بخصوص كورولا 2020 الهايبرد

انا ضد ياخوي الماكينة البنزين ماتصرف اصلا والهايبرد غالي وصيانته مكلفة 

خلك على العادية بس

سعر السياره ٨٧ الف ودا سعر غالي جدا علي كرولا

نفس مكينة البريوس القبيحة
و نزلت غاليه و الحين على ٦٠ الف شامل الضريبه و اللوحات و محد يبيها
الكورلا البنزين ارتفع سعرها على نفس المكينه و القير
و لا في زود مواصفات مثل شاشه معلومات او جنوط المنيوم
يعني بس تغيير شكل اذا وصلت فوق ال٦٠
تشوف لك اوبتيما لو مكينه 2000
واجد اصرف و تنفع سفر و اوسع

في حاجه غيرت نظرتي للهايبرد ألي هي اذا تعطلت البطاريات السياره ماتمشي ع البنزين !! طيب ايش الفايده 
وكنت بعد احسب انه السياره اذا خلص بنزينها فالخط تتحول دايركت كهرب وتكمل الخط طلع كمان لا ! 
ف صرفت نظر عنها وأحسها ماتشجع الاقتناء. 

تابع 2500NMR منزل تجربه باليوتيوب

صحيح تابع حساب 2500NMR نزل تجربة قبل اسبوع تقريبا
المضحك أن التانكي مشاه 430 تقريبا ً وهو ماسك خط

نصيحتي لك خذ مكينة 2.0 عزم وقوه حسب ماوصلني قوه الاحصنه فوق 160 وهذا شي ممتاز جدا صارت اقوى من مكينة الالنترا

اذا كانو صادقين مو مثل العاده تويوتا من الكيس

الرد الي فوق يقول سعرها 87 سلامات والله لو انها تمشيني 1500 كيلو لتانكي مااشتريت بالهسعر
الكامري سياحي وفخامه ب 81 مازدا ب 76 وغيرها الكثير
المفروض سعر الكرولا ماتتعدا 65 للفل كامل هاذا اذا كانت يابانيه

بصراحه سعرها جداً غالي 

في الوكاله في ( جيزان ) سعرها فل كامل ب93500 ..!؟

تقدر كل ٧ سنوات تغير البطارية بقيمة تصل الى ١٣٠٠٠ ريال
لان لو خربت البطارية السيارة توقف وشيلها بسطحة للوكيل لان الورش باقي مايعرفوا لصيانة الهايبرد
واخرط الفلوس

سياره صارت اصغر كنها يارس
ونازل مره للارض
وسعر مبالغ فيه
اخذا مازدا 6 مواصفات واكبر حجم وافضل شكل

خلنا نحسبها حسبة رياضية :

عندنا سيارتين كورولا وحدة هايبرد والثانية عادية كلاهما يقطعون يومياً ( 100 كيلو ) لمدة سنة كاملة

100 كيلو * 360 يوم = 36000 كيلو في السنة

الكورولا العادية تمشيك 18 كيلو للتر
الكورولا الهايبرد تمشيك 28 كيلو للتر
سعر لتر البنزين 1.44 ريال

مجموع بنزين الكورولا العادية في السنة = 2,880 ريال * 7 سنوات = ( 20,160 ريال )
مجموع بنزين الكورولا الهايبرد في السنة =1,851 ريال * 7 سنوات = 12,957 ريال

في السنة الـ 7 خربت عندك بطارية الهايبرد وهذا شيء متوقع ( لأنها في الأخير اسمها بطارية ) . . . .

كم سعرها بالوكالة ؟؟؟؟؟؟ فلنفرض ونقول 10 الآف ريال . . . .

فهذه 12957 + 10000 = (22957 ريال ) وهو أعلى من القيمة اللي دفعتها على بنزين الكورولا العادية

يعني ما استفدنا بشيء أبد ,,,,, إلا بالعكس المتوقع إني أبخسر أكثر ( وأنا أفكر أوفر فلوس ) . . . .

لذلك اتوقع والعلم عند الله أن الهايبرد مجرد ( اسم تسويقي ) فقط . . . .

هو انتشر عند الاجانب لانه اقل انبعاثات كربون
عندهم هوس بحماية البيئة
و الهايبرد ينفع على سرعات اقل من ١٠٠
استخدام مشاوير بمدن محددة السرعه و كلها رادارات
بعضنا يمشي ١٠٠ بشارع داخلي وسط حارة !
و البنزين عندنا مهما ارتفع - عساه يثبت - يعتبر الارخص عالميا" و على مستوى دول الخليح

^^ معلوماتك عن البنزين غير صحيحة. دول كثير ارخص مننا واقربها الكويت,و البحرين رفعوه 5 هللات علشان مانقول ان عندهم ارخص وهو ممول من عندنا.والا كان ارخص وفي مدن في أمريكا سجلت انخفاض في أسعار الجالون يوصل لأقل من عندنا. هذا واحنا مملكة ومصدرة للبترول. و الاهتمام بالبيئة ما اسميه هوس, اسميه اهتمام كبير على فكرة الناس اللي يعيشوا في المدن الملوثة المزدحمة بالسيارات والقطارات جهازهم التنفسي ورئتهم مماثلة لأي شخص مدخن يعني هذا شئ خطير وفي اضرار اخرى كثيرة

سيارات الهايبرد Hybrid ksa
كل ما يخص السيارات الكهربائيه في السعوديه 

قوانين الجروب:

يمنع النقاش في الأمور الدينيه والسياسية والجنسية.

انشئ الجروب لتبادل المعرفه والتجارب حول السيارات الهايبرد فقط.

هذا قروب هايبرد بالتلقرام

@Hybrid_ksa
https://t.me/hybrid_ksa