تجربتكم ونصايحكم استاجر سياره من المطار

وعليكم السلام
من المطار بحدود ١٦٠ يوميا اكسنت قريب لي توه مستأجر منهم

بإمكانك الاستفسار عن الاسعار بالاتصال بأرقام شركات التأجير 

اذا بتطول في الرياض استأجر من برا المطار ارخص لك

اولاً: سلامات للوالدة وتوصلون بالسلامة

ثانياً: الرياض مدينة زي اي مدينة، تخضع لنفس الانظمة وفيها نفس الناس، وتمشي فيها مع هالبشر لا لك ولا عليك، يعني لا تقلق.

أفيدك بخصوص اجار سيارة من المطار، احسنلك تستأجر من الموقع حق شركة الاجار قبل ما تركب الطيارة، زي بدجت وغيرها، عشان تضمن توفر سيارة

لأنه احياناً توصل قبل رحلتك رحلات كثيرة يستأجرون السيارات قبلك وتجي تحصل مكاتب التأجير ما عندهم سيارات

أو عندهم سيارات ما تعجبك لحجمها او سعرها


بالتوفيق...

الوفاق و ذيب شركات تأجير سيارات موجودة في المطارات.. اذا بتستأجر السيارة خذ تغطية التأمين بالذات اذا نازل الرياض. اذا مدة بقائك بتزيد عن خمس ايام فكر في مشاورك و اذا فعلاً تحتاج سيارة تحت يدك طول المدة

اشكركم على الرد وعلى التوضيح>>>
بجلس يوم واحد فقط ومشاوير حسبتها مع كريم بتطلع ب250 ففكرت اني استاجر سياره واخلص ارواقي وارجعها للمطار
لكن هل بحصل ايجار سياره اقل من 100ليوم واحد في المطار

والله يسلم عمرك يانديم اللطيف ويوفقك

خير ١٦٠ !!
بتحصل سيارات ب ٩٠ ريال زي الصني والسيارات الصغيرة

مشوارك يوم واحد

خذ من شركة معروفة مثل بدجت هانكو ذيب....

خذ سيارة نظيفة موديل 2019 مع تأمين اضافي وتكون مرتاح

الاكسنت بالكثير 115 - 120

حياك
نصيحة لك خلك مع اوبر 
ساهر
والدعوى يوم 
وترجع سالم غانم

زحمات الرياض تجيب المرض و عساك تسلم من الحكات
و ساهر سرعه و عند الاشارات غير الحزام و الجوال
اشتري راحة بالك مع مشاوير كريم و التكاسي و منت مطول
تروح و تجي بالسلامة

انصحك بالوفاق واحجز من موقعهم على النت عشان تضمن توفر السيارة ترى احياناً تروح للمكاتب وتحصل كل السيارات الصغيرة راحت 

وتضيف من ١٥ الى ٢٠ ريال تأمين شامل حتى الحكات والقزاز الامامي يغطيها التامين

اضن ب 90 ريال الصني شامل التامين مع خصم تكت صعود الطائره لاترميه
لانه بيعرف من وين جاي بيتاكد مسافر او لا والخصم والله مادري كم 15 بالمئه اتوقع
وكثير شركات تحصل

اهم شي رخصتك و بطاقة الاحوال ماهي منتهيه
وعندك ابشر
وتروح و ترجع بالسلامة

تحصل سبارك في الوفاق مع تأمين شامل ما تتجاوز ال ١٠٠ ريال

اليم العربي سبارك مع تامين شامل فل كامل ب ٨٤ ريال 

شركة المفتاح سجل بموقعهم واحجز وشف الخيارات توصل وتحصل سيارتك جاهزه 
لكن نصيحة من اخو دامك اول مره تروح الرياض خلك على كريم واوبر افضل لك
عن الزحمه وماتعرف الطرق والشوارع وان راح عليك مخرج ماتدري من وين ترجع 
الله يحفظ لك الوالده 

الف سلامة للوالدة

شوف وانا اخوك ان لي الحين تقريباً حول السنتين اسبوعياً للرياض طالع من جيزان
جربت شركات كثير وافضلهم شركة الوفاق وبس غيرها لا تدور
تحجز من الموقع قبل السفر ب 24 ساعة
سبارك 2019 بـ 98 ريال + تأمين شامل 15 ريال + 5 ريال ضريبة + 3 ريال رسالة ابشر = 121 ريال

معاك من ساعة الى 6 ساعات يخصم لك من قيمة الايجار اليومي 40%
معاك 8 ساعات يخصم لك 30%
معاك 10 ساعات يخصم لك 20%
المطلوب منكـ
1- رخصة سارية المفعول
2- بطاقة عمل ( بخصوص الخصم قبل دفع الايجار ) مو مهمة اذا مامعاك مايطلبها
أتمنى أكون افدتكـ

جميع من رد وافادني ....
وكل من دعاء لي ودعاء للوالده ,,,

الله يسعدكم سعادة الابد ويجزاكم خير
والف الف شكرا استفدت منكم <<

الاكسنت ب70 ريال اليوم..من موقع ذيب واذا تبي الكيلو مفتوح ب90 تقريبا