أضف سؤال أو موضوع جديد          

اسوء اشخاص في حراج

up 20 down 10
الzراني 78
قبل سنه و 2 شهر



بسم الله الرحمن الرحيم وصلاة وسلام على سيدنا محمد واله وصحبه اجمعين
.
.
.
السلام عليكم ورحمة وبركاته
اليوم ي اخوان جمعت لكم اسوء اشخاص او عينات في حراج ( بدون ترتيب)
مقدمه :
موقع حراج معروف عند الكثير لدي الشعب السعودي وايضا صار يدعم دول دول الخليج اخرى للي يبغون يشترون منها او يستوردون
واشهر موقع خليجي او اعتقد عربي لبيع السيارات والشواحن والاجهزه الذكيه وغيرها , لكن مع تطورالزمن و
اطفال المتوسطه ومبزرة النكت والملعنه وغيرها , شوهت الموقع بالكامل حتي الحكومه اغلقت ذا الموقع بسبب واحد
يبيع حشيش وحقين حراج القدامى يتذكرونها السالفه وايضا القتله في حراج ايضا كان صدمه كمستخديمن ف الموقع ,
وبيع اشياء 18+ والفاحشه والعياذ بالله ماني ذاكرها علشان ما كسب ذنبكم ...


والان مع اسوء عينات في حراج


1-السامج الي يبي يثير الرائي العام من القمامه (اكرمكم الله)
:
هذي العينه كنت معها لكن الحمدلله ابتعدت عنها وعرفتها
هي الي ينشر صور سياره مافي لها من الوجود او اي شيء سامج عشان يثير المستخدمين علشان يكمل نقصه او
عنده خلل ف المخ
مثال ( بيع لكزس ربع ) او (كامري 2006 مرهم لـ2019)
والاشياء الي غير السيارات زي ( بيع زنوبه معايا لمدة 10 سنوات ) او ( بيع نمله فل كامل )

2-الاشخاص الي تتمني تجلد الي نجحه في اللغه العربيه
:
هذي النوعيه تشفق عليها جداً وتنصدم ان عمره صاك فوق الـ18 سنه ولا فوووووق 30 !!!!!!! ولابعد لو تسأله عن السياره والله تلقي طلاسم بكل انواعها
اعووووووووووذبالله قسم بالله اني تناقشت مع ذي النوعيه قسم بالله انه سببت لي الرجه براسي وبغى لساني يصير متشابك زي الاسلاك من قوة الاغلاط
الاملائيه

3- الاعلان ذو المعلومات القليله جداً
:
هذي النوعيه مدري وش تحس فيه كانه يحسب الناس تعرف كل معلومات سيارته ولا الي مسوي الاعلان زي العينه الاولى
مثــال :
(للبيع كابرس 2003 ماشي 33 الف كيلو) او ( فورد ماركيز 2009 شرط )
ولا بعد يقهرك يحط لك صوره واحده ولا بدون داخليه ولا بدون صور ولا شيء مريح راسه ع اخر شيء

4- راجع اعلاني السابق
:
معلومه ع سريع ، العاده مستخدمين حراج يجتمعون ع اي اعلان توه بادي
الا ذولا الاشخاص هداهم الله يبغون الاعلان ينتشر بأي طريقه ومالقو الا ذي الطريقه الفاشله , ويعودون الاعلان اكثر من 5 مرات يحسب الموقع مهجور ولا هو داري ان الموقع يضم اكثر من مليون
حساب

5-الحسابات الوهميه ( مهم جدااااااااااا ولازم تقرونه )
في الاونه الاخيره انتشرت الحسابات الوهميه الي تطلب المساعده ويخدعوك ع اساس انهم حالهم اسوء من الدول الفقيره
طبعا هذي ليست الاول مره بل هناك مواقع كثيره تعاني من هذي المشكله مثل صالة الشعب السعودي ( تويتر ) وايضا الانستقرام
اما الحسابات الوهميه ف حراج فهي العن واخطر من الحسابات الوهميه التويتريه والانستقراميه
وحسابات الوهميه في حراج تنقسم نوعان
1-الي يبغي اغراض ومحتاج ويحلف ان اهله متوفين وماعنده الا 5 اولاد وبنات (عاد ي اخوان هذولا العن واخطر ولازم نحذرهم )
2-الي يزعجك بسالفة الاستثمار والهوامير ويسدح رقمه وايميله ولا يزعجك ب اشياء خطيره ويقولك تخفف الدهون يزيد الحيوانات المنويه وووووووووو ( عاد هذي سهله من اول نظره تعرف انهم كذااااااااااااااابين )


6-السعر عند الاتصال
:
اعلانات المعارض دائما كمستخدمين نسمعها وتقهر مره ما يحطون قيمة السيارة كأن السعر سر قومي ما ادري ويش الفايدة من اخفاء السعر
هل هو اذ وضع السعر تقوم القيامه بسبب حديد ابو 4 كفرات .؟؟؟


7-المعلنين للي سيارته تسوى 3 الاف ويبي فيها 11 الف
:
هذولا المعلنين يحسبون ان سياراتهم تحفه فنيه نادره جدا ،،، ويزعل ادا قلنا له اقل

كل واحد ينزل سياره او جهاز يذكر السعر ، وخلصنا والجاد بنراعيه ، أما نقعد كم حدك كم مسويم ،،، ونتصل مايرد او السياره انسامت من 5 سنوات ويبي سعر نفسه هالشهر !! مايصير يارجال
او يحط سومه من راسه ويقول وصل السوم بالجوال هالمبلغ ,, ويجون شباب متوسط ربعه يزيدون المبلغ عشان خويهم يضبطهم بمندي
منقول من ايدج14

8-ابوعضويتين
مصيبة كارثيه ونصبيه
وجد احد الاشخاص شخص عنده عضويتين وكان محرج على حاجه نسيت وش هي ويدخل يحط سومه عالية من العضوية الثانية عشان الناس تزايد فوقها
وياليت تنتبهو من ذي العضويات النصابه الخبيثه وياليت تاخذون حذركم بس
منقووووووووووووول من ابوحسين

9- اللي موتره مخزن الناس تسوم تسوم وهو جاحد الاعلان
:
الي مافهم
مثلا السوم يوصل ٣٠ قريبين من اللي يسواه يجيك بشطحة اليوم السوم وصل ٥٠ على الجوال والحد ٥٥ وهو ماصدق مسيلمه الكذاب هههههههههههههههههههههههه
منقووووووول من benz lover


10-اخر شيء مبيوعه !
:
الأسمج لما تدخل اعلان وتقرأ المواصفات وتدقق في الصور وتقرأ السومات في الردود وآخر شيء تكتشف أن السيارة مبيوعة من شهر والأخ ما كلف نفسه يلغي الإعلان
يعني مريح للأخر شيء وفي شخص الله يستر عليه لست ذاكر للاسمه الا يبيع سيارات لواحد من الامراء مخزنات ومايكلف اي شيء اكيد تعرفونه (:

منقوووووووول من ابوعباده







واسف ع الاطاله والي عنده شيء نسيته لاهنت يقولي وارائكم يهمني
واتمني اني اصبت وسلام عليكم ورحمة الله وبركاته ...







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الاشخاص السيئين ممكن تصادفهم في كل مكان سواء موقع انترنت او حتى في أي مكان آخر . وموقع حراج بحكم انه يضم عدد كبير من المستخدمين شي طبيعي وجود مثلهم لكن الاهم وجود الخيرين وهم فعلا المكسب


up 4 down 0
abofarah 1078
قبل سنه و 2 شهر



ههههههههه،، موضوع ممتاز لاكن اهم شينسيت الي يخرب بيعات
خلق الله واللي يبخس


up 7 down 1
محمد الوايلي 711 194
قبل سنه و 2 شهر



محمد الوايلي وabofarah
كلكم كلامكم صحيح (:


up 6 down 1
الzراني 78
قبل سنه و 2 شهر



بالاضافه الى بعض العينات
ينزل اعلان بدون معلومات كافيه ولا يرد على الأسئلة بالردود

او اللي يجيك منزل اعلان تسأله عن السلعة يرد يقول انا مجرد معلن تواصل مع الرقم؟؟؟


ايضا اللي يجيك يغرض سلعته عشان يشوف كم تجيب بالسوق وماعنده نيه يبيع اصلا بس يضيع وقتنا عالفاضي


up 4 down 1
abo9aly7 504
قبل سنه و 2 شهر



اعلانات المعارض ما يحطون قيمة السيارة ويقولك السعر عند الاتصال كأن السعر سر قومي ما ادري ويش الفايدة من اخفاء السعر 


up 12 down 0
ادميرال2002 227
قبل سنه و 2 شهر



المعلنين للي سيارته تسوى 8 الاف ويبي فيها 20 الف ،، يعني تحفه فنيه نادره جدا ،،، ويزعل ادا قلنا له اقل

كل واحد ينزل سياره او جهاز يدكر السعر ، وخلصنا والجاد بنراعيه ، أما نقعد كم حدك كم مسويم ،،، ونتصل مايرد او السياره انسامت من ست سنين ويبي سعر نفسه هالشهر !! مايصير يارجل
او يحط سومه من راسه ويقول وصل السوم بالجوال هالمبلغ ,, ويجون شباب متوسط ربعه يزيدون المبلغ عشان خويهم يضبطهم بمندي


up 8 down 1
ايدج14 -7
قبل سنه و 2 شهر



بارك الله فيك

واسمج شي المعارض يقولك اقل سعر عند الاتصال !


up 4 down 0
hmhs1987 180
قبل سنه و 2 شهر



الموقع هو السبب ويبغى يتربح بالسريع
ودائما يقف مع البائع عشان العمولة
عشان كذا يسمح للمعلن اخفاء السعر وزودوها شريطية الموقع
عدم اعلانهم السعر ويمكن يقيمون انفسهم في اعلاناتهم على انهم ثقة
وعندي مبدأ اعلان سلعة مافيها سعر اعلان ساذج ومضيعة وقت
والموقع يدعمهم بقوة بهذا الاتجاه


up 5 down 0
ابو عبدالله احمد 3475
قبل سنه و 2 شهر



الأسمج منهم لما تدخل اعلان وتقرأ المواصفات وتدقق في الصور وتقرأ السومات في الردود وآخر شيء تكتشف أن السيارة مبيوعة من شهر والأخ ما كلف نفسه يلغي الإعلان


up 4 down 0
أبو عبادة 4843
قبل سنه و 2 شهر



وفيه اللي ينزل اعلانه ويحد الموتر بدبل سعره وبآخر الاعلان يكتب جملة التهديد المشهورة
( اذا ماجاب حقه مكانه محفوظ بالبايكة)
وكأن مافي السوق الا هالسيارة


up 4 down 1
سعيد علي محيا 2
قبل سنه و 2 شهر



الله يجزاك خير على الطرح الجميل 
وفعلاً بعض الاعلانات مستفزه ، لدرجة ان الواحد صار يكرهيتصفح الموقع الا لحاجه ..


up 4 down 0
m7md 33 1148
قبل سنه و 2 شهر



في مصيبة ثانية وجدت شخص عنده عضويتين وكان محرج على حاجه نسيت وش هي ويدخل يحط سومه عالية من العضوية الثانية عشان الناس تزايد فوقها 


up 2 down 0
ابو حسين.......... 1024
قبل سنه و 2 شهر



المفترض من الموقع تحديد مدة الاعلان بفترة زمنية محددة كأسبوع فقط 
وبعد كذا ينحذف الاعلان تلقائي 
عشان نسلم من اللي يقول راجع إعلاني السابق وهو مسوي 20 إعلان 19 منها كلها راجع اعلاني السابق  


up 4 down 0
hussain4 852
قبل سنه و 2 شهر



أضف لهم اللي يقولك بالإعلان :
السيارة مخزنة , ماشية 130 ألف كيلو.


up 4 down 5
أبو عمر العنزي 11
قبل سنه و 2 شهر



اووووووه ،، وازيد على كلامك اللي يكتب مشكلة حصلت ف سيارته ومايكتب نوع السيارة على اساس ان اللي بيقرا المشكلة بيعرف السيارة ،،،، اما عن الاغلاط الاملائية هنا تتأكد ان اللغة العربية تحتضر 


up 2 down 2
zax_makkah 248
قبل سنه و 2 شهر



ولا اللي موتره مخزن الناس تسوم تسوم وهو جاحد الاعلان مثلا السوم يوصل ٣٠ قريبين من اللي يسواه يجيك بشطحة اليوم السوم وصل ٥٠ على الجوال والحد ٥٥ وهو ماصدق 


up 6 down 4
benz lover -76
قبل سنه و 2 شهر



الله يعطيكم ملييييييييااااااااااار العافيه ي اخخخوان
م قصرتم ولازم ناخذ الحذر من ذولا العينات


up 4 down 1
الzراني 78
قبل سنه و 2 شهر



انا ماقاهرني الا الللي يقولون سددو عنا الكهرب ولا نبي حليب الناس يادوب تمشي امورها وكلهم اجانب نصابين 


up 1 down 7
راكان443 136
قبل سنه و 2 شهر



والله العظم كلام منطقي جدآ
وفعلآ هذا الي حاصل في موقع حراج
الله المستعان


up 1 down 0
adli3030 61
قبل سنه و 2 شهر



المصيبة ان بعض المعارض يكتب عرض خاص او سعر خاص ولا يكتب السعر ؟؟ ويذيل الاعلان بعبارة السعر عند الاتصال
والمتعارف عليه ان العرض الخاص او السعر الخاص لازم يدون السعر في الاعلان
وللعلم ان اغلب المعارض من يضع الاعلان هم المصارية اللي شغالين في المعرض


up 0 down 0
aaaammmm 124
قبل سنه و 2 شهر