أضف سؤال أو موضوع جديد          

تركيب تانكي اف جي اضافي

up 6 down 3
gayd alreem 17
قبل 5 سنه و 3 شهر



السلام عليكم ورحمة الله وبركاته
ابدأ بالموضوع باختصار 
انا توني شاري اف جي ٢٠١٢ فل كامل وكنت ابحث عن موتر فل كامل تانكيين 
حصلت باسعار غاليه وبالاخير اخذت موتر خويي طبعاً تانكي واحد ماهو عاجبني 
ورحت للتشاليح ابغي اشتري تناكيين وبالفعل اخذت تانكيين
+الوصله الي بين التانكي الاول والثاني اضافةً الي مواصير البانزين الي واصله الي الصفايه 
واضافة الي علبة التبخير لانها تفرق بين الاف جي ابو تانكي واحد وابو تانكيين 
اطريت اني اخرم للتانكي الخلفي عشان يثبتوه 
ولازم تشتري الظفيره كامله تجي من عند قاعدة الظفيره الاماميه مروراً من جنب مرتبة السائق الي 
السماعه الخلفيه لانها تجي معها سلك التانكي الخلفي
ممكن تسألني ليش اخذت الظفيره كامله لاني ابغي العداد حق البانزين يقرا التانكيين
المشكله الي واجهتني بعد ماركبت التوانك والظفيره ان الدفلوك مااشتغل واتضح لي ان الاغراض الي اشتريتها حقة اف جي رقم واحد
وانجبرت اني اشتري ظفيره حقة اف جي فل كامل تانكيين
والحمدلله انتهيت من التركيب  







إبلاغ إبلاغ



الردود


حبيت انقل المعلومه هذي عشان احد يستفيد منها
ملاحظه مواصير البانزين للموتر تانكي واحد تجي ثلاث مواصير 
والتانكيين تجي خمس مواصير تركيبها صعب لازم تفك مسامير البوي عشان يسهل التركيب


up 4 down 1
gayd alreem 17
قبل 5 سنه و 3 شهر



ماشاء الله . الله يعطيك العافيه على المجهود . ولكن سؤالي هل ركبت مفتاح
للتانكي الثاني خاص مثل البهباني ولا يكون مبرمج


up 1 down 0
aboahmed2014 1167
قبل 5 سنه و 3 شهر



الاف جي يجي بدون قسام يسحب من التوانك الاثنين وقراءة العداد وحده


up 1 down 1
gayd alreem 17
قبل 5 سنه و 3 شهر



ماشاء الله عليك 

بس بسألك كم كلفك الشغل كامل .؟ 
وكم الفرق لو انك شاري اف جي تانكيين ع طول ؟؟ 


up 0 down 0
m7md 33 1157
قبل 5 سنه و 3 شهر



شغله معقده و تعب و خساير !


up 2 down 1
مثقف سيارات 1154
قبل 5 سنه و 3 شهر



اخذت التنك باغراضه ب ٣٣٠٠
شغل اليد يفرق حسب العمال بس الورشه الي اشتغلت فيها حقة خويي 
للزبون العادي يمكن يشتغلوله ب ١٢٠٠


up 2 down 1
gayd alreem 17
قبل 5 سنه و 3 شهر



فية ورشه تجيب توانكي للاف جي والساكويا استرالي الصنع
ابحث بقوقل وتطلع لك


up 0 down 0
ابوحاتم6 469
قبل 5 سنه و 3 شهر



تسمح لي ولا تعتبرها تدخل في شؤونك انت حر بس ما تسوى عليك كل هالخساير يعني مركب تانكيين بتقطع الربع الخالي الى اليمن عشان تحتاجه 

بتقولي تانكيه صغير والموتر يصرف وكل يومين اعبي على راسي وعيني 

بس وش بيضرني اذا عبيت كل يومين ثلاثة ويبقى الموتر شد بلاده عطني فايده وحدة حقيقة بتستفيد منها بسكت 

يعني اول شي فككت وركبت وغيرت ظفاير لاقدر الله بكره يطلع لك شي بسبت هالتركيب 

ترى مافيه ازين من الموتر لما يكون على بلاده بدون لعب 

لكن مانقول الا الله يبارك لك في حلالك ويعطيك خيره ويعديك شره 

تحياتي 


up 2 down 2
a.ibrahem 3168
قبل 5 سنه و 3 شهر



انا ساكن في تبوك واحيانا اسافر الاردن ضروري والبنزين في الاردن غالي جدا
تفليلة الاف جي تانكي الصغير تكلفني فوق ٣٠٠ ريال


up 1 down 0
gayd alreem 17
قبل 5 سنه و 3 شهر



حلوه الفكره وانا هاليومين قاعد ادور بالصناعيه ادور احد فاهم الشغله سمعت ناس يؤكبون تانكي برادو خليجي إضافي قيمته 900 ريال فقط
وناس تركب تانكي استرالي من عند الرمايه ولكن سعره غالي جدا
موضوع حلو لكت بعض التفاصيل الصراحه مافهمت منها شيئ
مثل اركب تاكي إظافي ويكفي طريقة شخله هذي انا ماني فاهمه هل كل تانكي فيه عدته كامله ومستقل عن الاخر يعني الاظافي يكون مثل الاساسي فيه طرمبه وعوامه ولا تنشال من الاظافي ويكون كلهم على الاساسي وكيف الربط بينهم
ياليت لو كان الموضوع مدعوم بصور أو مقطع فديو عشان تكون الفكره واضحه أمامنا
وشكرا
تحياتي


up 0 down 0
wq99 4
قبل 5 سنه و 2 شهر



الي يبي يستفسر يراسلني خاص علي موقع حراج لاني قليل ادخل المنتدي


up 0 down 0
gayd alreem 17
قبل 5 سنه و شهر



محتاج رقمك بتواصل معك


up 0 down 0
naif.382 100
قبل 3 سنه و 9 شهر