أضف سؤال أو موضوع جديد          

تسلفت منه ثلاث الاف ووهقني

up 2 down 1
ثامـر 211 156
قبل 5 شهر



السلام عليكم باختصار ياخوان تسلفت من راعي مكتب مبلغ ٣ الاف ريال 
والاتفاق كان كتالي 
اني باخذ من عنده ٥٠٠٠ الاف ويال بستقطاع ولاكن 
اخذت ٣ مقدم وبعد الاستقطاع الباقي والفايده ٩ الاف
وبعدها رحت البنك معي ورقة المكتب حقت الاستقطاع ورفضها البنك 
وكلمة راعي المكتب وقلت اجل مادام رفضها بسددك الشهر ذا ١٥٠٠ وبعدها ٢٥٠٠ 
واكون كذا اعطيتك حقك وفايده 
رفض قال حقي كامل 
وحولت له ١٥٠٠ وبعدها اشتكاني على طول ولي كم شهر مشاكل معاه 
ويقول الحين يطلبني ٧٥٠٠ والمصيبه اني وقعت كمبيالة على ٥ الاف الي متفقين عليها
مشتكيني بمبلغ الحين ٩ الاف
كيف اسوي معاه والحق مع مين 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وعليكم السلام
فلوس بلفلوس يعني وانت عارف انها حرام ؟



up 5 down 1
meshal alharbi 275
قبل 5 شهر



لاحول ولا قوة إلاّ بالله العلي العظيم

ربا وفي رمضان ..

ناس فقط تفكّر تسلك نفسها حلال حرام مايهمها ، حسبي الله ونعم الوكيل .




up 3 down 1
jakwar2004 383
قبل 5 شهر



المصيبة انه ربا صريح وهذه كبيرة من الكبائر المفروض أنك تتوب منها

المشكلة في الكل يوقع على العقد بحسن نية ولا يقرأ وبعدها يكتشف الشروط الي ضده

ما في قدامك إلا تسدده وتستغفر وتتوب


up 2 down 2
أبو عبادة 4789
قبل 5 شهر



ياشباب حتى البنوك كلها ربوية أي بنك يعطيك أي نوع من القروض وياخذ عليه نسبة سنوية هو ربا. وكل بنك يصير بطاقة فيزا وماستر هو يتعامل مع شركة ربوية وله نسبة احنا فاهمين ان البنك حلال والقرض من شخص لاخر حرام


up 3 down 9
dell2012 902
قبل 5 شهر



ياديل البنوك تبيعك سلعة وبينك وبينهم العقد اما سلعة رز أو حديد وخلافة

بخصوص موضوعك أبشرك الدولة راح توقف مكاتب تقسيط سوا والاقراض بكفيل
99 بالميه من المشاكل من تحت رأس هذي المكاتب الصغيرة
وراح يكون فيه أنظمة وقوانين صارمة من أجل الحصول على ترخيص تقسيط أي منتج
حتى شربك وأكلك وبنزينك وعدد عايلتك وفواتيرك كلها راح تحسب عليك وتنقص من قيمة القرض بحيث مافي أحد ياخذ قرض الإ يكون قادر على سداده

يعني مثلا سابقا يطلع 100 الف مع حساب الالتزامات
راح يحسبونك عدد عائلتك كم فرد وتجيب لهم فواتير كهرب وموية وتوقع مصروف البنزين وهل عندك سياره ملك أو لا وكل شي بالتفصيل
وإحتمال مايطلع لك إلا 70 ألف
و30 ألف طارت بسبب الأمور إلى ذكرتها لكم
لإن الناس تبلع قروض حتى لو عليها ديون وهذا الي سبب مشاكل


up 4 down 3



اخي انت دخلت في الربا وهو استغل
حاجتك واخذ اضعاف ما سلفك
قول له ما يجوز ....بيني وبينك الله
وانت عارف ان الربا اعظم ذنب
وفقك الله ....ويسر امرك


up 3 down 0
لا للغلاء 766
قبل 5 شهر



حياك
ماعليك منه 
تمام اذا هو اشتكى احضر الجلسه انتبه اهم شي تحضر
واذا حضرت عند الشيخ 
بلغة باالقصة
واذا هو انكر وتحجج باالكمبياله 
اطلب عليه الحلف يمين 
انه فعلا سلمك كامل المبلغ واذا حلف يمين امرك الى الله سدد
والله بيحاسبه باالدنيا قبل الااخرة
وحسبنا الله ونعم الوكيل


up 3 down 0
باترول 2020 2620
قبل 5 شهر



الله يعوضك وانااخوك مثل ماقالك باترول اتفق معه فى كلامه والحمدلله جت على كذا المبلغ موكبير مره حاول تتسلف اوتدبرها وخلها معك واحضر اذا حلف عطه فلوسه 
واذا كنت محول 1500 على حسابه فى البنك رح لبنكك واطلب كشف حساب فى الشهر الي حولت فيه وختمه من البنك وخذه معك 


up 2 down 0
fhody44 901
قبل 5 شهر



أبو كاظم مافي بيع ولا شراء. هذا مجرد تحايل لهم نسبة سنوية وشركة فيزا وماسنرد وغيرهم ما يبيعوا رز ولا حديد هذه فتاوي تحت الطاولة ولا احد يتجرأ يتكلم. واكثر البنوك يقولك الموظف ايه ربوية باعترافه طبعا مجرد معلومة مو مع او ضد فوائدهم هي موجودة في كل العالم, لكن للأسف اكثر الناس جهلة


up 5 down 5
dell2012 902
قبل 5 شهر



الجهل يقتل


up 2 down 1
dell2012 902
قبل 5 شهر



لو تلاحظ هالقذر .. باعك ربا ..بعض النوعيات هذي بس يبي يلهف مايهمه حلال او حرام
مافيهم مروره وولا شهامه ..هو ماصدق انك تطيح بالفخ كيف تبغاه يفكك....
على العموم الدوله ولله الحمد قفلت تجديد الرخصه لهم لانها عارفه وساختهم وقذارتهم ..وعارفه بعض الناس مدمن ديون ويروح لهم وينسجن ويبلش نفسه وعياله والدوله بمشاكله



up 1 down 1



الله يغنيك يا راعي الموضوع ويفتح لك باب خير من عنده. ويكفيك شر راعي المكتب المستغل


up 2 down 0
abukaled144 39
قبل 5 شهر



من رأيي خله يشتكي وخلها تروح للمحكمة والشيخ راح يسألك و يسأله
وقول للشيخ الموضوع بالتفصيل وصدقني راح ينصفك القضاء لأن العقد باطل من الأساس
برضه ودي تبلغ خصمك بأنك راح تذكر كل الموضوع للقاضي وهو يحكم وقوله كلنا غلطانين والشيخ بكيفه يحكم لي أو يحكم لك
وبعدين ماله حق يعطيك مبلغ وبعدين يقولك تاخذ الباقي بعد الاستقطاع!
هل يملك مؤسسة تجارية يستطيع من خلالها ممارسة التقسيط.؟
لأنه إذا ما يملك راح يتحاسب على فعله وبإمكانك تشتكيه لوزارة التجارة
الوكاد حاول تستغل جميع الفرص عشان يتأدب وأنت برضه غلطان اللي ترضى بعقد مشكوك فيه بنسبة كبيرة والله ييسر أمرك ويكفيك شر الحرام واللي فيه شبهة وسلامتك


up 3 down 1



ياديل بينك وبينهم عقد بمواصفات السلعة إن تلاعب فهم يتحملونهم يوم الحساب وإثمهم عليهم

ولا تتجرأ على الفتاوي ومن أفتى بها إلا بعد ماتوصل لدرجتهم في العلم يحق لك تنتقدهم


up 4 down 5



اول شي تأكد معة ترخيص تمويل ! اذا معه مكتب رسمي اشتكه عند مؤسسة النقد بالنصب والإحتيال


ثانيا وقعت معه عقد انه يسلمك 5000 وترجعها 9000 ------ يعني الـ9000 مشروطه لو سلمك الـ5000 !
وهو ماسلمك الا 3000 يعني الشرط ماتحقق

وفعلياً انت استلمت بس 3000 ورجعت منها 1500 ---- يعني الباقي له 1500 بس





ولو بيطالب بيطالب في محكمة التنفيذ بالسند لأمر يعني (( 5000 )) كيف بيسمحون له يطالب بـ 7500 بدون دليل


خذ العقد و اثبات الحوالة حقت 1500 ورح للمحكمة

وقل اخل بشرط تمويل المبلغ المتفق علية ولا سلمني الا جزء منه ... و بيت سوء النية واشتكى بغير حقه والحين اطلب تسليمة رأس ماله فقط






up 4 down 0
sarrar 129
قبل 5 شهر



اتقوا الله ولا تفتون بدون علم..

خله يشتكي ولا تتواصل معاه إذا حضرت للشيخ قله وش الي صار بدون زيادة او تحريف وربك يغفر لنا ولكم المال ضيع واعمى عيون الجميع


up 3 down 0
abosalmoh 3
قبل 5 شهر



والله الغلط منك .. توقع انك مستلم ٥٠٠٠ وانت م استلمت الا ٣٠٠٠ 

دامك موقع هذي مشكله عليكك لان او ماعنده ذمه بيجحدك ويعاملك بالاوراق وبتاكلها


up 0 down 0
مشاااووير 96
قبل 5 شهر



الي يقول اتقو الله ولا تفتون بغير علم

هل الربا موضوع خلافي بين العلماء؟؟

هل هو مكروه مثلاً؟؟

الربا كبيرة من الكبائر التي انتشرت واستحلها الكثيرين بدون حاجة وتسببت في مفاسد عظيمة

إذا المسلم ما تكلم في الكبائر فمتى يتكلم؟؟!!

ما قلنا أنه ما يشتكي أو يدافع عن نفسه لكن لازم يتوب من هذه الكبيرة


up 6 down 0
أبو عبادة 4789
قبل 5 شهر



صح لسانك يا بو عباده


up 1 down 0
m7md 33 1093
قبل 5 شهر



أبو كاظم الربا واضح وشركات مثل فيزا وغيرها قائمة على الربا وانا مو معترض ولا أتكلم عن الحكم الشرعي انا اتعامل مع فيزا وغيرها من سنين, واذا البنك يتعامل معاهم ويربح منهم فهو شريك بالربا. هذه نقطة. ثاني شيء أي بنك يعطيك سلفة وترجعها بفوائد هذا ربا سواء قرض بيت ,سيارة ,شخصي او تجاري. او اي سلعة تشتريها تقسيط والبنك يدفعها كاش يعتبر ربا. انتهينا
موضوع الفتواي كلها من تحت الطاولة والموضوع اكبر منهم, وبالنسبة لدرجة العلم مافي منهم عندة درجة علمية الدين مهو اسرار واكواد كل شئ واضح, ومئات الفتاوي كانت محرمة واصبحت حلال والعكس حسب مصلحة الدولة, رسوم الاراضي والغناء الحي, السينما, الضرائب, الاحتفال بالرؤساء الكفار, التأمين الاجباري كلها كانت حرام واصبحت حلال .بلا درجة علمية وكلام غير منطقي.


up 4 down 0
dell2012 902
قبل 4 شهر و 4 أسبوع