الكومبرسر يفصل اوريون

وعليكم السلام 

كيف تبريده تمام ؟؟؟

عموما شيك على حساس الكمبروسر 

حياك الله ابو حسين

ايه تبريده ممتاز جداً لكن الفصله هي الي تعيبه

انا مثلك المشكلة ذي ظهرت معي على ممشى 280الف كيلو كامري
2013 كشفت عليها كلهم قالو كمبرسور بسبب الحساس يبرد ويفصل بعد عشر دقايق
ولا يرجع يبرد الا اذا طفيته وشغلته بالرغم انه الفريون شد بلد مو ناقص وانا ماني مقتنع انه الخراب من الكمبروسر
شيكت على المراوح وعلى الكتاوت كلها سليمه افكر اليومين ذي افك الثلاجه حقت المكيف عند البيت واغسلها واشوف اذا زبط زبط واذا باقي نفس
المشكله معناته كمبروسر

المشكله انا عندي الثلاجه جديده مغيرها قبل ٦شهور تقريباً

صارت معنا ع كرولا
وغيرت حساس الكمبرسر وزبطت

طبعا صلحتها بالبحرين وجابه مستعمل عندنا ماتحصله يبيعونك كمبرسر كامل مستعمل
حتى لو في كمبرسر خربان وحساسه شغال مايبيعونك عشان يبيعون الكمبرسرات الي عندهم

انا بديت اعاني من هالمشكلة خصوصا في الزحمة او عند الإشارة
واذا مشيت الوضع تمام بس الفصلة نادرا تجي عن الوقفة
واغلب الكهربائيين جوابهم ان اصلا الحساس م يتغير لحاله ليش مدري
واحد اعرفه يقول حتى لو غيرت الحساس لحاله ما يزبط ولازم كمبروسر كامل
ياليت احصل فني مختص يعرف يغير الحساس

اخوي نيسان ، الحساس داخل الكمبرسر ، لازم ينفك 

وهو بسيط عليهم لكن مثل ماقلت لك مايبون يفكونه 

وحتى الوكيل يدري انالحساس يخرب ف ما يجيبه من ضمن قطع الغيار عشان تشتري جديد

والدليل ان في ناس تطلب الحساس من الخارج ويستبدلونه ويضبط 

ف انت حاولت تطلبه من بره ودور لك واحد يغيره لك 

ولاتنسى تنظيف الدورة كامله حقت التبريد

الاوريون كلتش مو كهرب ياعزيزي مثل الكامري

طيب كيف اشتري الحساس من برا حد يعرف من اي موقع

لا تشتري حساس ولا بطيخ ، هذي مشكلة كانت بمكيفات تويوتا وعالجوها شركة دينسو وصاروا ينزلون الكمبرسر بدون حساس ، تحصله بالحراج جديد قوله بس كمبرسر بدون حساس وتنتهي مشكلتك للأبد