أفضل كفرات بر وداخل المدينه

في كفرات ماجربتها صراحه هي هانكوك نقشة شاهين بس قليل تحصلها وقيمتها شوي غالي 
بس افضل من البالون يمسح وثقيل ويزلق 
والشاهين كذلك بس اخف من البالون 

حاول تدورها قولهم هانكوك نقشة شاهين 
245/85/16
هذا مقاسها لجنط ١٦ 
في منها ل ١٧ اتوقع 

اذا بتمسك على الموتر خطوط لاتركبه قبل فتره شفت مقطع لجيب مركب بوالين ومع المشي الكفرات تمدد شوف عني ومع الحر ذا حسيتها ماتطمن ركب دانلوب 

عن تجربة الدنلوب مرة ممتاز بر وخط ولكن الغش فيه واجد خذ من وكيله بن زقر 
علماً اني حريص جداً من هالناحيه وتعرضت لمحاولات احتيال اتفقت انا وصاحب محل على سعر معين وتكون اصلية
وجاب لي كفرات اماراتية ورجعتها وايضا واحد ثاني اتفقت على سعر معين وانها اصلية وتاريخ معين 
وبعد التركيب اكتشفت انه مركب الكفر الأول اللي وراني تاريخة مضبوط وباقي الكفرات الثلاث تاريخها قديم
وخليته يفكها كلها ويركب القديمة

والحقيقة لو في مدينتي فرع لوكيلها ركبت عندة وانا متطمن لذلك احرص أشد الحرص 

طيب اللي جرب الشاهين هل هو يمسح مثل البالون 

تويو ممتازة ، مافيها صوت ولينة للتنسيم تفرش ، لكنها حساسة جدا

هانكوك مقاساتها بطلها لكن الدعسة الخشنة صوتها مزعج شوي

الشاهين اخف من البالون لكن يبقى حوله وابطى بالمسح يطول
لكن الدنلوب الوكاله افضل للخطوط والبر وفي خيار بعد
الدنلوب ابولبنه ١٧افضل من ال١٦ لكن يبلك تنسم بالنفود
وفيه صوت من ٨٠ وحولها لكنه بطل مع الشوك ومع ذلك يدخله
الشوك القوي

الانواع الزينة مثل الياباني وغيره معروفة لكن من تجربتي وومما قرأت فيه شبه قاعدة كفر قاسي يصبر ويطول والكفر اللين اقل صبر وعمر ،،، انا جربت البرجستون  الوكالة قاسي مرة ينفض الموتر ومع المطبات لكن مايقول لا ونادر نادر يبنشر ولايتأثر بالحصى والشوك ويعمر معك حر وبرد وحتى المسامير قليل جدا يلقطها وجربت الهانكوك سنين الين ومع المطبات لين وزين لكن يلقط مسامير احيانا والا هو جيد للهادي ويقعد بعد سنين اذا سواقتك راكده