ماهي إجراءات و رسوم تغير لون السيارة؟

ما انصحك ترش السيارة خصوصا اذا كانت بودي بلد وبوية بلد لانو ما راح تلقى ورشة ترشلك السيارة بوية مثل بلدها مهما كان الشغل والاتقان والاحترافية حتى لو بترش في الوكالة نفسها برضو ماراح تطلع مثل بوية بلدها وغير كذا وقت البيع راح ينخسف سعر السيارة وتبيعها بخسارة لانها مرشوشة كامل لو ما كان فيها صدمات اذا رش صدام او رفرف يطيح سعر السيارة فما بالك برش السيارة كاملة 

انصحك تراجع فكرتك اما بخصوص الاجرائات ما عندي خلفية صراحة وما ودي افتيلك يجي من يفيدك فيها وبالتوفيق 

ركب تجليدة احسنلك باللون الجديد

وشرط يكون عليها ضمان عشان اذا حبيت تفكها بعد كم سنة تحصل بوية الوكالة زي ما هي

الاجراءات حسب ما اعرف:

1- تراجع المرور تطلب تغيير لون السيارة، يعطونك ورقة عشان الورشة يقبل يبدل لك اللون او يركب لك تجليدة.

2- بعد ما تبدل اللون تراجع المرور يطلع معك عسكري يعاين اللون الجديد عشان يكتبه بالاستمارة.

وصلى الله وبارك.