إجراءات الحادث

وعليكم السلام ،

الحمدلله على السلامه ، الاجراءات سهله : تاخذ تقرير نجم وتروح للتقديرات وبعدها بيومين راح تجيك رساله فيها رابط يعطيك تقرير التقدير وموجود فيه كل قطع الغيار المتضرره واسعارها.
تاخذ التقرير و تقرير نجم وصوره من رقم الايبان واستمارة السياره لشركة التامين .
١- في حالة ان الخطا كان صفر في تقرير نجم فالافضل انك تراجع شركة التامين الخاصه بالطرف اللي صدمك وخلال ١٥ يوم عمل راح يحولوا المبلغ على حسابك.
٢- في حالة كان انت المتسبب بالحادث وتامينك شامل فتراجع شركة التامين الخاصه بك وفي العاده راح يحولوك لورشه متعاقدين معها او الوكالة وراح تدفع مبلغ تحمل. طبعا حسب عقد التامين الخاص بك
٣- في حالة ان الطرف اللي صدمك مامعه تامين وكان هو المتسبب في الحادث وتامينك انت ضد الغير فتروح للمرور وتقدم المطالبه لهم وهم راح يتواصلوا معاه، اما اذا كان تامينك شامل : مايحتاج تراجع المرور بس تراجع شركتك وهما راح يصلحوا سياراتك حسب شروط الوثيقه. وشركتك هي راح تطالب الطرف المتسبب بقيمة الاصلاح . 

يعطيك العافية شرحك ممتاز