مشكلة تفتفه بعد تنظيف التروثل او بوابة الدعسة
4
0
إضغط هنا للإخفاء
السلام عليكم
ياخوان انا جاتني مشكله بعد تنظيف التروثل
وتنظيف حساس الهواء وحساس الدعسة
برضو نظفت حساس الشكمان وتم تغيير فلتر الهواء
واحس السياره مكتومه وعزمها طايح وعداد الاربي ام غير ثابت
السيارة من نوع كامري قراندي ٢٠٠٦ طبعاً v6
فصلت اصابع البطارية كلها وبديت تنظيف
استخدمت في التنظيف بخاخات crc لحساس الهواء منظف الكترونيات
ومنظف خاص للبوابة
طبعاً فكيت البوابة وطلعتها برا ونظفت
ولاحظت بعد البوابة تجمع للاوساخ حاولت احط من البخاخ شوي وامسح ب المنشفة
مادري اللي سويته صح ولا غلط
ونظفت حساس الشكمان ب منظف البوابة وصنفرته
راح انزل صوره البخاخات المستخدمة
ونظفت جميل الافياش والحساسات اللي فكيتها بستخدام منظف اللكترونيات
بعد م خلصت تنظف خليتها تنشف كلها وبديت تركيب
بديت ب حساس الشكمان وبعدها البوابة وحساس الدعسة وتاكدت من وزنها كلها ب الطريقة الصحيحة
وبعدها ركبت فلتر الهوا وحساس الهواء وشبكت البطارية وسميت بلله وشغلت كان تشغيل السيارة هادي وسريع ف البداية
خليتها لمدة ربع ساعة تقريباً شغالة وبعدها بديت احس ب مشكلة
المشكلة ف البداية كانت تفتفه قوية شوي
واحس السياره مكتومه وعزمها طايح وعداد الاربي ام غير ثابت نازل تحت ال ١ لكن مو ثابت
تاكدت من الليات والاسلاك كانت جميعها موصوله بشكل جييد
شيكت ع المحرك كان فيه تفتفه او رجة والشكمان برضو يتفتف ويقطع
وغيرت حساس الهواء بحساس اخر ف البداية حسيت ان التفتفة اختفت بس
ماكملت نص ساعة الا حسيت فيها رجعت ومافداني بشيء
ولاحظت امس ريحة بنزين تطلع من الشكمان مع التفتفة
وعزم السيارة مرره طايح ومكتومة
برضو تصرف بنزين اكثر من اللازم وصارت تطول شوي ف التشغيل
لورحت للمحلات بيقولون بواجي وتنظيف بخاخات وبعدها كويلات وانا ماني متاكد منهم
ياليت اهل الخبره يفيدوني وجزاكم الله الف خيير
إبلاغ
سيارات للبيع
الردود
لكن ع وضعك ،، تاكد من البرمجه لان الكامري حساسه بهالشيء
واذا تخربط السستم تبدا تقطع وكذا
افصل السالب دقايق وبعد ماتركبه افتح السلف لين تطلع اللمبات الي بالطبلون خله مفتوح ٥ ثواني كذا او ١٠ ثم طفيه وارجع افتح وكرر مرتين والرابعه دق سلف
ان شاء الله تكون تبرمجت
اذا ماتبرمجت ، اتوقع يبيلها برمجه كمبيوتر ،،
طبعا بعد ماتفتح البواجي وتشيكها مع الكويلات
0
0
0
0
بس لاتصلحها صور الكود وبعدها امسح الاكواد
الي مسجله على كمبيوتر السياره ممكن صار لخبطه بالنظام
اذا رجعت معناها مشكله بالكود الي مسحته تكون عندك له صوره وصلح الشيء المرتبط بالكود
اكتب الكود بقول مع اسم سيارتك وتشوف طريقة التصليح
0
0
1
0
وجتني نفس مشكلتك
امسك بها خط بدون مكيف اكثر من 30 كيلو
والرجعه بالمكيف اذا كفراتك نظيفه اطلع طريق فاضي وش شوي بس لاتتعدا 180
اكثر من 5 مرات نفس مشكلتك واسوي هالطريقه
.
واذا كان سيارتك فيها فتحة سقف برضو برمجها
والطريقه فكها وخلك ماسك الزر الين تسمع صوت برمجه زي الدقه تك
وبعدها كفلها وخلك ماسك الزرار الين تسمع الصوت وخلاص كذا
0
0
0
0
الاعضاء مقصرو ذكرون بالمنتدا زمان
اتوقع من حساسات الثروتل لازم ينفكن ويتنظفن برا الثروتل بس انتبة مسامير الحساسات لا يبوزن
مثل مقال الخور وجة الثروتل لكن على علمي الكامري مالها وجة بس نظف الجهتين زين
اما زيت غسيل المكينة ( الفلاش ) مأنصحك للسيرات القديمة او الي ماشية كثير
2
0
اليوم شريت بواجي ليزر طلعتلي برقم الهيكل
وبنظف البخاخات وبتاكد برضو من حساس A/c اغلب الناس تقولي ممكن فيه مشكلة
الحمدلله البوابة نظيفة تماماً نظفتها اكثر من مره وياخوي الاطلسيء فيه وجه للتروثل وماشد انتباهي موضوع اني اركب الوجهة زين او احط سلكون
طبعاً سويت فحص ولاطلعلي شيء للاسف
بس قلت اغير بواجي وانظف البخاخات ممكن هي سبب ريحة البنزين
وبتاكد برضو من التروثل والوجة وحساس Ac وبعدها اطبق طريقة البرمجة اللي ذكرها الاخ دحوم
وبعدها اوافيكم بالجديد والله يعطيكم الف عافية
2
0
0
0
اول شي ارجع تأكد ان اليات كلها مافيه قطع خصوصا الي يطلع من الراس
وحتى الاسلاك حقت الحساس تأكد منها
وترا ممكن حساس الشكمان يتلف في غالبآ الاحيان
وشف شوته الفلتر لايكون فيها قطع بعد
قبل 5 سنه و شهر