أضف سؤال أو موضوع جديد          

تجربتكم ونصايحكم استاجر سياره من المطار

up 2 down 1
theking999 3
قبل شهر



السلام عليكم ورحمة الله
الله يمسيكم بالخير
عندي موعد للوالده في الرياض واول مره بحياتي اسافر للرياض واحتاج استاجر سياره
طبع ماعمري استاجرت سياره ..)_


ابي تجربتكم ونصايحكم واي شيء منكم يفيدني
وكم سعر ارخص سياره
وهل يطلب تامين او بطاقة العمل
وويش افضل شركة لتاجير السيارات

والله يجزاكم خير ولاهنتو
وصل الله وسلم على نبينا محمد







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
من المطار بحدود ١٦٠ يوميا اكسنت قريب لي توه مستأجر منهم

بإمكانك الاستفسار عن الاسعار بالاتصال بأرقام شركات التأجير 

اذا بتطول في الرياض استأجر من برا المطار ارخص لك


up 0 down 2
abdulss 262
قبل شهر



اولاً: سلامات للوالدة وتوصلون بالسلامة

ثانياً: الرياض مدينة زي اي مدينة، تخضع لنفس الانظمة وفيها نفس الناس، وتمشي فيها مع هالبشر لا لك ولا عليك، يعني لا تقلق.

أفيدك بخصوص اجار سيارة من المطار، احسنلك تستأجر من الموقع حق شركة الاجار قبل ما تركب الطيارة، زي بدجت وغيرها، عشان تضمن توفر سيارة

لأنه احياناً توصل قبل رحلتك رحلات كثيرة يستأجرون السيارات قبلك وتجي تحصل مكاتب التأجير ما عندهم سيارات

أو عندهم سيارات ما تعجبك لحجمها او سعرها


بالتوفيق...


up 1 down 1



الوفاق و ذيب شركات تأجير سيارات موجودة في المطارات.. اذا بتستأجر السيارة خذ تغطية التأمين بالذات اذا نازل الرياض. اذا مدة بقائك بتزيد عن خمس ايام فكر في مشاورك و اذا فعلاً تحتاج سيارة تحت يدك طول المدة


up 0 down 1



اشكركم على الرد وعلى التوضيح>>>
بجلس يوم واحد فقط ومشاوير حسبتها مع كريم بتطلع ب250 ففكرت اني استاجر سياره واخلص ارواقي وارجعها للمطار
لكن هل بحصل ايجار سياره اقل من 100ليوم واحد في المطار


up 1 down 2
theking999 3
قبل شهر



والله يسلم عمرك يانديم اللطيف ويوفقك


up 0 down 0
theking999 3
قبل شهر



خير ١٦٠ !!
بتحصل سيارات ب ٩٠ ريال زي الصني والسيارات الصغيرة


up 1 down 2
AbuOsama36 340
قبل شهر



مشوارك يوم واحد

خذ من شركة معروفة مثل بدجت هانكو ذيب....

خذ سيارة نظيفة موديل 2019 مع تأمين اضافي وتكون مرتاح

الاكسنت بالكثير 115 - 120


up 3 down 0



حياك
نصيحة لك خلك مع اوبر 
ساهر
والدعوى يوم 
وترجع سالم غانم


up 2 down 5



زحمات الرياض تجيب المرض و عساك تسلم من الحكات
و ساهر سرعه و عند الاشارات غير الحزام و الجوال
اشتري راحة بالك مع مشاوير كريم و التكاسي و منت مطول
تروح و تجي بالسلامة


up 0 down 3
1405-1985 937
قبل شهر



انصحك بالوفاق واحجز من موقعهم على النت عشان تضمن توفر السيارة ترى احياناً تروح للمكاتب وتحصل كل السيارات الصغيرة راحت 

وتضيف من ١٥ الى ٢٠ ريال تأمين شامل حتى الحكات والقزاز الامامي يغطيها التامين


up 3 down 0
تركي818 151
قبل شهر



اضن ب 90 ريال الصني شامل التامين مع خصم تكت صعود الطائره لاترميه
لانه بيعرف من وين جاي بيتاكد مسافر او لا والخصم والله مادري كم 15 بالمئه اتوقع
وكثير شركات تحصل


up 1 down 0
tttt35035 974
قبل شهر



اهم شي رخصتك و بطاقة الاحوال ماهي منتهيه
وعندك ابشر
وتروح و ترجع بالسلامة



up 2 down 1
faisal0 0 229
قبل شهر



تحصل سبارك في الوفاق مع تأمين شامل ما تتجاوز ال ١٠٠ ريال


up 1 down 0
mohammed shareef 1022
قبل شهر



اليم العربي سبارك مع تامين شامل فل كامل ب ٨٤ ريال 


شركة المفتاح سجل بموقعهم واحجز وشف الخيارات توصل وتحصل سيارتك جاهزه 
لكن نصيحة من اخو دامك اول مره تروح الرياض خلك على كريم واوبر افضل لك
عن الزحمه وماتعرف الطرق والشوارع وان راح عليك مخرج ماتدري من وين ترجع 
الله يحفظ لك الوالده 


up 1 down 0
hussain4 840
قبل شهر



الف سلامة للوالدة

شوف وانا اخوك ان لي الحين تقريباً حول السنتين اسبوعياً للرياض طالع من جيزان
جربت شركات كثير وافضلهم شركة الوفاق وبس غيرها لا تدور
تحجز من الموقع قبل السفر ب 24 ساعة
سبارك 2019 بـ 98 ريال + تأمين شامل 15 ريال + 5 ريال ضريبة + 3 ريال رسالة ابشر = 121 ريال

معاك من ساعة الى 6 ساعات يخصم لك من قيمة الايجار اليومي 40%
معاك 8 ساعات يخصم لك 30%
معاك 10 ساعات يخصم لك 20%
المطلوب منكـ
1- رخصة سارية المفعول
2- بطاقة عمل ( بخصوص الخصم قبل دفع الايجار ) مو مهمة اذا مامعاك مايطلبها
أتمنى أكون افدتكـ


up 0 down 0
أبو يارآ 494
قبل شهر



جميع من رد وافادني ....
وكل من دعاء لي ودعاء للوالده ,,,

الله يسعدكم سعادة الابد ويجزاكم خير
والف الف شكرا استفدت منكم <<


up 0 down 0
theking999 3
قبل شهر



الاكسنت ب70 ريال اليوم..من موقع ذيب واذا تبي الكيلو مفتوح ب90 تقريبا


up 0 down 0
ابراهيم ابو جابر 71
قبل 4 أسبوع و يوم