متى اغير زيت القير كامري 2018 ؟

تغيره على ٨٠ الف

والوكالة يشرطون انك اذا بتغير على ضمانهم لازم الممشى مايتعدى ٨٥الف

غيرت عندهم قبل فترة زيت قير يارس ٢٠١٧ سي في تي ماطلبوا قطع غيار
عاد مدري الكامري قيرها كلتشات ممكن يتغير فلتر القير ووجه الكارتير
المهم سحبوا الزيت القديم وبدلوه بجديد والممشى كان ٨٣الف وعليها 
كلف ٢٥٥ريال والسيارة بقيت عندهم ثلاث ساعات
ويوم استلمت السيارة سألت المهندس، كم اسرع عليها الى مايتعود القير على الزيت؟
قال عادي سوق سواقتك العادية!
قلت عادي اسرع عليها قال عادي
ومشيت عليها وصلتها ١٦٠ ولا صار فيها شي 
واللحين ممشاها في التسعينات وماشية زي العسل

طبعاً محاكيك سوا الصيانة وعنده المعلومات هاذي من تويوتا فرع عنيزة 

نصيحه لا تغير في بترومين

الاخ معرض ما قصر كفا ووفا عطاك الزبدة
الله يجزاه خير
نفس الكلام الي كنت باقوله
وسعر ممتاز ووقت قياسي
شكل وكالة تويوتا تعدلت

اول تغيير الافضل في الوكالة و خذ منهم التفاصيل كلها و احتفظ بالفاتورة ضمان و مقارنة مع شغل غيرهم

زيت القير نصيحة لا تغيره إلا بالوكالة .

معليش انا غيرت زيت القير حق كامري ٢٠١٨LEيقولون مله فلتر قير وانا قيرها سفتي هل هذ صحيح  

زيت قير كامري ٢٠١٨ لا يوجد فلتر زيت فقط توي مغير الان على ممشى ١٢٦ الف شاريها مستعمل وطلع الزيت الاول منتهي الله يستر