أضف سؤال أو موضوع جديد          

عندي مشكله في عزم ومساعدات الكورولا 2015

up 0 down 0
ابو سعود الحمود 7
قبل 3 أسبوع و يوم



السلام عليكم ورحمة الله وبركاته،

عندي كورولا ٢٠١٥ ال ٢٠٠٠ سي سي وماشيه تقريبا مائه وعشرة الاف كيلو، المهم قبل اسبوع وديتها لمحل تغيير الزيت، طبعا دايم اغير عندهم وطلبت منه يحط زيت العشره الالاف علبه تايوتا الزرقا.
بعدها شيك على زيت القير وقالي انصحك تغيره وقلت له غيره وحط لي زيت حق ٤٠ الف ، و سالته اذا غير فلتر الزيت قالي مايحتاج حاليا بس اذا وصلت ١٥٠ الف غيرهم كلهم.
وبعد تغيير الزيت قام ينظف المكينه بالهوا ولاحظت انه فتح العلبه اللي موجوده بالزاويه اليمنى ونفخها بالهوا .
بعد كذا طلعت من عندهم ورحت للبيت ثم بعد نص ساعه طلعت وشغلت السياره ووقفت عند بقاله ورجعت شغلت السياره ومشيت تقريبا ١٠٠ متر وطفت من حالها ثم رجعت اشتغلت بعد ١٠ دقايق.
ثم بعدها بيومين وانا طالع من الدوام شغلت السياره وبعد دقيقه طفت ثم بعد خمس دقتيق اشتغلت. والى الان ماعاد طفت فجاءه.
الشي الثاني عزم السياره احس صار ثقيل  مررره . وتغييرات القير صارت شوي بطيئه .
ثالثا وانا اغير الكفرات نبهني راعي البنشر ان فيه تسريب من قربة العكوس او المساعد اليمنى واليسرى الاماميه  .

فياليت اللي عنده خبره وتجربه يفيدنا ،سلامتكم . . 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


حياك
كيف تسمح له  زيت القير لزم يتغير مع الفلتر هذا مشاه عليك
لاكن اذا انت فاك الموتر وكاله سوي لها صيانه تغيير بواجي سيور فلتر الهواء
فلتر مكيف مساعدات صفاية البنزين 
ماء اديتر 
وباالتوفيق


up 0 down 0
باترول 2020 2551
قبل 3 أسبوع و يوم



وعليكم السلام

طيب يوم غيرت الزيت للقير هل غيرته او غيره البنشري نفس الزيت الموصى به بالكتالوج ولاركب من عنده


up 0 down 0
المنطق يقول 685
قبل 3 أسبوع و يوم



الحق نفسك وغير زيت القير بالوكالة


up 0 down 0
mfh2009 264
قبل 3 أسبوع و يوم



شكرا على ردودكم . . . 
للاسف خبرتي في الصيانه صفر ، واذكر لما كنت في امريكا ماكانوا يغيروا الزيت اغلب الوقت بس يزيدو عليه . وتقريبا مشيت بالسياره ٨٠ الف مايل ولاعمري واحهت مشاكل. 
وحيبت اسال عن الصندوق الموجود في زاويه الكبوت اليمنى ، علبه اذا فتحتها فيها حسااسات او شي زي كذا، هل تتوقعوا تتاثر اذا تنظفت بالهوا وفيه احد يعرف عنها اي شي ؟؟
وبخصوص التسريب اللي بقربة العكوس اليمنى واليسرى، ممكن احد يفيدنا . . 


up 0 down 0
ابو سعود الحمود 7
قبل 3 أسبوع و يوم



بخصوص اللي سال عن نوع زيت القير، البنشري نصحني بنوع علبته صفرا امريكي يمشيك ٤٠ الف كيلو . . 


up 0 down 0
ابو سعود الحمود 7
قبل 3 أسبوع و يوم



حتى لو القير فيه شيء المفروض ماتطفي. افتح نفس العلبة اللي فيها فلتر الهواء وشوف يمكن يكون فيها منشف ناسيها او مو مركب عدل. وبعدين تأكد من نوع الزيت ولو عندك عيار شوف مستواه


up 0 down 0
dell2012 884
قبل 3 أسبوع و يوم



تطفي و ترجع تشتغل احتمال من حساس الكرنك.


up 0 down 0
amer ahmed 436
قبل 3 أسبوع و يوم



انا ما اعتقد ان تغيير زيت القير هو السبب ان السياره تطفى فجاءه ، اشك اكثر انه بسبب الصندوق اللي تكلمت عنه. والسياره ماطفت الا مرتين فقط.
بخصوص تغيير القير فانا بعد ماغيرته بديت احس ان عزم السياره صار ثقيل، يعني دعسة البنزين صارت اثقل  من اول + بطء في تغير النمرات .
وطبعا شكيت انه ممكن يكون فيه زيادة في استهلاك البنزين لكن مالاحظت شي وكمان شيكت على عداد استهلاك البنزين في الطبلون ولا طلع ان فيه تغيير، نسبة الاستهلاك ١٢.٩ كيلو لكل لتر. تانكي الكورولا  حجمه ٥٥ لتر.
والاخ اللي اقترح حساس الكرنك، ممكن اعرف وين مكانه ؟ وبانتظار اراء ملاك السياره واهل الخبره.


up 0 down 0
ابو سعود الحمود 7
قبل 3 أسبوع



هلابك يالغالي
القربه الي فتحها اذا هي قربة فلتر الهواء تأكد منه لايكون
دخل الغبار الى بوابة الهواء ( الثروتل ) وهي دايم تسبب هذي المشاكل
وزيت القير المفروض تشتري انت الزيت المخصص لموديل وحجم المحرك
من الوكاله فقط تعطيهم استمارة السيارة ويعطونك الزيت المناسب للقير يعني انت الحين ضروري تنزل زيت القير بالكامل
قبل مايخرب عليك القير والافضل تغيره بالوكاله بالكامل



up 1 down 0
سبحان الله 7787 232
قبل 3 أسبوع



انا الي انصحك فيه الان تاخذ زيت قير وفلتر اصلي من الوكاله او قطع الغيار وتغير الزيت عند بترونين اوي اي مركز معتمد قبل يروح عليك القير وبالنسبه ان السياره تطفي مالها دخل بزيت قير او مكينه وكنت بقولك بوابة الهواء لاكن الاحتمال ضعيف بحكم الممشى وماعندك تفتفه مشكلتك حساس شغاله لمبة المكينه عندك بالطبلون؟
اذا لا شيك على اصابع البطاريه يمكن فيه واحد منهم مرتخي


up 1 down 0
omar.alrshidi 19
قبل 3 أسبوع