أضف سؤال أو موضوع جديد          

جيب ربع فيه مشكلة

up 2 down 0



السلام عليكم ـ مساءكم الله بالخير اخواني "
ابي مشورتكم ـ لاهنتم مالي خبره بالسيارات ولا اعرف احد خبير ـ قدر الله ودخلت اليوم ـ لقيت ربع 16 حاده راعيه ب 82 وشريته "

قالي ـ اشرط بديه ـ واشرط مكينته يوم فحصته ـ طلع فيه دفرنس مفكوك ماعدا ذالك الامور كلها سليمهَ " + السعودي الي فاحص عنده فحص شامل قالي اتكل على الله واخذ الموتر
وراعيـــــه يقولي انه كان بيازنه فاقالو له الورشه نفكه ونشوف اذا يحتاج قطع ـ او تبديل شيء تشييك عادي يعنيَ ف ما ادري للحين الموتر ما اخذو مني الا عربون بس "
والموتر موقف بمعرض ولا اخذو حتى اي بيانات لان راعي الجيب ازعجني يبي لوحة موتره مميزهَ وبيعطيني لوحه بدالها " ف وش نصيحتكم بارك الله فيكمَ بخصوص الدفرنس " وكيف اتأكد من كلامه انه مابدل اي قطع وانه مجرد تشييك ووزن







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موديل 2016 وفيه مشكلة في الدفرنش

إذا ما كان عيب مصنعي فاستخدام الرجال ما هو طبيعي ويمكن كارف الموتر

انتبه وافحص زين قبل ما تشتري


up 3 down 0



حياك
تبي النصيحة الله يعوضك عن العربون
واشوف سعره غالي
الوكاد انفذ بجلدك
وسلامتك


up 2 down 0



يرجال مديل ١٦ شاص خليجى ماشى ٧٠ بايعه انا ب٨٦٥٠٠ مافيه دقه الشاكوش
نصيحه رجعه ولا عليك منه كلامه غير صحيح شرط لك السياره واخرتها مفكوك الدفرنس اتكل علا الله ورجعه


up 3 down 0



وعليكم السلام والله رأيي من رأي الشباب

لكن سؤال هل محل الفحص اللي رحت له صاحب السيارة دلك عليه؟؟ اذا نعم احذر ماحطه بذمتي ولاتهم احد
لكن الافضل عشان الواحد
مايكون ضحية نصب مايروح لمكان يقولك عليه صاحب السلعه


up 1 down 0



الدفرنس مايحتاج وزن لانة ثابت. لكن واضح انة مغير ومايخرب الدفرنس الا رد النمرة القوية والتفحيط وابعد عنة وعربونك يرجع لانك اتفقت معة ان الجيب مشروط. وطلع دفرنسة مفكوك


up 1 down 0



مافك الدفرنس الا حاجتين اما كارونه او تعديل ميلان الدفرنس
وهذي اشوفها منتشره بالربع والشاص


up 0 down 0
فور جي 67
قبل شهر



اذا كان مافيه الا الدفرنس الي قدام فلو تغيره كامل مافيه مشكله كبيره


up 0 down 0
فور جي 67
قبل شهر



الدفرنس الخلفي ـ طال عمركَ حق الربع ـ هو مثل ما قلت على كلامه انه ميلانَ ـ بس "
والله اعلم ـ " حبيت استفسر لان المبلغ موب شيء بسيط ـ يروح عربون ولا اتخسر قيمة كامله واجلس اتحسر طول عمري عليه "


up 0 down 0



الي دايم اشوفه الدفرنس الامامي يتعرض لمشاكل الميلان
لكن دامه دفرنس بس وماتأثر القير فالدفرنس ماهو غالي والتشاليح
مليانه موديلات جديده وهذا حاليا مافيه مشكله
انا شخصيآ اشوف الدفرنس ماهو مشكله مثل المكينه او القير او الشاص



up 0 down 0
فور جي 67
قبل شهر



لاكن انت شاريه ٨٢ هل هو فل كامل هل ممشاه قليل


up 0 down 0
فور جي 67
قبل شهر



16 ومفكوك دفرنسه 
ما اعتقد انه مستخدم استخدام عادل وراكد ولا كان مافك الدفرنس وافهم يافهيم 


اول شيء شكرا لكل شخص جاوب وساعدني 2 - استخرت الله وكلمة الرجال قلت له العربون حلالك ماكتب الله لنا نصيب واصر انه يرجع العربون لي وفعلا رجعه
وامس شريت موتر اخوه فل كامل الدفعه الثانيه 16 ذاك كان الدفعه الاولى " شريته ب 84 ممشاه 112 فرق الفين عن الي قبله ـ بالقصيم هاذي اسعارهن "
شكرا شكرا لكم جميعا


up 0 down 0