أضف سؤال أو موضوع جديد          

هل الافضل تغيير القير والمكينه او شراء سياره جديده

up 1 down 0
mood1230 3
قبل شهر و أسبوع



السلام عليكم

عندي كورلا 2005 توماتيك1.8 ماشيه 350 الف تقريبا السياره تحتاج مكينه جديده او توضيب مع القير برضه

وتحتاج شغلات كثيير مثل الكفرات الاديتر تهريب زيت الدركسون والفرامل وفحص الاذرعه المقصلات والشغل من تحت

حسبتها تكلف تقريبا 8-10 الف

او اجمع واشتري صني 2015-2016 اسعارها بحدود 20-23 الف

رايكم ؟ وهل تغير المكينه يتغير معاها الضفيره والكويلات والبخاخات وكذا ولا لا ؟

ومشكورين








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


بيعها على حالتها وخذ لك سيارة ثانية

الكورولا بتكلفك ولو بعت ما رح تجيب قيمة تصليحها


up 1 down 0
أبو عبادة 4591
قبل شهر و أسبوع



الموتر انتهى زمانه وب ٢٣ تاخذ لك اكثر من خيار موديل جديد واحسن لك وانظف لك 

عندك الصني عندك الريو ٢٠١٧ بتلقاها بحدودك كثير


up 3 down 1
a.ibrahem 3239
قبل شهر و أسبوع



خذها قاعدة، السيارة من يوم تفتح فمها للورش ماتسكره.

موترك كفى و وفى ماشاءالله ١٥ سنة خدمة
بيتعبك تصليحات و وقت و وجهد.

و اذا صملت و ظبطته ماراح يخدم معك الا خمس سنوات و حولها
بحكم الموديل وتظطر تدور موتر غيره وتقول ياليتني من اول دورت.

النصيحة انك تمشي عليه الين تجمع المبلغ ٢٠ الين ٢٥ الف وتاخذ 
صني او يارس او اكسنت موديل حديث ٢٠١٤ و وفوق ممشاها معقول و وضعها مقبول
وتريحك من هم الصيانات المكلفة و والورش ١٠ سنوات


up 3 down 3
معرض المئوية 200
قبل شهر و أسبوع



مادام كل شي فيها منتهي ويحتاج تغيير الافضل تبيعها وتاخذ موتر بدلها 


بالنسبة للظفيرة لا ماتتغير الا اذا كانت تعبانه ،،، واغلب المكاين البخاخات والكويلات راكبة فيها


up 2 down 0
ابو حسين.......... 967
قبل شهر و أسبوع



على هالممشى كفت و وفت ما قصرت
ودعها و بيعها على حالتها او تشليح
مدري عادي كم تجيب لك و الله يعوضك باللي افضل منها


up 1 down 3
1405-1985 1080
قبل شهر و أسبوع



سوي صيانه كامله وغير المكينه والقير مستورد دخلها ورشه سمكره 

وبعدها انفض العظلات بتمشيك 10 سنوات 


لو بتصلحه عند ورشه كويسه يمكن يمشيك خمس سنين قدام
ادا انت مليت وتبي تجدد جمع فلوسك وسياره بيعها


up 2 down 0
ايدج14 47
قبل شهر



لو واحد من الثنتين بشور عليك صلح لكن مكينة وقير انصحك تبيعها وجمع فلوسك وخذ جديد اصفار لو صيني  واصغر سيارة وتعبر لك كم سنة الين يرزقك الله وتشتري اللي نفسك فيه .


up 0 down 0



والله اذا بدي بلد وداخلي بلد 
صلح موترك وبيخدم معك 
واذا بدي مرشرش وودكوراته متكسره على التشليح واشتر غيره 
هاذي وجهت نظري 


المحرك والقير اذا بتاخذها وارد يابان بتطلع رخيصة ونظيفة (ارخص من التوضيب) والمقصات والجلد غيرهاب نوعية ياباني او اصلي حسب الميزانية وكل الشغلات ماتكلف والكورلا الموديلات هذي خدومة 


up 0 down 0
stecker_gm 176
قبل شهر



حط في بالك لو صرفت عليها ونزلتها المعارض ما راح تجيب لك شي يعني لا تقول انا صرفت بيجيك واحد
ويسومها سوم الي مصدومه ومخبطه هذا ربعنا دايم يبخسون
عشان كذا الاحسن بعها علي وضعها واشتر اخري احسن لك