رايكم بـ الاف جي

الافجي سمعت انه توقف في امريكا والاكستيرا وبعض سيارات ال suv وتوجهت العالم الى الكروس اوفر
وذلك بسبب استهلاك البنزين العالي
انت تسال عن قوة محركات ودبلات ونشاط فهي سياره ممتازه وماعليها كلام وتبقى كل هالسيارات تجي من الوكاله في حاجات تحتاج تعديل لاجل تناسب استخدامك مثل الامريكي يغيرون مبرد القير
الافجي مثلا يغيرون يايايات ومساعدات وتركيب فاصل مثلا ومبرد قير وووو
ماعلينا اغلب ملاك السيارات يعرفون النقص بسياراتهم من الوكاله فما تكلفك من 3 الاف الى 5 الاف بالكثير


لكن اذا سؤالك عن الاستهلاك اغلب السيارات الجديده توجهت لتقليل سعه المحرك وتغيير سرعات القير والتنفس ووو
فهالسياره من السيارات القديمه اللي كانت الشركه ماركزت على تقليل صرفية البنزين

موتر عملي وخدوم والمكينه تغيرت من 12 إلى 2018
ومن موديل 2013 وفوق جا التانكي أكبر، اذا تفكر بالاف جي خذ من 13 وفوق او الجديد اهم شي خذ التانكي الكبير

تبي لك سيارة ماتبلشك بالصناعيات واذا بغيت البر ماتقول لا وعزمه قوي لكن ماتبي تقنيات وتطور مثل السيارات الجديدة اخذه مع الخط راح تسمع صوت هواء اعلى من السيارات الثانية لان قصة القزازة الأمامية واقفه ولا تنسى استهلاك وقوده عالي ماعليك من اللي يقول يمشيني ١٠٠٠ التانكي الكبير أسأله بكم يعبيه ب ٢٠٠ وعليها اغلب السيارات الثانية اذا وفرت ٢٠٠ ريال للبنزين راح تمشيك فوق ال ١٠٠٠ واخيرًا هو سيارة تحطها على يمناك وماتخذلك ان شاءالله لكن عليك بالنظيف 

الله يسعدكم جميع. 

السؤال الاهم. كيف صرفيته للبنزين اذا ابيه داخل البلد.وبالبر.
 لأن قليل امسك خطوط 

الاف جي سيارة مكدة ماشاء الله تبارك الله انا مستخدمه من ٢٠١٤
بالنسبة للبنزين بعد السعر الجديد ٣٣٠ ريال احمر تمشيني فوق ١٠٠٠ كيلو خطوط (بين الطايف جدة القصيم )
لكني مادعس وامشي على السرعة والحمدلله ،، لكن الي رجله حارة ويصفي طبلون مايجمل معاه البنزين

الله يكتب لك الخير

تبي حق بر الاف جي صرفيه مرتفعه قليلا
لكن لو تاخذه وتاخذ سياره صغيره مثل يارس
هذي حقت بر والثانيه حقت مدينه