أضف سؤال أو موضوع جديد          

أفضل كفرات بر وداخل المدينه

up 1 down 1
karml 8
قبل 2 سنه و 4 شهر



محتار بركب كفرات بالون او شاهين بس نصحوني ان البالون ماتدوم وتمسح
سريع وفيها رجه والشاهين مالقيت احد يفيدني 
ابي كفرات زينه بر وخط وتححمل الكرف وشكلها مناسب 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


في كفرات ماجربتها صراحه هي هانكوك نقشة شاهين بس قليل تحصلها وقيمتها شوي غالي 
بس افضل من البالون يمسح وثقيل ويزلق 
والشاهين كذلك بس اخف من البالون 

حاول تدورها قولهم هانكوك نقشة شاهين 
245/85/16
هذا مقاسها لجنط ١٦ 
في منها ل ١٧ اتوقع 





up 1 down 0
m7md 33 1155
قبل 2 سنه و 4 شهر



اذا بتمسك على الموتر خطوط لاتركبه قبل فتره شفت مقطع لجيب مركب بوالين ومع المشي الكفرات تمدد شوف عني ومع الحر ذا حسيتها ماتطمن ركب دانلوب 


up 2 down 0
راكان443 150
قبل 2 سنه و 4 شهر



عن تجربة الدنلوب مرة ممتاز بر وخط ولكن الغش فيه واجد خذ من وكيله بن زقر 
علماً اني حريص جداً من هالناحيه وتعرضت لمحاولات احتيال اتفقت انا وصاحب محل على سعر معين وتكون اصلية
وجاب لي كفرات اماراتية ورجعتها وايضا واحد ثاني اتفقت على سعر معين وانها اصلية وتاريخ معين 
وبعد التركيب اكتشفت انه مركب الكفر الأول اللي وراني تاريخة مضبوط وباقي الكفرات الثلاث تاريخها قديم
وخليته يفكها كلها ويركب القديمة

والحقيقة لو في مدينتي فرع لوكيلها ركبت عندة وانا متطمن لذلك احرص أشد الحرص 


up 3 down 0
خالدkhaled. 156
قبل 2 سنه و 4 شهر



طيب اللي جرب الشاهين هل هو يمسح مثل البالون 



up 1 down 1
karml 8
قبل 2 سنه و 4 شهر



تويو ممتازة ، مافيها صوت ولينة للتنسيم تفرش ، لكنها حساسة جدا

هانكوك مقاساتها بطلها لكن الدعسة الخشنة صوتها مزعج شوي


up 0 down 0
aoa454 3
قبل 2 سنه و 4 شهر



الشاهين اخف من البالون لكن يبقى حوله وابطى بالمسح يطول
لكن الدنلوب الوكاله افضل للخطوط والبر وفي خيار بعد
الدنلوب ابولبنه ١٧افضل من ال١٦ لكن يبلك تنسم بالنفود
وفيه صوت من ٨٠ وحولها لكنه بطل مع الشوك ومع ذلك يدخله
الشوك القوي


up 0 down 0
فور جي 98
قبل 2 سنه و 4 شهر



الانواع الزينة مثل الياباني وغيره معروفة لكن من تجربتي وومما قرأت فيه شبه قاعدة كفر قاسي يصبر ويطول والكفر اللين اقل صبر وعمر ،،، انا جربت البرجستون  الوكالة قاسي مرة ينفض الموتر ومع المطبات لكن مايقول لا ونادر نادر يبنشر ولايتأثر بالحصى والشوك ويعمر معك حر وبرد وحتى المسامير قليل جدا يلقطها وجربت الهانكوك سنين الين ومع المطبات لين وزين لكن يلقط مسامير احيانا والا هو جيد للهادي ويقعد بعد سنين اذا سواقتك راكده


up 0 down 0
جبال معانيق 277
قبل 2 سنه و 4 شهر