من جرب فيزا بلاتينيه مرابحه الراجحي ؟

اذا سددت كامل المبلغ ما راح ياخذون عليك شي لكن اذا صدر كشف الحساب وما سددت كامل المبلغ الي عليك بيزيدون عليك ١٪؜ من المبلغ الباقي

هذة البطاقات باب فقر لاينتهي اذا لم تحسن استخدامها

الراجحي عنده نوعين من الفيزا .... وحده تخصم كل الرصيد إلي سحبته منها على نهاية الشهر من راتبك بنسبة 100%
والثانية اسمها مرابحة تخصم منك 5% من إلي سحبته منها من راتبك آخر الشهر وال95% المتبقية عليك منها يتربحون منك فيها 1%


مثال انا أعطاني البنك بطاقة فيها 10ألف
واستهلكتها كلها في اسبوع إيش الي راح يصير
نهاية الشهر
اذا بطاقة سداد كامل راح يخصمون كل إلي استهلكته من البطاقة من راتبك مباشرة وطبعا فائدة البنك تكمن في الرسوم السنوية ومن محلات الأسواق إلي تقبل فيزا كونك عميلهم يأخذون من التاجر 2.5% من اي عملية تقوم بها كونك من طرف بنكهم
وهذه فيها ميزة للي يعرف يتصرف معها يأخذ منها قدر الحاجة ويرجعه على طول اول ما يستلم الراتب كنها سلف . أما انه يصرف كل إلي فيها فراح يتوهق يسير راتبك مرهون بها ولا عاد تقدر تأخذ كاش إلا قليل و تسير مشتريات وتقعد على ذا الحال لين تسددها أما لو تعرف تتعامل معها فأظن ما عندك مشكلة تنفعك في الحجوزات والشراء على النت وقت الحاجة
وانا أنصح بالابتعاد عنها اذا كنت تجهل طريقتها .

النوع الثاني مرابحة يعطيك مبلغ وما يلزمك تسدد كله يقول لك اختار تدفع كامل وتستريح او ادفع 5%فقط والباقي ربحنا فيه 1% لمدة شهر .
يعني لو اخذت 10الف وقررت تسدد5%فقط اي 500ريال فراح يأخذ البنك منك 100ريال ربح على المبلغ الباقي9500 . شهريا

أعتذر لإني فصلت تفصيل طويل . واتمنى الصورة وضحت وان ما وضحت الشباب إلي في المنتدى ما يقصرون .

بطاقة نكبة لا تاخذها افضل شيء الشحن

انا مطلع فيزه اسمها (تسوق) من بنك الراجحي , جدا مناسبه للحجوزات والمشتريات من المواقع والتطبيقات والفنادق وفكرتها تجيك فاضيه وتشحنها بالمبلغ الي تبيه من حسابك الجاري برسوم سنويه ١٠٠ ريال 

نصيحه ابعد عنها والله انها باب فقر الافضل مثل ما قال اخوي مستر احمد خذ بطاقة تسوق مسبقة الدفع تشحنها بالمبلغ اللي تبيه

ياجماعه " .. انا مو اخذها علشان تسوق من النت عندي فيزا تسوق انا اخذها علشان محتاج مبلغ اشتري فيه سياره لان الفلوس الي معاي ما تكفي وعطونياه على شكل بطاقه مرابحه مثل ما ذكرت فوق "

هاذي كل الحكايه والي خلاني اطرح السؤال ان الموظف حق البنك قسم التسويق قالي ان البطاقه نقدر نخليها لك بالتقصيد كل شهر حتى لو سحبت المبلغ كله يصير القصد بس 350 شهريا لين تسددها على عشرين شهر
لكن لما وصلتني البطاقه معها ورقه صغيره مكتوب اني لازم اسدد اي مبلغ اخذه كل شهر والصراحه هذا فرق بين كلام الموظف والكلام الي بالورقه هذا الي خلاني اطرح السؤال لاني محتاج المبلغ وبنفس الوقت مابي ازنق نفسي اكثر من كذا

ارجع للموظف وقل كلامك مخالف لما جاء في البطاقه

خذ بطاقتك _ وكنسلها هذاك الوقت والمبلغ فيها وصلى الله وبارك


انا سامبا عطاني وحده فيها مبلغ 33 الف ريال

وأنا وقتها طلبت شحن وقال رصيدك مايسمح اعطيك شحن قلت ليش ماتكلمت قبل تصدرها

قال النظام اصدرها يبي يضحك علي الفاغر

قمت كنسلتها من وقتها وكسرت البطاقه ورميتها ع مكتبه وقلت لاتستغفل العملاء