أضف سؤال أو موضوع جديد          

حل مشكلة صوت مزعج في مكينة كورولا2013

up 16 down 0
طالب الله1 85
قبل سنه و 3 شهر



السلام عليكم ..
اخواني الكرام بفضل الله تم حل مشكلة صوت مزعج في مكينة كورولا 2013
هذا الصوت كنت اسمعه ما يقارب سنتين ونصف كان بسيط جداً علي ممشي من 40 الي 80 علي ضغط 2او3 قبلها ما تسمعه وبعدها يروح
لكنه اخر الايام زاد وصار قوي اسمعه لما ادوس بنزين وانا ماشي 100 زي الزنه
وصف الصوت ..
خشونه او كركره او خرير مزعج اوجع راسي علي ممشي بسيط حول40 وكل مازادت السرعه يضيع مع صوت الهواء وازعاج الطريق .
والسياره واقفه او عند التشغيل مافيه صوت ابداً.

بحثت بالنت كثير وكانت نتيجه البحث ان الحل تغيير بلف شداد الجنزير.
وبالفعل تم شراءه ب75 ريال وتركيبه ب95 ريال .
والحمد لله راح الصوت تماماً.

لقيته ب100 ريال وب90 وب85 اسعار متفاوته .
والتركيب الي قال 200والي150والي100
والي يقول افك المكينه اغير الجنزير ب800ريال
والي يقول مزلقان الجنزير.
وقصص كثير شفتها بالصناعية حكايات .
تكيبه فك مسمارين فقط وتركيبه ولف المكينه بمفتاح عشان ينفك من الامان الي فيه وتشغل السياره
بعضهم قال لازم افك غطاء الراس عشان افتح امانه وهذا غير صحيح . عشان ياخذ فلوس زياده.

وهذه صورته ..
ولا تنسونا من الدعاء









إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عندي صوت قريب من وصفك بالضبط ولا احد عرف له
شبيه نفس احتكاك حديد لدرجه لحمت حديد صاجه الشكمان
والاكن الان اكدت لي لانه قبل 4 سنوات تقريبا غيرت الجنزير والشدادت وبلف الجنزير ماركب
وركبت القديم وبعد فتره ركبت الببلف ولاكن الصوت نفس بالذات اذا سقتها بركاده يطلع الصوت
اما اذا شديت لها مايطلع بغيره الظاهر ماعرف يركبه لي واشكرك ع الموضوع المفيد


up 1 down 1
tttt35035 1050
قبل سنه و 3 شهر



الله يوفقك ويسهل امرك
قبل فتره كشفت علي السياره الي يقول جنزير والي يقول شداد والي يقول حساس
ولخبطوني وتركتهم كلهم .
لكن لما زاد الصوت هذي الفتره خفت منه
والحمد لله انحلت الامور

والكورولا والكامري مشاكلها كثير بالجنزير والشدادات والمزلقان


up 0 down 0
طالب الله1 85
قبل سنه و 3 شهر



شكرا لك 
وتستاهل لايكات 



up 1 down 1
باترول 2020 2624
قبل سنه و 3 شهر



العفوا .. اخ باترول 2020
تستاهل الجنه و الخير الكثير


up 0 down 1
طالب الله1 85
قبل سنه و 3 شهر



نفس المشكلة عندي موتري كابرس ٢٠٠٩ تتوقع ان الخلل من القطعة هذي...


up 1 down 0
ابو محمد بيشه 198
قبل سنه و 3 شهر



نفس المشكلة عندي بالالتيما

صوت مزعج والحين زاد عن اول

الله يكتب اجرك




up 1 down 1
aboahmed2014 1136
قبل سنه و 3 شهر



اخ ابو محمد بيشه ..
ممكن يكون بلف شداد الجنزير
بالنسبه لي شريته ورحت اركبه بسبب بحثي بالنت
قلت ابتدي بالارخص .
والميكانيكي يسئلني مين كلم هذا خربان .
قلت ركب ونشوف .
سعره في موقع افيال ب65 ريال
وشغل اليد في نظري ما يتعدى 30 ريال شغله بسيطه فك مسمارين وتركيب الجديد
لكني شريت الوقت بالفلوس لي فتره كل يوم اقول بكره
ولما زاد الصوت خفت من الجنزير ينفلت ويكسر الدنيا وبدل خساره مية و ميتين ندخل في الألوف تصليح

اذا عندك وقت اطلبه من موقع افيال وركبه وجرب
وان شاءالله تضبط وان ما كتب الله يعينك الله علي الجنزير والسداد والمزلاقانات تغيرها

والله يوفقك ويسهل امرك.


up 1 down 0
طالب الله1 85
قبل سنه و 3 شهر



واجرك اخي aboahmed2014
الصوت يا خوك اخر الايام اتعب راسي زاد بشكل غريب
بالنسبه للالتيما ما عندي علم

شوف بالنت وادخل موقع افيال حط رقم شاص السياره يطلع لك صدور المكينه كامله برقم كل قطعه
والله يسهل امرك ويوفقك


up 0 down 0
طالب الله1 85
قبل سنه و 3 شهر



سعرت بلف الجنزير حق الكابرس طلع ب٤٠٠ ريال.. الصوت عندي من اكثر من ٥ سنوات باركبه ان شاء الله قريبا ونوافيكم


up 1 down 1
ابو محمد بيشه 198
قبل سنه و 3 شهر



بالتوفيق اخ ابو محمد بيشه
قرأت كابرس .. كامري
دائمـاً اذا ما عندك العلم الاكيد ابدأ بالارخص .
بلغنا ايش يحصل معك
وان شاءالله تنتهي مشكلتك


up 0 down 0
طالب الله1 85
قبل سنه و 3 شهر



ياصاحب الموضوع ابغاك ضروري لاهنت


up 1 down 0
ابو احمد الرويثي 5
قبل سنه و 2 شهر



ياخي الصوت هذا عندي وشريت البلف ومعي بالسياره بس ما لقيت اللي يركبه كل ما اجي لواحد يقول لازم افك الصدر وين موقعك ان شاء الله انك بالمدينه 


up 0 down 0
mgoood4 9
قبل سنه و شهر



mgoood4
اخي
قالو لي نفس الكلام .. واحد قال الان انزل لك المكينه .
لكن..
ما يحتاج شي
الشغل كا ياخذ ربع ساعه يفك القديم ويركب الجديد
ابحث عن ميكانيكي متمكن
والله يوففك


up 0 down 0
طالب الله1 85
قبل سنه و شهر



السلام عليكم 
الله يعطيك الف عافية
ودي اسألك لو تكرمت يوم ركبته هل احتجت تفك غطاء البلوف ام لاء ؟ 
عشان لو لازم فك غطاء البلوف اغيّر معاه الوجه مرة وحدة احسن من تركيبه مرة اخرى


up 0 down 0
hayyan723 5
قبل 4 شهر



فين المكان اللي ركبتها فيه ؟


up 0 down 0
darwiesh 21
قبل 2 شهر و 3 أسبوع



جزاك الله خير يااخي الكريم فعلا كلامك صحيح الصوت هذا سببه بلف شداد الجنزير نفس الي بالصورة حق كرولا ٢٠١٦ ونت نازل قيمتة ٩٠ ريال وتغييره لازم ترفع السيارة على الرافعة ومكان البلف خلف الماكينة بعض الفنيين يقولون لازم فك صدر الماكينة وهذا غير صحيح تركيبة ب ٢٠٠ ريال اكثر شي تقدر تدور على القطعة في موقع افيال عن طريق رقم الهيكل وبعدها تدور عن طريق صور القطع او صور القطعة وروح قطع الغيار تيوتا تحصلها قيمتها لاتتجاوز٩٠ريال


up 0 down 0
ابو علي 9990999
قبل شهر و 2 أسبوع



ويفضل تنظف فلتر vvti اذا السيارة ماشية فوق ١٥٠ الف كيلو وليس ضروري الا اذا كانت لمبة الزيت والعة او ظهر كود خطأ فقط وشكرا


up 0 down 0
ابو علي 9990999
قبل شهر و 2 أسبوع