أضف سؤال أو موضوع جديد          

قصة حساسات الكمبروسرات مع الحساسين

up 14 down 32
محمدالكامري 797
قبل 3 شهر و 2 أسبوع



السلام عليكم

نعود لكم بعد انقطاع كبير وذلك لان الجو هاليومين طيب واقدر اطلع بالسيارة بدون ما اشغل المكيف واضف الى ذلك ثقلان عليكم شوي

اما من ناحية ليه ثقلان انا اقولكم
يعني قلت ابشوف هل انتم حساسين بزيادة او لا

واما من ناحية ليه ما اشغل المكيف
لانه ببساطة حساس الكمبروسر خربان

المهم ان الموضوع كله فيه حساسية
وقد من الله حنا متحسسين خلقه
تذكرون جوال نوكيا الدمعه

على اية حال

قبل لا ندخل في الموضوع نحاول نبارك لي بامتلاكي حاليا ل 4‪ سيارات بدون ما نحاول نعرف وش موديلاتها وبكم اخذتهم
لاني انا حساس من هالنقطة شوي

الامر الاخر عشان العين ٣ من هالسيارات مكيفهم عطلان
وبسم الله اللهم لاحسد

يكفيني منهم اني بكل موسم شتاء اشغلهم واخذ فيهم لفة اما بالصيف راح اخزنهم عشان الممشى لايزيد موبعشان شي ثاني

وراح استخدم بعز الحر السيارة الرابعه الي هي تاهو موديل ٢٠٠٣ عشان تعرفون التاهو مايضره الممشى واحب ااكد لكم مو عشان شي ثاني

وومو عشان مكيف التاهو الملعون بارد جدا وصامل للحين رغم تراكم هالسنين الطويلة

ومو عشان الالتيما والافلون الي معي كمبروسراتهم ملحوسه او شي من ذا القبيل لا قدر الله

ابدا تعرفوني وتعرفون صدقي في كل شي ما عدا في ذا الموضوع الي كذبت فيه لدرجة سمعت فصلة كمبروسور الافالون وانا على سريري

ندخل في موضوعنا الحساس

السالفة يا جماعه في اعوام سابقة كانت للشركات تعتمد على الكمبروسر الكلتش الي يربط عن طريق مجال مغناطيسي ويشتغل ولو خرب هالكلتش غيرة ب 2‪00 ريال واعتقد تغيره في ال 1‪0 سنين مره ويصمل معك الكمبروسر ولا يخذلك مثل ما يخذلك اقرب الناس لك

قام المستهلك قليل الخاتمه يبي سيارة اقل صرفية في الوقود واقوى عزم ودبروا اعماركم يا المنتجين

المنتجين قالوا ابشر ما طلبت شي نصنع لك مكينه المانيوم ونحط البخاخات بوسط السلندر وحتى الكمبروسر الي هو اكثر شي يستهلك جهد المحرك نبي نصغره ونغير طريقة عمله من بساتم الى نظام روتوري ونزرق بداخله حساس مربوط بكمبيوتر السيارة وبكذا انت يالمستهلك تفكنا من طول لسانك طال عمرك
وهذي سيارة احصنه اقوى واقل استهلاك كهرباء

طبعا المستهلك الذيب هذا الي هو انا اكتشف بعد عقد من الزمان ان الموضوع ما يخارج وان ذا التوفير دفعه من مكان منت خابر

لدرجة ان اصبح تغيير الكمبروسر امر دوري وكل سنتين او ثلاثه مثله مثل تغيير البواجي

وصار يدفع من جيبه مبلغ يظاهي ما وفره غير الاتعاب الاضافيه من مفاوضة معلم التكييف الباكستاني السيد اكبر شريف نصاب
وهو يقولي يكلفك اصلاح مكيف الافلون حول الفين ريال قطع وشغل يد اقوله المكيف ثلج بس يفصل يعني غير الحساس بس قال الحساس ما يتغير طيب غير اي شي الله يهديك وياخذك قال ابد مشان الله كرمال عيونك حضرلي كمبروسر جديد هلا يا ابن عمي
عاد هو قال كذا وانا دقيق في النقل

المهم

لذا قلت خلني مع الراتب اصلح المكيف وليومك هذا الراتب الي اقصد منه اصلح المكيف ما بعد جا والسيد المعلم الخطير ينتظر والتاهو صاحب الكمبروسر القديم الكلتش في الخدمه واداوم لعملي واجي والامور طيبه وماعلي خلاف وكيفكم انتم عساكم طيبين

تعانون من فرط حساسية مثلي ولا انا بس

تحياتي لكم
ابو فهد











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اللي اعطوك دسلايكات علموك مستوى الحساسية المقدمة مالها داعي وانا اخوك وش يهمني كم اقيام مواترك الله يرزقنا وياك 

بالنسبة لموضوع الكومبرسر انا افضل نظام الكلتش اقوى بكثير من الكهرب العزم ماتحس فيه خصوصا لا كان الموتر ٨ سلندر تكاد لا تشعر به


up 10 down 9
benz lover 367
قبل 3 شهر و 2 أسبوع



ياشين السماجه دس لايك قليله فيك


up 10 down 10
zl1.v8 9
قبل 3 شهر و 2 أسبوع



 الله انا اخوك مدري وش اقول لكن المكيف واعطاله الكثير يشتكي منها واحيانا يتخسرون عليها كثير ووقت ضايع ومشاوير قطع وورش وكثير من الورش يقول لم على طول فريون وبعضهم يحط فريون تجاري ويضر الكومبرسور  والا يفك لك الطبلون وهذي مشكلة كبيرة  وخذ منها التعقيدات وخسارة المال والوقت والجهد مير الله يخارجنا من الورش والخساير واستغلال وكذب بعضهم 


up 5 down 0
جبال معانيق 148
قبل 3 شهر و 2 أسبوع



طولت الغيبة ^^ لاااااااايك


up 6 down 12
nissan200 140
قبل 3 شهر و 2 أسبوع



فرط حثاثيه ثامج نعطيك احمر يعالج الحثاثيه


up 4 down 13
هبووب الشمال 102
قبل 3 شهر و 2 أسبوع



كذالك كمبروسر الاوريون يفصل كثير في الاجواء الحاره عندي والايام البارده شغال زي الحلاوه 


up 2 down 0
ahmad990 6104 2
قبل 3 شهر و 2 أسبوع



عشان ماتقول ذا حاسدني او من هالكلام لانك حساس يبو حساس
دامه معك 4 سيارات ارحم نفسك هههههه
وصلح واستخدم الى اذا تبي اولادك يورثونك كامري وافلون وتاهو
وضيعت نصف مستقبلك على بنزين التاهو بيعه
صلح مكيفاتك وارحم نفسك لانه الراتب حق التصليح مراح يجي واتوقع بعد 7 سنوات يجيك وتصلح منه اذا ركنت عليه


up 1 down 1
tttt35035 937
قبل 3 شهر و 2 أسبوع