تجربه برمجه صرفيه للمحرك

عليكم السلام
احرص على المبرمج اهم من البرمجه

حافظ عليها بحالة بلدها

الي صنع السياره حط مليارات دراسه واختبارات عشان يقللو الصرفيه
والي عندك هاذا اخر نتيجه قدرو عليها لانه لو بيدهم سوه بالعكس مبيعات بتكثر وسمعتهم اقوى

والقهر يجيك سوري او يمني او سعودي كان من كان ويسرقك
100 او 200 او 500 ويقول لك ابرمج لك الصرفيه ومسوي فيها اذكى من صانعها
اقسم بالله في اشياء ترفع الضغط

يمكن اذا صار عطل والصرفيه زادت تشيك تشوف العطل

وعليكم السلام صعب الجواب وسالت كثير

فيه ناس تقول البنزين يجي بزياده وحنا نسوي برمجه بحيث يقل بالاستخدام العادي بدون ضرر واذا دعسست مثل الوكاله
مثل التاهو اليوكون ماسمعنا احد برمجه تقليل صرفيه لانه يجي صرفيته ممتازه ومابعدها برمجه هالكلام سامعه من مبرمج
والمهم مثل اول رد احرص على المبرمج ولاتجي اللي جديد على البرمجه

الاخttt35035 اللي صنع السيارات بشر ويخطي ويصيب وبعض الامور مايهتمون بمعالجتها عندك السييرا واليوكون والتاهو
اذا راعي طلوع جبال او بر ضرروووووووووي تركب مبرد قير رياضي ولا سلم على القير طيب ليش المصنع مانزل مبرد كبير
ليش المصنع يصنع سييرا للصحراء والاستعمال الشاق ووجهيته بالارض لازم ترفعه اذا راعي بر !

عندك نيسان من موديل 2010 الى 2016 الدفعه الاولى ينزل بدون مروحة مكيف والناس تشتكي من الحرارة بالوقوف الطويل
وناس ركبوا مراوح اضافيه وانحلت المشكله وناس تقول انتم افهم من المصنع بالدفعه الثانيه 2016 وفوق نزل المصنع مراوح
للمكيف طيب المصنع يعرف حرارة الجو عندنا وولهم تاريخ كبير بصناعة السيارات وماينتبهون للمشكله الا بعد سنوات!
وغيرها الكثير من العيوب في مختلف الشركات

الخلاصه ليس كل تعديل خطا بالعكس منها كثير تكون حلول لعيوب ومشاكل