زجاج الكامري الامامي

اعرف ان في صيني و سعودي واماراتي وكلها طيبة واذا حصلت بالتشليح مع الجلدة افظل 

اما النوع المصري اول مره اسمع فيه

اذكر نوع فلندي او من هالديار مهو محلي و لا خليحي
ممتاز من تجربة على احد سياراتي السابقة
اما التشليح منت محصل نظيف و لا يسوى عليك التوفير بهالحر
المهم المحل تكون سمعته طيبه و معروف التركيب اهم شي

وعليكم السلام ورحمة الله وبركاته
الصيني ترى فيه تموج يسبب لك صداع ركبته تشوف السباره
مهي ثابته الي قدامك
ركبته اخذ يومين وغيرته وبدلت ثاني طلع زوايا الزجاج
فيها تموج نوعه اكس واجن

واسف على الاطاله

زجاج من الوكالة مع جلدته وريح راسك صحيح غالي لكن أفضل وأجود وأعزل . . . .

ومع مرور السنوات لا يبهت ولا يتشهب ولا يتغبش . . . . .

بالنسبة للتركيب بعد ماتشتري من الوكالة إسأل عن أفضل محل يركب زجاج ورح له أو بنفس الوكالة ركبه . . . . .

لأن التركيب مهم كذلك فلازم فني تركيب صح ويضبط الوزنية بالملي وهنا أنصحك بنفس الوكالة . . . .

لأنه مضمون الشغل السليم . . . .

وكلها 2500 ريال . . . . . لكن بالمقابل راحة باااااااااااااااااال . . . . .

كل الزجاج التقليد يتمخش علطول ويجي غير واضح الزجاج قالب للبني شوي
واذا وقفت قدام الزجاج تشوف تموجات مافيه افضل من الوكاله

فيه نوع xyj مركبه على سيارتين وملاحظت عليه اي شي اكثر من سنة وسعره مايتعدا ٤٠٠ ريال وجدا واضح وممتاز 

فيه ماليزي عند السالم للزجاج ممتاز

رح للسالم
يكلفك تقريبا 500 وشغل ونوعيه ممتازه

خارج الوسط <

اجل تبي يركب قزاز امامي كامري مضى علي موديلها عشر سنوات واكثر ب 2500

ياخي حدث العاقل بما يعقل

اقرب محل قزاز يركب لك وطني وضمان سنه مايكلف 500 ريال

وال 2000 سوي فيها صيانة كامله من مساعدات وكراسي مكينه وسيور وبواجي
تطق اربع سنوات خدمه وانت مبسوط

ماليزي  طيب ووخرر عن الوطني والتركيب له دور انا ماليزي صراحه ممتاز 
واهم الي يركب يزبطه من ناحية الغرا لا يعبيه ولا ينقصه عشان مستقبلا لو انشعر
يكون سهل فكه 

انصحك تمر التشاليح وبتحصل الاصلي بسعر مقارب للتجاري ومنها تكسب زجاج اصلي وركبها عند السالم او احد المحلات
الاصلي يفرق انه يكون مضغوط ومتماسك لذلك وقت الحوادث لاسمح الله يتشعر فقط