أضف سؤال أو موضوع جديد          

قصتي مع اصلاح مكيف السياره

up 12 down 5
nof55 5
قبل سنه و 4 شهر



سلام عليكم
بدات قصتي مع المكيف قبل سنتين تقريبا
كامري 2006
نسبه التبريد 25 %
ركبت سيارت زي سيارتي والمكيف ثلاج
طبعا وديتها لسباكين الصناعيه
طبعا كلن يصرف من جيبه
كلهن كمبروسر ولا فريون
طبعا الماده ماكانت تساعد على اني اشتري كمبروسر
بس الان توفرت الماديه فا عزمت اني اسويه
رحت ادور كمبروسر واسعار التشاليح مبالغ فيها
وضمان اسبوع
هههههههههههههههههههههه
دوررت وطحت على سعودي يبيع كمبروسرات ولقيت عنده اخر حبه
ونصدمت من اسلوبه
قمه في الاخلاق عطاني الكمبروسر قال رح جربه وركبه
اذا تمام هات الفلوس او حولي
واذا ماعجبك نزله عنده الكهربائي

غيرت كمبروسر مع تركيب اديتر مكيف جديد
وطلع بالاجيتر فيه تنسيم يوم جيت ارجعه قال ماعليه ضمان
سلامات الاديتر ماركب قال بكره قابل المدير لني ماقدر واضح على الموظف مايعرف شي
سعودي المفروض يعرف الانظمه تبع وزاره التجاره
طبعا انا جاي من بعيد رجعت للكهربائي جاب صاموله وشدها على الفلتر وانتهت المشكله هههههه
بس قهرني رفضهن لترجيع الاديتر وكنت ناوي شر معهم بس تسهلت
ونظفت مواصير
وعطاني صاحب الكمبروسر ضمان شهر التشاليح اسبوع بس
ولا زالت نفس المشكله
طبعا بما اني غيرت كل شي مابقي الا الثلاجه وخليتها اخر الخيرات
بسبب التكلفه وفك الديكور وتاخذ تقريبا اكثر من يومين
بحثت باليوتيوب عن غسيل الثلاجه بدون فك ديكور
اغلب الشروحات غير عمليه ولم تنفع معي
توكلت على الله ورحت ادور ثلاجه
اول شي بديت فيه اخذ سعرها بالوكاله ثم اقيس على الموزعين
بالوكاله 1070 ريال تقريبا :-(
مريت قطع الغيار
مالقيت الا تايلنديه
بحثت عن دانسو وهي نفس حقت الوكاله وسعرها 380 ريال على ماقريت
وللاسف مالقيتها اتكلم عن القصيم
لقيت شركه كنت اشري منهم بس اختفو عندنا بالقصيم
الى هي مايز
لقيت حبه وحده عند قطع الغيار بعد بحث ومعانها
سعرها 250ريال بس صناعه في الصين
وضمان ثلاث شهور
الوكاله ب 1070 ريال شفو الفرق حتى لو مهي اصليه
ترا كلها المنيوم يعتي المفروض السعر مايتعدى 500 ريال
والصين درجات فيه الردي والممتاز
فشركه مايز افضل من شركه ماعرفها
بحكم اني لقيت تايلندي ولا عليها ضمان
يوم فكو الثلاجه القديمه جيت المفاجئه
السياره كانت مع عمي لنه احتاج السياره وانا كانت عندي سياره قبل اصدم عليها
خرب معه المكيف وراح التشاليح واخذ ثلاجه
والثلاجه طلعت حقت يارس مدري كورولا صغيره مره
هههههههههههههههههههههه
الله يسامحك ياعم سنتين اتعذب بالحر هههههههه
ونفس الموضوع لقيته مغير ركبه حقت مديل 2007 وتختلف عن حقت موديلي
ركبت الثلاجه وفرق السماء عن الارض الحمد لله ثلاج
الفائده الي استفدتها من التجربه هذي
اي عطل بالسياره ابحث عن حلول له قبل تروح الصناعيه
بالانترنت
واسال عن قطع الغيار وتجارب الناس
لا تثق باي شخص بالصناعيه او قطع الغيار
و اهم شي اضمن الفاتوره عشان اي مشكله تقدر تحجهم فيها
كذالك استفدت اني فريت بالمحلات ومريت ساكو لقيت عندهم فريون يشبه اطفايه الحريق ب 120 ريال تقريبا
خل اخر الحلول الاصعب والأكثر تكلفه وابدا بالسهل والاقل تكلفه
الان عندي شريحه البوري خربانه او فحمه البوري
وسعرها حول 120 ريال وكاله
وبدور عن بديل لها
معليش على الاطاله ولكن حاولت اني مانسى اي تفاصيل
يمكن اي احد يستفيد وشكرا لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام 

ههههههههههه شر البلية مايضحك 

بس الحمد لله مادامك عرفت ولو انك تعبت سنتين لكن قد خذيت خبرة 


up 1 down 0
ابو حسين.......... 1024
قبل سنه و 4 شهر



سنتين بدون مكيف في هذه الاجواء!

انت تستحق جائزة على صبرك


up 0 down 0
أبو عبادة 4850
قبل سنه و 4 شهر



اشكوى ل لله
مافي فلوس ههههههه
والمكيف تبرده متوسط يمشي الحال
والحمد لله على مارزقنا


up 1 down 1
nof55 5
قبل سنه و 4 شهر



الله يرزقك والجميع
فعلا المكيف اذا تعطل معاناه
لأن خسارته كبيره مابين شغل وسعر كمبروسر واخر شي عطلان
او المشكله ماتطلع من الكمبروسر وانت خسران الكثير وجهد


up 2 down 0
امير الاصيل 1712
قبل سنه و 4 شهر



المشكله الرئيسيه العماله عباره عن سباكين
كلن يصرف من راسه حتى بعضهم مايفحص
فريون كمبرسر هذي اكتشافتهم
يصلحون السيارات عن طريق التخمين
اتمنى انهم يوقفونهم عن العمال ومايعمل احد بالصناعيه الا يحمل شهاده مهنيه
اما تجارب ويتعلم على سيرتنا ويخسرنا


up 2 down 1
nof55 5
قبل سنه و 4 شهر



والله تستحق جائزة نوبل على تحملك هذه الاجواء سنتين ههههه

على العموم بارك الله فيك وفي مجهودك الطيب وعدم استسلامك
لسباكين الصناعيه وسرقة فلوسك


up 2 down 0
aboahmed2014 1136
قبل سنه و 4 شهر



ي رجال يبيلك نابغة علم يطلعلك ان الثلاجة ماهي للسيارة

كيف احد بيعرف اذا ماكان فيها تنسيم مثلا ؟ ودفع الهوا مافيه مشكلة


up 0 down 1
7amood1930 181
قبل سنه و 4 شهر



يعطيك خيره ويكفيك شره وان شاء الله ترفع الريّش فوق.


up 1 down 1
نوار الوذيناني 511
قبل سنه و 4 شهر



اذا الورشة ما عنده كمبيوتر يفحص فيه مهي ورشة ترى السيارات من ال٩٠ كل مشاكلها تطلع فالكمبيوتر 


up 0 down 1
مستنيرمستاء 27
قبل سنه و 4 شهر



قروب كامري لصيانة واعطال وبرمجه وبيع وشراء قطع الغيار واستقطاب ذوي الخبره لتواصل ارسل كلمة كامري على الوتساب واضيفك على طول0540377262


up 0 down 0
فيصل0565 -2
قبل سنه و 3 شهر