هل أشتري سيارة مخزنة موديل 2017 ولا أشتري سيارة موديل 2018 ؟

أكيد فيه فروقات مثلا مادية وشكلية وممكن تقنية  وأيضا حسب رغبة المشتري وش يحب  وامكاناته المادية  البعض  تفرق معه الف او الفين ريال  والبعض يهمه الموديل يكون آخر موديل بغض النظر عن السعر ،،، انا شخصيا شريت سيارتي  الموديل القديم وقت طلوع الموديل الجديد لاني مااهتميت كثير بشكل السيارة وايضا وفرت يمكن خمسة الاف ريال ،،، لكن ترى التخزين له تأثير على السعر عند البيع وايضا على الكفرات وايضا على البودي وداخل السيارة اذا كانت في شمس  وأشياء كثيرة مثل الجلد والطبلون  خصوصا شمسنا حارة جدا وهم مايفتحون القزاز عشان الغبار فتحتر الغمارة كثير .

حسب السيارة اذا تغير شكلها بين الموديلين
حسب التخزين اذا تاركينها بالشمس سنتين ولا بمكان مظلل اذا بشمس انسى الموضوع
بصراحة فرق عشرة ممتاز تغير زيوت وكفرات عادية مو ممتازة ما تكلفك 2000-2500 لكن توقع اي شي مستقبلا ليات وربلات وسيور منتهيه من التخزين

بالنسبة لي أخذ ٢٠١٧ والفرق ماهو بسيط

ترى تخزين 2017 مايأثر

يعني اذا بتغير وقتها بس كفر والباقي اموره زينه

اهم شئ اذا الشكل مايهم تغير عن 2019 او لا توكل ع الله

اذا قصدك راف فور ما في اختلاف بين ١٧ و ١٨ ابد
امس شايف اعلان فل كامل ٢٠١٧ بسعر ١٨ استاندر
على الاقل ترتاح من شغل التركيب
جنوط و كشافات و شاشة موجودة و زنون وكالة
و ارخص سعر و لا يحتاج تغيير كفرات ان شاء الله
اهم على الوكالة علطول تغير الزيت مدري له فترة
او انت غيره اول حاجه تسويها لا تنتظر تمشي عليه خمس الاف

اذا على الكامري ال١٨ اكيد افضل شكل متغير وداخلية والزنون

اذا ٢٠١٧ اعمل حسابك كفراتك بتكون ١٦ يعني منتهية ويبيلك سيور وفلاتر جديدة ولكن صراحة ١٠٠٠٠ فرق يستاهل اذا كان نفس الشكل ماتغير شي

فعلا حسب التخزين

ما قصرتو يا شباب

انا كان قصدي على الراف فور ما فيه تغيير بالشكل بس خايف من جودة التخزين
ما تعرف كيف كانت وفيه بعض المواتر تجيك مليانه غبار في الماكينة وهذا الي خلاني اسئل
هل يضر الموتر الان انا ما يهمني الشكل اهم شئ السعر

شخصيا اشوف الفرق يستاهل تاخذ 2017

شرط

انه مثلا ما يكون فيه فروق مخفية مثلا ال 2018 فيه ايرباقات أكثر او حلو مشكلة الفرامل مثلا وغيروا الكاليبرات