثواني كذا وبيثبت على lo ،،،،، وبخصوص موزع الهواء افصل الاصباع السالب دقيقتين وركبه وشغل السيارة امكن يزبط وعالعموم هذا عيب مصنعي في اغلب سيارات لكزس وتويوتا ولو السيارة عالضمان ودها الوكالة يصلحوها او ارفع بلاغ عن طريق تطبيق وزارة التجارة 

المشكلة جات عندي بس بعد ما مشت السياره ٣٠٠ الف كيلو
الهوا مايجي من الإمام وسويت طريقة الأخ الي باليوتيوب وفصلت الافياش تحت الطبلون ورجعنا وضبط بس ما تطول اسبوع بالكثير وترجع نفس المشكله اعتقد لها مسبب ثاني غير لأن أعادت البرمجة حل مؤقت

السبب اما البطارية اخر عمر او معطي احد اشتراك او مشكلة منظم الكهرباء بالكمبيوتر
عموماً الحل سهل بأذن الله ، خلي المكيف على الوسط يعني يطلع هواء من الوجه وتحت واطفي الراديو تماماً ثم افصل اصبع البطارية وروح ارتاح وارجع اشبكة وشغل السيارة ولاتمشي أنتظر نصف ساعه ليعيد الكمبيوتر التعرف على كافة مكونات السيارة .

لماذا تحدث المشكلة ؟
لما يكون المكيف موجه الى الاعلى او الاسفل وليس الوسط وحدث انفصال للكهرباء او احد الاسباب السابقة وعادت الكهرباء الوضع الافتراضي للمكيف هو الوسط وراح يتعامل مع الهوايات على هذا الاساس بينما بالواقع هي على فوق وهنا يلزم اعادة او ريست للكمبيوتر كما ذكرت فوق .

بخصوص الازرة او الاكواد والحركات السرية هي كلها صحيحة لكن لكل شغله حركة منها الطريقة الي ذكرها الاخ بندر هي صحيحة لكن هي لاعادة تكييف او تهيئة الموجهات وتنظيفها من الغبار حتى لاتصلب وتصبح ثقيله على محرك الهوايات وراح نلاحظ انه يبدل للحار ويغلق ويفح الهوايات في كل الاتجاهات ، لكن هذا ليس حل تدفق الهواء من فوق فالكمبيوتر يعتقد ان الهواية على الوسط بينما بالواقع هي على فوق علشان كذ يلزم انت تضع الهواية على الوسط وتطفي السيارة وتفصل البطارية علشان لما يعيد البرمجة تكون الازرة سوى على الشاشة او الازرة الفعليه بمكانها الصحيح الي مبرمج عليه الكمبيوتر .

اين موضع الخطاء المصنعي في هذه المشكلة ؟
الخطاء هو عدم وجود حساس داخل ممرات مجموعة توجية الهواء ليعرف الوضعية الحالية فعلياً ليتم اعادة البرمجة بموجبها فيما يخص التكييف أو على الاقل ترجع جميع موتورات التوجيه لاوضاعها الطبيعة عند البرمجة الالية .

نقطه مهمة : بالصيف قبل تطفي السيارة خلي درجة البرودة على اخفض رقم سوى هواية السائق او الراكب واطفي المكيف حتى عند تشغيل السيارة ماتدخل عليك الهوايات هواء ساخن حتى لو المكيف طافي .