رش كامل فرن كامري كم يكلف ؟

يختلف السعر على حسب صناعه البويه وعلى حسب اذا البودي عندك فيه صدوم عفوط او شقوق على حسب الي بيرش اذا بيصنفر البويه كامله او يحرق البويه و فيه ورش ترش فرن ورش ترش عادي انت لايغرك السعر اهم شي تروح لورشه يكون عندها فرن ولو تجيب له البويه اضمن لك لاتخليه هو يجيبها قله كم تبي وجبله واهم شي الضمان ولاتنسى تاخذ عليه فاتوره عشان لولاتقدر الله تقشرت البويه ولا شهبت يكون تروح له بفاتوره ويصلحها لك اهم شي لايغرك السعر ترا فيه ناس بتشوف سعرهم مغري بس شغلهم مشى حالك يرش لك بويه على بويه وكلها كم شهر الى تشوف البويه تتقشر واعيد واكرر الفاتوره لاتنساها 

٤ الاف اذا تبي ورشه بالرياض ومجرب رش كامل عندي

اللؤلؤي فرن ٤٠٠٠ ريال الالوان الثانيه ابيض عادي واسود ب ٢٠٠٠ ريال 

هالكلام لسيارتي اكورد بالمنطقه الجنوبيه 

تختلف من ورشة لورشة من عمالة لعمالة من بوية لبوية من اساس لاساس من معجون لمعجون من بدي لبدي
افضل البويات على حسب علمي هي السيكينز لا ترش الا هي واذا سمعت ان فيه افضل اسال عنه اكثر من شخص
ومر اكثر من ورشة ولا ترش عند يمني، افضل العمالات في الرش هم الاتراك والفلبينيين تقريبا

وانت جيب البوية مع اللكر خله هو يسجل لك كل الاشياء اللي تحتاجها عشان تضمن انك انت اخذت البوية الصح وخلك موجود لما يدخلون سيارتك الفرن عشان تكون متطمن ان حقك ما ضاع
وخذ ضمان على البوية من ناحية انها ما تتقشر او تبهت وغيره

وبالتوفيق 

من أبيض إلى فضي ؟!
اللون الأبيض لك وللزمن لا يبهت ولا يمسك الحرارة ...

في ورش ب 1500 وفي ورش ب 15000
شفلك ورشه لها سمعتها ورشهم ضمان 5 سنوات