دعواتكم الاقي وظيفه

ربي يوفقك يارب ان شاء الله بالتوفيق الزين و الصالح

الله يوفقك و يسهل امرك .

عندك ماشاء الله فلوس مافيك حيل تدورعلى وظيفة شي غريب

ذكرتني باللي اول يعرض ان دبر له احد. واسطه قبول بالكليات العسكريه
له مكافاة الطالب الى ما يتخرج حلال عليه
و هذي رشوة مهما كان الاتفاق و النيه

يعني افرض احد وظفك و طلعت قرض و شريت له كامري جديدة
بتقسط القرض الفين كل شهر لمدة خمس سنوات لانه دبر لك وظيفه
ممكن الراتب ما يسوى
فشوف له وظيفه لو راتب قليل مهي على شهادتك و لا احد يمن عليك او ياخذ من راتبك
اسعى و ادعي الله الحمدلله مهما تصعبت الامور ما توصل لكذا
غيرك يسافر مثل العمال و يتغرب عشان وظيفه راتبه اقل من مكافاة طالب تقنية عندنا

انتبه يا أخي

هذا باب من ابواب الربا

بعض الناس يحط براسه وضيفه خلاص معاد يبي الى هي وتحصله ضاع عمره وهو ينتضر هذي الوضيفه وتحصله طفران ومبهذل نفسه ترا موكلنا راضين بوظايفنانصيحه اي شخص عاطل لاتقعد تنتضر الوظيفه الي تبيها توظف اشتغل اي شي لحد يقول مافيه وظايف والله مليان وظايف بس انت شيل من راسك سالفه فشيله وعيب والكلام الي لايودي ولايجيب عندك السوبرماركت بنده عثيم التميمي الدانوب كارفور كلها طالبين موظفين بلهبل خشها اشتغل فيها لين الله يوفقك وتقبلك وظيفه زينه واتركها نصيحه اخ ترا الجلسه عاطل والله ماوراها الى الخراب اشتغل تعز نفسك لاتطلب امك وابوك ولااخوانك لابغيت شي فلوسك فى جيبك اشتر الي خاطرك فيه وفوق هذا خدمتك فى التئمينات ماشيه الان اكثر المحلات سعودوها والشركات كلها تبي سعوديين بلهبل  الله يرزق كل عاطل بوظيفه الي يتمناها 

صح لسانك يا فهودي 

الله يرزق جميع العاطلين بالوظيفة المناسبه

يبدو انه كلامي ما أعجب البعض وأعطوني ديسلايك

هذا الحديث حتى يعرف الناس الحكم الشرعي في مسألة انتشرت

عن أبي أمامة أن النبي صلى الله عليه وسلم قال : ( من شفع لأخيه شفاعة فأهدى له عليها هدية فقبلها فقد أتى باباً عظيماً من أبواب الربا ) حسَّنه الألباني . سنن أبي داود (3541) .

^^^ ما اعتقد انه ربا يابو عبادة الربا أن تعطي شخص مال أو نحوه ويرده لك بزيادة وتكون مشروطة الزيادة ،، هذي تسمى رشوة والله أعلم ،، أما بالنسبة للحديث تأكد من صحته وهو حديث صحيح أو ضعيف

^^^
ركز في طلب الرجال

الرجال يطلب واسطة يعني شفاعة ويقدم مقابل الشفاعة هدية
والحديث واضح صححه الألباني

الحل عندي اكثر من الاستغفار واكثر من الصدقات وعليك بالصبر مفتاح الفرج
قال تعالى(وقل استغفروا ربكم انه كان غفارا يرسل السماء عليكم مدرارا ويمددكم باموال وبنين ويجعل لكم جنات ويجعل لكم انهارا)

الله يجزاكم جميع من دعالي ومن نصحني.
والف شكر لمن قيم بالسالب

خذ فلوس الكامري وافتح لك مشروع