كيف اطلع برنت شامل لسيارة مستعملة

رح المرور واطبع برنت ومر الوكالة واطبع برنت وشيك بترومين
واذا موجود عندكم ون ستوب وفاست لوب وموبايل بعد مرهم

بعدها ود السيارة ورشه تفحصها لك كمبيوتر والبدي مافيه رشوش ولازم ميكانيكي جيد خذ معك

يطل معك تحت السيارة يشوفها من تحت يطالع جسورها رديتير والخ...

بعدها عاد انت شيك السيارة تعال للسيارة وهي باردة وطالع فيها ماتطلع دخنه

وفك غطاء الزيت طل فيه واسحب معيار وشف الزيت وتأكد ليكون راعيها حاط زيت ثقيل

وشيك موية الرديتير اذا مويه من الولف اسحب عليها

لحمت السيارة ارفع ريسها وهي واقفه 3500 rpm لمدة دقيقه يكفي اذا ما طلعت دخنه امورها طيبه

اطلع جرب السيارة بعدها تركد عليها تمشي علبها بهدوء شف كيف تعشيقات القير لين اخر نمره

بعدها جرب تسارعها فل ريس

اذا شفت الامور طيبه كلها هذي فانت طحت فموتر نظيف يعتبر وكالة ويستاهل كل ريال

حياك
حمل تطبيق موجز وتاخذ تقرير عنها 
هاالتطبيق يعطيك الحوادث وعدد ملاك المركبه
وكم كانت ماشيه 
لاكن التطبيق بخصوص مشي السيارة يعتمد ع مرورها باالغحص
الفني 
وانت شف لك ورشه ينفضونه من والى
وباالتوفيق

نطبيق موجز لازم تشترك في باقة ب٣٠٠ ريال يعطيك تفاصيل اكثر عدد الملاك والكيلوات المقطوعة وغيرها

فيه حسابات في حراج عندهم خدمة موجز تواصل معهم اوفر لك للأمانة مدري كم اسعارهم

الي يقول خدمة موجز اتركها معليك منهم خسارة فلوس على الفاضي
برنت من المرور والوكالة يكفي free بعد

تروح بالبساطة يعطيك برنت ولا عندهم طلبات