أضف سؤال أو موضوع جديد          

مشكله بكامري 2010

up 0 down 0
bssam13 251
قبل شهر و أسبوع



السلام عليكم ورحمه الله وبركاته
مسيتم بالخير
يا شباب عندي مشكلتين بالكامري 2010
وانا واقف عداد الهوا(ار بي ام) يوصل لقريب الخط لقبل الصفر ويرجع للواحد طبعا تحصل اذا اشتغلت المراوح .غيرت صفايه البزين وجلست يومين ورجعت مثل اول واخس ولا زالت المشكله
والمشكله الثانيه وهي اذا اني جاي من خط ماشي 130 او 120 و اوقف عداد الهوا ال ار بي ام يرتفع ل رقم ال2 كأني داعس بنزين
تقعد لمده من 5 الى 8 ثواني وتنزل تدريجين لطبيعي تحت الواحد
والمشكله ذي ما حصلت لها حل نظفت البوابه غيرت البواجي غيرت لزوجه الزيت غيرت نوعيه الزيت غيرت الفلتر غيرت بلف التبخير ولا زالت المشكله
اتمنى تفيدوني
ويعطيكم العافيه







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شيك على حساس الدعسه نظفه وان شاءالله تضبط 


up 1 down 0
fhody44 578
قبل شهر



وعليكم السلام 

شيك على حساس القربة( الهواء) وايضا حساس الايدل يكون راكب فالبوابة نظفهم كلهم 

وايضا مافي مانع تفحص ضغط طرمبة البنزين عشان تتأكد انها سليمه وتضخ بنزين بكمية مناسبة 


نظف الحساسات اولا بعدها شف امر الطرمبة





تحتاج برمجه فقط شكلك  مغير بطاريه ولا فاصل الاصبع


up 1 down 0
سمرمد 213
قبل شهر



هذي المشكلة معروفه بالكامري
واذكرت لعبت في لعب...مافيه شي الا سويته

واخر شي وديتها ميكانيكي تركي ومدري وش سوا قال خلها وتعال الليل
لكن اذكر قالي حساس..وسوا توليف

الزبدة المشكلة من حساس الدعسة او الهواء واحد منهم


up 1 down 0
salih-m 373
قبل شهر



اتوقع المشكله بالكهربه دام انها مع المراوح 

احتمال البطاريه ضعيفه 
او تحتاج برمجه مثل ماقال سمرمد

جرب افصل السالب ١٠ دقايق كذا
وبعدها افتح السلف لين تطلع اللمبات حق الطبلون بدون ماتشغل لمدة ١٠ ثواني
وسكره 
وكررها مرتين زياده 
وان شاء الله تضبط معك
وبالتوفيق


up 1 down 0
m7md 33 891
قبل شهر



اول شي تسويه افصل البطارية وارجع اشبكها وحط المفتاح بالسوتش وخله على آخر دقة قبل التشغيل مدة دقيقتين

بعدها اسحب المفتاح ورجعه وشغل السيارة بكذا تتبرمج ، اذا ماراحت المشكلة شيك على الدينمو والبطارية ممكن يكون فيهن ضعف


up 1 down 0
0abo_waleed0 116
قبل شهر



إذا انك فاك بلف الحراره رجعه


up 1 down 1



ممكن كويل وشف الفحص


up 1 down 0
im going9090 1
قبل شهر



يا شباب بيض الله وجيهكم
مشكله التفتفه اللي مع تشغيل المراوح طلعت من الكويل وغيره الحمد لله راحت المشكله
ولكن مشكله ارتفاع ضعط الهوا وانا جاي من خط
ما حصلت لها حل
جربت كل اللي قلتولي عليه ولا انحلت المشكله


up 1 down 0
bssam13 251
قبل شهر